Матфей 14:19 - Од Соткс Новый Завет на мордовском-мокша языке 2016

¹⁹ Иисус мярьгсь ломаттненди озсемс тишеть лангс. Сон сявозень вете кшитнень и кафта калхнень, варжаксть менели, и бславазень синь. Сон синнезень и максозень тонафниензонды, а тонафниенза – ломаттненди.

Матфей 14:19 Referans Kwoze

Лука 24:30

И мзярда мархтост ащесь шрать ваксса, Сон сявозе кшить, бславазе, синдезе и максозе тейст.

Апостолхнень тевсна 27:35

Тяда меле сон сявсь кядезонза кши, сембонь ингольде азсь сюконяма Шкайти, синдезе и ушедсь ярхцама.

Марк 6:41

Иисус сявозень вете кшитнень и кафта калхнень, кеподезень сельмонзон менели и бславазень. Сон синнезень кшитнень и максозень тонафниензонды, сят явондозь ломаттненди. Станяк сембонди явондозень кафта калхненьге.

Павелонь васенце сёрмац Коринфу 11:24

азсь сюконяма Шкайти, синдезе и мярьгсь: «Сявость и ярхцада, тя Монь ронгозе, кона синневи тинь инксонт. Тянь тиендесть Монь лятфнемган».

Павелонь сёрмац Риму 14:6

Ся, кона башка луви кодамонга ши, Азорть инкса тянь тисы, а кие сембе шитнень фкакс лувсыне, тяка лаца Азорть инкса тянь тисы. Сявок, кие ярхцай, ярхцай Азорть лувомга, сяс мес сюконяй Азорти ярхцамбяленкса. А кие аф ярхцай, ся аф ярхцай Азорть лувомга, и тяка лаца азы сюконяма Шкайти.

Павелонь сёрмац Колоссав 3:17

И семботь, мезе тиенттяда валса али тевса, семботь тиендесть Иисус Христос Азорть лемса, сюконязь Сонь вельденза Шкай Аляти.

Павелонь васенце сёрмац Коринфу 10:16

Дяряй бславамань кядьгось, конанкса астама сюконяма Шкайти, минь аф сотсамазь Христость веронцты? Кшиське, конань минь синнесаськ, дяряй аф сотсамазь Христость ронгонцты?

Лука 9:14

Аляда тоса ульсь ветешка тёжянь. Иисус мярьгсь тонафнихненди озафтомс ломаттнень марс, ведьгемонень.

Марк 7:34

варжакстсь менели, крхкаста таргазе ваймонц и мярьгсь тейнза: «Еффафа́!», тя ётафтови «Панжефт!»

Павелонь васенце сёрмац Коринфу 10:31

Эрь вов мезе: ярхцатада али сиптяда, семботь мезе тиенттяда, тиендесть Шкайть шнаманкса.

Иоанн 6:23

Ся пингоня састь Тивериадаста лия венчт ся вастть малас, коса ломаттне ярхцасть кшида Азорть бславамдонза меле.

Марк 6:39

Иисус мярьгсь озафнемс сембе ломаттнень пижелды нарнять лангс.

Иоанн 11:41

Веляфтозь калмоть ваксста кевть. Иисус кеподезе прянц вяри менели и мярьгсь: «Аляй! Сюконян Тейть сяс, мес марямайть Монь.

Лука 22:19

Меле Иисус сявозе кшить, азсь сюконяма Шкайти, синдезе и максозе тейст, корхтась: «Тя Монь ронгозе, кона максови тинь инксонт. Тянь тиендесть Монь лятфнемган».

Лука 9:16

Иисус сявозень вете кшитнень и кафта калхнень, кеподезень сельмонзон менели, бславазень синь. Сон синнезень кшитнень и калхнень, максозень тонафнихненди, сят явондозь ломаттненди.

Матфей 14:18

Сон мярьгсь: «Кандость синь Тейне».

Лука 22:17

Сон сявозе кядьготь и сюконямань азозь мярьгсь: «Сявость и явость сонь эсь ётковант.