Матфей 11:6 - Од Соткс Новый Завет на мордовском-мокша языке 2016

⁶ Павазу ся, кие аф юмафтсы Тейне кемамать».

Матфей 11:6 Referans Kwoze

Павелонь васенце сёрмац Коринфу 2:14

Но кинь эса аш Ваймопожфсь, сянь аш виец сявомс сянь, мезе максови Шкаень Ваймопожфть эзда. Тяфтама ломанти ся ёньфтомаши: тейнза аф шарьхкодеви ся, мезть колга эряви судендамс аньцек Ваймопожфть вельде.

Матфей 26:31

Эста Иисус корхтай тейст: «Тя веня тинь сембе Монь эздон потатада, вдь азф Сёрматфксса: "Шавса учань ваныть и учатне срадыхть".

Иоанн 6:66

Тяда меле тонафниензон ёткста ламотне тусть ваксстонза и лоткасть мархтонза якамда.

Матфей 24:10

Эста ламотне аердыхть кемамать эзда, фкя-фкянь эса кармайхть мишендема и фкя-фкянь аф кельгома.

Пёторонь васенце сёрмац 2:8

Синь пупоряйхть сяс, мес аф кулхцондсазь Шкайть валонц. Тяфта тейст инголькиге ладяфоль.

Матфей 18:7

Кальдяв ули масторлангти, сяс мес тяса лама пежес вяти мялень саламада! Тянди улема, аньцек кальдяв ули ся ломанти, кинь вельде синь сашендыхть.

Павелонь сёрмац Галатияв 5:11

Кемай ялгат, кда мон тянинге тонафтолень киськопень керома, эста мезенкса монь эсон панцихть? Эста Христость крёзоц афоль уле ни пупордамань кевкс.

Лука 2:34

Симеон бславазень синь и мярьгсь Мариянди, Иднять тядянцты: «Тя Идсь арай туфталкс Израильса ламотнень прамаснонды и кеподемаснонды. И Сон арай Шкаень тяштьксокс, конань каршес стяйхть ламотне.

Матфей 5:29

Кда види сельмоце вяттянза пежес, таргак сонь и ёрдак; тейть сяда пара ули, кда юмай ронгцень пяльксоц, а аф сембе ронгце ули ёрдаф аду.

Матфей 13:21

но сонь аш кеме юроц, сяс сонь кемамац аф лама пингс. И мзярда валть инкса кармайхть люпштамонза и панцемонза, сон эстокиге потай кемамада.

Марк 6:3

Дяряй Сон аф узерьса шапись, Мариянь цёрац, Иаковонь, Иосиянь, Иудань и Симононь брадсна? Афоли сазоронзовок тяса ётксонк?» И ашель мяльсна кулхцондомс Сонь и кемамс Тейнза.

Лука 7:23

Павазу ся, кие аф юмафтсы Тейне кемамать!»

Иоанн 16:1

«Тянь Мон азыне тейнть, афолесть када кемамантень.