Матфей 21:29 - Од Соткс Новый Завет на мордовском-мокша языке 2016

²⁹ Цёрась каршезонза корхтай: "Аш мялезе". А сяльде каендась и мольсь.

Матфей 21:29 Referans Kwoze

Павелонь васенце сёрмац Коринфу 6:11

Тинь эздонтка конат-конат ульсть тяфтапт! Но тяни тинь штадязь, тинь иняруяфтодязь, тинь луводязь видексшинь ломанькс Иисус Христос Азороньконь лемса и Шкаеньконь Ваймопожфса.

Апостолхнень тевсна 26:20

Васенда мон пачфтине Пара кулять Дамасконь и Иерусалимонь эряйхненди, сяльде марнек Иудеянь масторти и лия ломаньтналхненди: мон тердине синь кадомс пежеснон, шарфтомс Шкайти и тевса няфтемс Шкайти шарфтомаснон.

Матфей 21:31

Кие эздост пяшкодезе алянц мярьгоманц?» Синь Иисусти корхтайхть: «Васенцесь». Иисус мярьгсь озксвятиень оцюнятненди и ломаньтналонь оцюнятненди: «Видеста корхтан тейнть: каяфксонь кочкайхне и эсь прянь мишенди аватне тиндедонт инголи сувайхть Шкаень Оцязорксшити.

Матфей 21:28

«А мезе тинь астада вага тянь колга? Фкя ломанть ульсть кафта цёранза. Сон нажядсь васенцети и мярьгсь: "Цёрай, архт покак тячи монь виноградонь пересон".

Матфей 21:30

Алясь нажядсь омбоце цёранцты и азозе тейнза тякоть. Омбоце цёрац каршезонза корхтай: "Молян, аляй", – а молемс изь моле.