Матфей 20:23 - Од Соткс Новый Завет на мордовском-мокша языке 2016

²³ Иисус корхтай тейст: «Монь ризфонь кядьгозень тинь симсасть, а озамс види али кержи кядь ширезон, тя аф Моньцтон ащи: тоза озайхть сят, кинди аноклазень ня васттнень Монь Алязе».

Матфей 20:23 Referans Kwoze

Иоаннонди панчф няйфкс 1:9

Мон, Иоанн, тинь кемай ялганте, явса мархтонт Иисус Христосонь маятаманц, оцязорксшинц и кирдемшканц. Мон улень паньф Патмос усияв сяс, мес пачфнине Шкаень валть и азондонь Иисус Христосонь колга.

Апостолхнень тевсна 12:2

Сон торса керфтозе Иоаннонь брадонц Иаковонь прянц.

Марк 10:40

но кинь озафтомс Монь види и кержи ширезон – ся аф Монь эздон ащи, ня васттне – сятненди, кинди синь аноклафт».

Матфей 25:34

Эста Оцязорсь мярьги види кяденц ширеса ащихненди: "Сада тяза, Монь Алязень кядьса бславафне, сявость Оцязорксшить, кона тейнть аноклафоль нинге масторть тиевомста.

Павелонь васенце сёрмац Коринфу 2:9

Кода азф Сёрматфксса: «Сельмось сянь ашезе няе, и пилесь ашезе куле, и ашезь сашенда ломанть пряс ся, мезе Шкайсь аноклась Эсь кельгиензонды».

Павелонь сёрмац Риму 8:17

А кда минь Шкаень иттяма, эста тейнек максови Сонь надияфтф бславаманц уликс-пароц. Тя козя бславамать уликс-паронц Шкайсь макссы кода Христости, тяфта и тейнек, вдь кда минь Христость мархта маятатама, эста Сонь мархтонза ульхтяма иневалдсонзонга.

Еврейхненди сёрмась 11:16

Но синь мяльсноль сатомс сяда цебярь масторть, лиякс мярьгомс, менеленнеть. Вага мес Шкайсь аф визди, мзярда синь лемнесазь Сонь эсь Шкайкс; вдь Сон аноклась тейст ош.

Павелонь сёрмац Колоссав 1:24

Тяни мон кеняртькшнян сянди, мес тинь инксонт кирдян маятамат. Мон эсь ронгозень вельде пяшкотькшнеса сянь, мезе нинге аф сатни Христость маятамасонза. Тянь мон тиса Сонь ронгонц инкса, лиякс мярьгомс, кемаень пуромксть инкса.

Павелонь омбоце сёрмац Коринфу 1:7

Минь кемоста надиятама лангозонт: тинь кирттяда. Вдь минь содасаськ: кода тинь ули пяльксонте минь мархтонк маятамасонк, тяфта жа тинь ули пяльксонте минь мархтонк ваймафтомасонк-кемокстамасонк.

Матфей 13:11

Сон мярьгсь каршезост: «Сяс мес тейнть максф содамс Менелень Оцязорксшить салавашинзон, а тейст тя апак макст.

Матфей 20:24

Тянь кулемста лядыкс кемонь тонафнихне пяк кяжиясть ня кафта браттнень лангс.