Матфей 2:11 - Од Соткс Новый Завет на мордовском-мокша языке 2016

¹¹ Куду сувамста няезь Иднять Мария тядянц мархта, прасть плманжа лангс и сюконясть Идняти. Сяльде таргазь козяшиснон и казсть Тейнза казнет: зрнят, ладан, смирна.

Матфей 2:11 Referans Kwoze

Лука 2:16

Эрязста пачкодсть, музь Мариянь мархта Иосифонь и Иднять, кона путфоль жуватань андома кядьгос.

Матфей 2:2

«Коса аф кунара шачф евреень Оцязорсь? Минь няеськ менельса Сонь лиси тяштенц и саме Тейнза сюконяма».

Иоаннонди панчф няйфкс 19:10

Эста мон прань сонь пильгозонза тейнза сюконязь, но сон мярьгсь тейне: «Ватт, тяк тиенде тянь! Монга Шкаень покодиян, кодамат тон и тонь ялгатне, конат азондыхть Иисусонь колга. Шкайти сюконяк! И содак: Иисусонь колга азондомась – тя пророчендамань ваймопожф».

Матфей 14:33

Венчса улихне прасть Иисусть пильгс и мярьгсть: «Афкукс, Тон Шкайть Цёрацат».

Иоаннонди панчф няйфкс 5:8

Мзярда Верозсь сявозе книгать, ниле эряй ваймотне и комсь нилие атятне прасть инголенза комада. Эрсь кирдсь кядьсонза арфа и зрнянь кядьге, кона пяшксель танцти шине фимиамда – Шкаень ломаньтналть озондомадонза.

Лука 2:38

Анна тя пингоня нежедсь тейст, шназе Шкайть и корхтась Идть колга сембонди, кие учендозе Иерусалимть воляшис мянеманц.

Матфей 1:18

Иисус Христоссь шачсь тяфта: Сонь тядяц, Мария, ладяфоль Иосифонди, аньцек синь рьвяямдост инголе Мария пекиель ни Иняру Ваймопожфть эзда.

Матфей 2:10

Тяштть няемстонза синь кенярдсть оцюдонга оцю кенярдемаса.

Матфей 12:46

Мзярда Иисус нинге корхтась ломаттненди, тядяц и брадонза ащесть ушеса, мяльсноль корхтамс Сонь мархтонза.

Иоанн 19:39

Нинге сась Никодим, сяка ломанць, кона весть сашендсь Иисусти веньгучкать. Сон кандсь колмогемоньшка литра танцти шине вай, тиф алойста и смирнаста.