Матфей 19:27 - Од Соткс Новый Завет на мордовском-мокша языке 2016

²⁷ Эста Пётр мярьгсь Иисусти: «Кулхцонтт, минь семботь кадоськ и туме мельгат, мезе тейнек тянкса максови?»

Матфей 19:27 Referans Kwoze

Павелонь сёрмац Филиппав 3:8

Мон афкукс семботь лувса шавокс, сяс мес Христос Иисус Азорозень содаманц мон лувса сембодонга питникс. Сонь инксонза мон юмафтыне семботь – и тянь семботь мон лувса прокс аф эрявиксокс, сяс мес мялезе сатомс Христость.

Лука 5:11

Синь таргазь кафцьке венчнень эрьхке трвати, кадозь семботь и тусть Иисусонь мельге.

Лука 18:28

Пётр мярьгсь: «Вов минь кадоськ семботь, мезеньке ульсь, и туме мельгат».

Лука 15:29

но сон алянц каршес мярьгсь: "Вов, мон тняра киза покодян тейть кода уре, мзярдонга ашень моле туркс валцень каршек. Аньцек тон вестенге ашеть макссе тейне сява вероскявок ялгань каванямс.

Марк 10:28

Эста Пётр кармась корхтама Тейнза: «Вов минь сембоньконь кадоськ и туме мельгат».

Марк 2:14

Ётамбачк Иисус няезе Левиень, Алфеень цёранц, кона озафоль каяфксонь кочкама вастть ваксса. Мярьгсь тейнза: «Мольхть Монь мельган!» Ся стясь и тусь мельганза.

Лука 14:33

Тяфта эрсь эздонтка, кда аф аерды сембонц эзда, мезец ули, аф улеви Тейне тонафникс.

Матфей 9:9

Сяда тов молемста, Иисус няйсь ломань, кона озадоль каяфксонь кочкама вастть ваксса. Сонь лемоцоль Матфей. Иисус корхтай тейнза: «Мольхть Монь мельган». Матфей стясь и тусь Иисусонь мельге.

Павелонь васенце сёрмац Коринфу 4:7

Кие мярьгсь, бта тон лияда сяда цебярят? Мезце тонь ули стама, мезть максолезе тейть аф Шкайсь? И кда тейть сембось максф кода казне, мезенди шнасак пряцень, бта тонць семботь сатыть?

Павелонь васенце сёрмац Коринфу 1:29

Сяс киндинге аф шнави пряц Шкайть инголе!

Матфей 19:26

Иисус варжакстсь лангозост и мярьгсь тейст: «Ломанти тя аф тиеви, а Шкайти тиеви сембось».

Матфей 19:28

«Видеста корхтан тейнть, – мярьгсь Иисус, – мзярда одкстоми марнек масторлангсь и Ломанень Цёрась озай оцязоронь иневалда вастозонза, эста тиньге, кит туде Монь мельган, озатада оцязоронь кемгафтува васттненди судендамс Израильть кемгафтува юромонзон.