Матфей 12:32 - Од Соткс Новый Завет на мордовском-мокша языке 2016

³² Кда кие сялдсы Ломанень Цёрать, тя пежесь нолдави тейнза, а кда сялдсы Иняру Ваймопожфть, ся пежесь аф нолдави аф тя, аф сай пингонь эряфса».

Матфей 12:32 Referans Kwoze

Марк 3:29

но кие сялдсы Иняру Ваймопожфть, сянь пежец мзярдовок аф нолдави. Тя ломанць ули судендаф пефтома пингс».

Иоанн 7:39

Тяфта Иисус мярьгсь Ваймопожфть колга, кона максови Иисусти кемайхненди. Аньцек Иняру Ваймопожфсь нинге апак макстоль, сяс мес Иисус нинге апак кепоттель Шкайть иневалдозонза.

Павелонь васенце сёрмац Тимофеенди 1:13

монь, кона инголи сялтсезе Сонь лемонц, панцекшнезень и обжсезень Сонь ломанензон. Но монь кельгозь ужяльдемазь, сяс мес мон тиендине сянь, мезень колга ашень сода, улемок ся пингть кемамафтома.

Павелонь сёрмац Титонди 2:12

Тя пароказнесь тонафты эсонк кадомс шкайфтома эряфть, масторлангонь пежу мяльхнень-арьсематнень и ётафтомс тяниень пингонь эряфть шумбра-ару мяльса, видексшиса и Шкайть мяленц ванозь.

Павелонь сёрмац Ефесу 1:21

и путозе Сонь семботь коряс сяда вяри: эрь кодама ваймопожфонь оцюняда и азорксшида, вийда и вятида, и эрь кодама лемда, кона лятфневи аф аньцек тя пингонь эряфса, но и сай пингонь.

Апостолхнень тевсна 3:19

Сяс каендада и шарфтода Шкайти эсь пежентень нолдаманкса! Кда тяфта тихтяда,

Лука 12:10

Эрсь, кие сялдсы Ломанень Цёрать, сянь пежец нолдави; а кие сялдсы Иняру Ваймопожфть, сянь пежец аф нолдави.

Матфей 12:31

Сяс корхтан тейнть: эрь кодама пежесь и сялдомась нолдави ломаттненди; а Иняру Ваймопожфть сялдомац – аф нолдави.

Павелонь васенце сёрмац Тимофеенди 1:15

Ня валхне видет и синь эрявихть путомс седис: Иисус Христоссь сась масторлангти идемс пежуфнень, конатнень ёткста мон сембодонга пежусь.

Иоанн 7:12

И лама куля колганза якась ломаттнень ёткова; финцне корхтасть: «Сон пара»; а омбонцне: «Аф, аф, васькафни ломаттнень эса».

Лука 23:34

Иисус корхтась: «Аляй! Нолдайть пежеснон, сяс мес синь аф содасазь, мезе тиихть». Ушматтне, жерьбань ёрдазь, явозь Иисусонь щамонзон.

Марк 10:30

сянди тяниень эряфса панцематнень пингста максови сядонь крда лама кудта, брадта, сазорда, аляда-тядяда, идьта, паксяда, и сай пинкнень тейнза максови пефтома пингонь эряфсь.

Иоанн 7:52

Тянь каршес мярьгсть тейнза: «Пади тонга Галилеяста? Лувк Сёрматфксть, и няйсак: Галилеяста пророк аф сай».

Лука 7:34

Сась Ломанень Цёрась, ярхцай и сими; корхтада: "Ванода, вов тетькись и симилась, каяфксонь кочкайхнень и лия пежуфнень ялгасна".

Матфей 11:19

Сась Ломанень Цёрась, ярхцай и сими, синь корхтайхть колганза: "Ванода, вов тетькись и симилась, каяфксонь кочкайхнень и лия пежуфнень ялгасна". Но Шкаень смузьшить видешиц няфтеви тевса».

Матфей 13:55

Дяряй Сон аф узерьса шапить цёрац? Дяряй Сонь тядянц лемоц аф Мария, и Сонь брадонза аф Иаков, Иосий, Симон и Иуда?

Матфей 8:20

Иисус корхтай тейнза: «Келаснень улихть варясна, менелень нармоттнень – пизосна, а Ломанень Цёрати аш коза путомс прянц».

Матфей 12:8

Вдь Ломанень Цёрась ваймамань шить лангсонга азор».

Матфей 13:22

А сялги тишетнень ёткс видеф видьмось тя ся, кие кульсы валть, но эряфонь тефне и козяшити прафтомась опапнесазь валть, и сон аф канды раштафкс.

Матфей 13:39

Душманць, кона синь видезень – идемэвозсь, нумась – тя пингть пец, а нуйхне – ангелхне.

Матфей 13:40

Кода сордишетнень кочксесазь и плхнесазь толса, тяфта ули тя пингть пестовок:

Марк 3:28

Видеста корхтан тейнть: нолдавихть ломаттнень сембе пежесна и Шкайть лангс сембе сялдоматневок,

Лука 16:8

И шназе азорсь аф виде кудвятиенц ёжушинц инкса. Афкукс, тя масторлангонь ломаттне эсь лацостотнень мархта тевонь тиемста сяда ёжуфт валдть идензон коряс.

Лука 18:30

сянди тяниень пингть максови ламоксть сяда лама, а сай пингть – пефтома эряфсь».

Павелонь васенце сёрмац Тимофеенди 4:8

Вдь ронгонь-виень кемокстамать ёмла лезксоц, а вана Шкаень мяльть ваномац лезды эрь мезьса, сяс мес сонь мархтонза сотфт тяниень и сай эряфонь надияфтоматне.

Павелонь васенце сёрмац Тимофеенди 6:17

Азк тя эряфса козятненди, катк аф няйсазь пряснон и аф надияйхть козяшить лангс, конац аф кеме, но катк надияйхть эряй Шкайть лангс, кона козяста макссесы семботь, мезе эряви тейнек кенярдеманди.

Павелонь омбоце сёрмац Тимофеенди 4:10

Сяс мес Димассь, конанди кельговсь тя пингонь эряфсь, кадомань монь и тусь Фессалонику. Крискентсь тусь Галатияв, Титсь – Далматияв. Мархтон илядсь аньцек ськамонза Лука.

Иаковонь сёрмац 1:27

А вага кда минь пичеттяма-канзеттяма стакашис повф уроснень и удаватнень инкса, кда ванфнесаськ эсь пряньконь масторлангонь рдазда, эста покодеманьке ули Шкай Аляньконь инголе арукс и афсатыксфтомокс.