Матфей 13:25 - Од Соткс Новый Завет на мордовском-мокша языке 2016

²⁵ Мзярда ломаттне удость, сась сонь душманоц, видесь тозерть ёткс сордише и тусь.

Матфей 13:25 Referans Kwoze

Пёторонь васенце сёрмац 5:8

Уледа сргозьфт и фалу анокт, сяс мес тинь душманонте, идемэвозсь, якай вакссонт, кода уркоды лев, кона вешенди кинь сивомс.

Пёторонь омбоце сёрмац 2:1

Кода Израилень ломаньтналть ёткса ульсть аф афкуксонь пророкт, тяфта тинь ётксонтка эвондайхть аф виде тонафтыхть. Синь салава сувафнихть кемаень пуромксти юмафты-арафты васькафнемат и мянь потайхть Азорть эзда, кона синь идезень. Тяфта синь таргайхть эсь лангозост куроконь юмама-арама.

Матфей 13:39

Душманць, кона синь видезень – идемэвозсь, нумась – тя пингть пец, а нуйхне – ангелхне.

Иоаннонди панчф няйфкс 12:9

Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.

Еврейхненди сёрмась 12:15

Ванода, кивок афоль иляда Шкаень пароказнефтома, и тянь вельде афоль эвонда ётксонт кодамовок сяпи юр, кона маштоль кандомс зиян и ламотнень тиемс аф арукс.

Матфей 25:5

Рьвяяйсь кирдевсь, а стирьхнень сась удомасна и матодовсть.

Павелонь сёрмац Галатияв 2:4

А керфтомань кизефксть кеподезь аф афкуксонь кемайхне, конат салава эцесть минь ёткозонк. Синь яксесть-ванондсть минь мельганк и ся воляшить мельге, конань тейнек максозь Христос Иисусонь вельде. Синь ёрасть меки сувафтомс минь Моисеень койть урексшинц алу.

Иоаннонди панчф няйфкс 2:20

Но вов Монь мезе-бди ули тонь каршезт: тон аф карнесак Иезавель авать, кона лемнесы прянц прорококс, а сонць эсь тонафтомасонза васькафнесыне-эрьготьфнесыне Монь покодинень. Тя авась тонафнесыне синь усксевомс и ярхцамс сивольда, конань каннесазь озксказнекс аф афкуксонь шкайхненди.

Иоаннонди панчф няйфкс 13:14

Сон васькафнесыне масторлангонь эряйхнень ня дивань тефнень вельде, конатнень тейнза максозь тиендемс васенце кяжи жуватать лемста. Сон кошярясыне масторлангонь эряйхнень тиемс васенце кяжи жуватать ликонц, кона куломс керфоль торса, но эреклась.

Матфей 13:24

Иисус азондсь тейст тага фкя валвеляфкс Менелень Оцязорксшить колга: «Фкя кудазорсь видесь цебярь видьме эсь паксязонза.

Матфей 13:26

Мзярда тозерсь лиссь и ушедсь пильксонь каяма, эста лиссь сордишеське.

Матфей 13:27

Састь кудазорти покодиенза и мярьгсть тейнза: "Азороньке! Тон видеть цебярь видьмот эсь паксязт. Коста ина тоза эвондась сордишесь?"

Матфей 13:29

Но кудазорсь мярьгсь: "Аф эряви, кочкомстонза мархтонза тарксесасть тозертьке.

Матфей 13:30

Кадость марса касыхть нятка сятка нума пингть самс. Нума пингста мон мярьган нуйхненди: васенда кочкость сордишеть, сотнесть сонь пулфс и плхтасть, а тозерть ускость утому"».