Матфей 19:3 - Од Соткс Новый Завет на мордовском-мокша языке 2016

³ Нажядсть Тейнза фарисейхне. Синь ёразь кундамс Сонь кизефкс вельде, мярьгсть: «Мярьгондеви-аф аляти койть коряс кодамовок туфталонкса явомс эсь рьванц мархта?»

Матфей 19:3 Referans Kwoze

Марк 10:2

Састь ваксозонза фарисейхть и, ёрамок кундамс Иисусонь валса, кизефтезь: «Койть коряс мярьгондеви мирдти кадомс рьванц али аф?»

Еврейхненди сёрмась 3:9

Тоса тинь алянте мольфнезь мялезень и варчсемазь Монь, хуш няендезь Монь тевнень нильгемонь киза.

Иоанн 8:6

Тяфта синь корхтасть, сяс мес ёрасть кундамс Иисусть валса и мумс кодамовок туфтал Сонь муворгофтомс. Но Иисус комась и сурсонза сёрмадсь модать лангс.

Марк 12:15

Но Иисус содазе, синь – шамафксонь каннихть, сяс мярьгсь тейст: «Мезенди варчсесамасть Монь кизефксонтень вельде? Кандода Тейне динарий, ванца».

Марк 12:13

Синь кучсть мзярошка фарисей и Иродонь ломанензон кодамовок вал лангса Иисусонь кундама.

Матфей 22:35

Эздост койти фкя тонафтысь арьсесь кундамс Иисусонь валса и кизефтезе:

Матфей 16:1

Иисусонь малас састь фарисейхть и саддукейхть, и варчсезь Сонь виенц – вешсть кядьстонза тяштькс менельста.

Павелонь васенце сёрмац Коринфу 7:10

А сятнень, кит рьвяяфт, мон кошярясайне, – афи мон, а Азорсь: рьвати аф кадома мирдец,