Матфей 23:9 - Од Соткс Новый Завет на мордовском-мокша языке 2016

⁹ Алякска мастор лангса тясть лемне киньге, сяс мес тинь аньцек фкя Алянте, кона менельса.

Матфей 23:9 Referans Kwoze

Иоаннонь васенце сёрмац 3:1

Ваность, конашкава Аляньке кельгсамазь минь: Сон лемнесамазь минь Шкаень идькс! И минь афкукс Сонь иденза! Масторлангонь ломаттне аф содасамазь минь, сяс мес ашезь сода минь Аляньконь.

Еврейхненди сёрмась 12:9

Мзярда масторлангонь аляньке сюцекшнемазь-тонафнемазь, минь кулхцондоськ синь сюцемаснон-тонафтомаснон, сяс мес ёраме ваномс синь мяльснон. Эста конашкава сяда кулхцондыкс эряви улемс менелень Аляти, вдь тя кулхцондомась максы тейнек эряф.

Матфей 7:11

Кда тинь, кяжи ломатть, машттада шабантенди паронь максома, эста сядонга Менелень Алянте максы парот сятненди, кит анайхть Сонь кядьстонза.

Павелонь васенце сёрмац Коринфу 4:15

Катк Христости кемамаса тонафтыдонт ламодонга лама, но алянте уленди аньцек фкя. Тя мон азондыне тейнть Пара кулять, и эста тинь шачеде Христос Иисусонь эса.

Павелонь омбоце сёрмац Коринфу 6:18

«Мон улян тейнть Алякс, и тинь ульхтяда Тейне цёракс и стирькс. Тяфта корхтай Сембонь Кирди Азорсь».

Апостолхнень тевсна 22:1

«Ялгат и ломаньтналонь аляньке! Кулхцондода, мезе мон азан тейнть эсь прязень аф муворукс няфтеманкса».

Матфей 6:32

Тя афкуксонь Шкайти аф кемайхнень оцю пичефкссна. Тинь Менелень Алянте содасы: тейнть тя сембось эряви.

Матфей 23:10

Вятикска катк аф лемнетядязь тинь, сяс мес тинь вятиенте фкя – Христоссь.