Матфей 27:50 - Од Соткс Новый Завет на мордовском-мокша языке 2016

⁵⁰ Иисус тага кайгиста пешкодсь, и ваймоц лиссь.

Матфей 27:50 Referans Kwoze

Иоанн 19:30

Мзярда Иисус варжазе шапама винать, мярьгсь: «Тиевсь!» Комафтозе прянц и ваймоц лиссь.

Лука 23:46

Иисус вярьгак вайгяльхть ювадсь: «Аляй! Тонь кядезт максса ваймозень!» Ня валхнень азомда меле ваймоц лиссь.

Еврейхненди сёрмась 9:14

эста конашкава сяда аруяфты Христость вероц! Пефтома пингонь Иняру Ваймопожфть вельде Сон кандозе Эсь прянц афсатыксфтома озксказнекс Шкайти. Сонь вероц аруяфтсыне ваймовайгяленьконь кулоф тефнень эзда и тисамазь минь маштовиксокс эряй Шкайть покодемасонза.

Марк 15:37

Иисус вярьгак вайгяльхть пешкодсь, и ваймоц лиссь.

Матфей 20:28

Ломанень Цёраське сась аф Эсь лангозонза лиятнень покотьфтома, меколанкт Сон сась покодема лиятненди и максомс Эсь эряфонц ламотнень идемаснон инкса».

Иоанн 10:15

сянь лаца кода Алязе содасамань Монь и Монга содаса Алязень; и Эсь прязень путса учатнень инкса.

Иоанн 10:11

«Мон цебярь ваныян: цебярь ванысь ваймонц путсы учатнень инкса.

Еврейхненди сёрмась 2:14

Ня иттне ащихть ронгста и верста, сяс Иисусовок арась синь лацост. И тяфта, куломать вельде Сон машфтозе вийда сянь, конань ули азорксшиц куломать лангса, лиякс мярьгомс, идемэвозть,

Матфей 27:49

Лядыхне корхтасть: «Ожу, ванцаськ, сай али аф Илиясь идемонза!»

Иоанн 19:29

Тяса ульсь кядьгоня, пяшкотьф уцез шапама винада. Ушматтне навасть винати ведьбанга, сотозь иссоп тарадонь пес и токафтозь Сонь трванзонды.

Еврейхненди сёрмась 5:7

Иисус, масторлангонь эряфонц пингста, оцю вайгяльса авардсь и, эняльдезь, сельмоведь мархта озондсь Шкайти, конань ульсь виец идемс Сонь куломада. И Сон ульсь кульф Шкайть мяленц ваноманц инкса.