Матфей 4:24 - Од Соткс Новый Завет на мордовском-мокша языке 2016

²⁴ Иисусонь колга кулясь срадсь марнек Сириять келес; и вятнезь Тейнза сембе сярядихнень и эрь кодама урмаса маятайхнень, кяжи ваймопожфса колафнень, эсь урмаса сярядихнень, параличса колафнень, и Сон пчкафнезень синь.

Матфей 4:24 Referans Kwoze

Матфей 17:15

«Азор! Ужяльтьк цёразень! Од ковбрянь пингста сон пяляскоткшни. Пяк сяряди: сидеста прашенды коста толти, коста ведти.

Матфей 8:6

«Азор! Кудса покодиезе урмаськодсь, пильге лангска аф стякшни и кирди оцю сярятьф».

Лука 5:15

И нинге сяда пяк срадсть кулятне Иисусонь колга, и ламодонга лама ломань сашендсь кулхцондомонза и урмаснон пчкафтома.

Лука 2:2

Тя ульсь васенце сёрмадомась и сон ётафтовсь, мзярда Сирияса азорондась Квириней.

Матфей 17:18

Иисус мярьгсь кяжи ваймопожфти лисемс, и ся кадозе цёранять. И цёранясь эстокиге пчкясь.

Матфей 15:22

Вов, Тейнза маладсь Хананеянь ава, кона ульсь ся ширдень, и пешкодсь: «Азор, Давидть Цёрац, ужяльдемак монь! Стирнязень эса кяжи ваймопожф; и тейнза пяк кальдяв».

Матфей 12:22

Эста вятсть Иисусти сокор и аф корхтай аля, конань эсоль кяжи ваймопожф. Иисус пчкафтозе сонь, и ся кармась няема и корхтама.

Апостолхнень тевсна 10:38

Тинь кулесть, кода Назаретонь Иисусть Шкайсь вадезе Иняру Ваймопожфса и вийса, содасасть, кода Сон якась сембе вастова, тиендсь цебярь и пчкафнезень сембонь, кие ульсь идемэвозть кядяла, сяс мес мархтонзоль Шкайсь.

Апостолхнень тевсна 15:23

Синь кучсть мархтост тяфтама сёрма: «Апостолхне, оцюнятне и кемай ялгатне кучихть пара вал Шкайти шарфтф лия ломаньтналонь кемай ялгатненди, конат эряйхть Антиохияса, Сирияса и Киликияса.

Марк 2:3

И састь Тейнза ниле алят, конат кандсть параличса колаф ломань.

Марк 1:32

Илять, шивалгомда меле, Иисусти каннезь сембе сярядихнень и аф ару ваймопожфонь колафнень.

Матфей 4:23

Иисус якась сембе Галилеява, тонафтсь синагогава, пачфнесь Пара куля Шкаень Оцязорксшить колга и пчкафнезень ломаттнень эрь кодама урмада и сярятьфта.

Апостолхнень тевсна 15:41

Павел ётась Сириять и Киликиять пачк и кемокстакшнезень тостонь кемаень пуромкснень.

Лука 4:14

Иняру Ваймопожфонь вийса Иисус мрдась Галилеяв. Сонь колганза кулясь срадсь сембе перьфпяльге.

Марк 1:28

И колганза корхнематне курокста срадсть сембе Галилеять келес.

Матфей 14:1

Ся пингть Ирод, Галилеянь оцюнясь, марясь Иисусть колга

Иоанн 10:21

Лиятне корхтасть: «Тяфтама валхне аф лисихть кяжи ваймопожфса колафонь эзда; дяряй кяжи ваймопожфти пчкафтовихть сокорть сельмонза?»

Матфей 9:35

Иисус якась сембе ошева и велева, тонафтсь тостонь синагогава, азондсь Пара куля Оцязорксшить колга, пчкафнезень ломаттнень эрь кодама урмада и сярятьфта.

Матфей 9:26

Тянь колга кулясь срадсь сембе ся аймакова.

Матфей 8:28

Мзярда Иисус пачкодсь эрьхкть омба трвасонза ащи Гадарина мастору, каршезонза кевботмаронь калмоста лиссть кяжи ваймопожфса колаф кафта ломатть. Синь ульсть сяшкава кяжихть, нльне кивок ашезь ётнев тя киге.

Матфей 8:33

Тувонь ваныхне ворьгодсть. Синь састь ошу, коса синь азондозь семботь, и сяньге, мезе ульсь кяжи ваймопожфса колафнень мархта.

Марк 2:4

Но синь ашесть ётав Иисусть малас, сяс мес перьфканза пуромсь пяк лама ломань. Эста синь куцсть кудбряв, калафтозь кудбрять ся вастста, коса ащесь Иисус, тисть варя и эзганза, ацамнек, алу нолдазь параличса колафть.

Марк 2:9

Мезсь сяда тёждя, мярьгомс параличса колафти: "Тонь пежетне нолдафт" али "Стяк, сявк эсь ацамцень и якак"?

Лука 4:38

Синагогаста лисемда меле Сон сувась Симононь пяли. Симононь авозец пяк сярядсь, сон ульсь пси урмаса. Иисусонди эняльдсть лездомс тейнза.

Лука 5:24

Но тяни содасть: Ломанень Цёрать ули азорксшиц модать лангса нолямс пежет», – и пшкядсь параличса колафти: «Корхтан тейть: стяк, сявк ацамцень и архт эсь кудозт».

Апостолхнень тевсна 8:7

Ламонц ломаттне мянцть аф ару ваймопожфнень эзда, конат кайгиста пешкодозь лисендсть потмостост, и ламоц параличса колафне и шаморхне ульсть пчкафтфт.

Лука 7:17

Иисусонь колга азкссь срадсь марнек Иудеява и перьфпяльдень сембе аймакова.

Апостолхнень тевсна 28:9

Тяда меле усиянь лия ломаттневок, кит сярядсть, сашендсть Павелонди, и сон пчкафнезень синь.