Матфей 10:23 - Од Соткс Новый Завет на мордовском-мокша языке 2016

²³ Мзярда кармайхть панцемонт фкя ошса, ворьгодеда лияс. Видеста корхтан тейнть: аф кенерьхтяда ётамс Израильть сембе ошензон, кода сай Ломанень Цёрась.

Матфей 10:23 Referans Kwoze

Матфей 16:28

Видеста корхтан тейнть: тяса ащихнень ёткса улихть стапт, конат нинге аф кенерихть куломс, кода няйсазь Ломанень Цёрать, кона сай Эсь Оцязорксшисонза».

Апостолхнень тевсна 17:10

Кемай ялгатне пингонь апак тарксек веть ильхтезь Павелонь и Силань Верияв. Верияв пачкодемста синь мольсть евреень синагогав.

Апостолхнень тевсна 8:1

Савл пара мяльса ванць Стефанонь шавоманц лангс. Ся шитнень Иерусалимса ушедсть пяк вииста панцемонза кемаень пуромксть. Сембе, апостолда башка, сраткшнесть-ворьготькшнесть эрь кодама вастова Иудеяса и Самарияса.

Марк 13:26

Эста няйсазь Ломанень Цёрать инь оцю вийсонза и иневалдсонза коволхнень лангса саманц.

Лука 21:27

Эста няйсазь Ломанень Цёрать инь оцю вийсонза и иневалдсонза коволхнень лангса саманц.

Лука 18:8

Азондса тейнть: Сон лезды Эсь кочкафонзонды и курок! Но Ломанень Цёрась мрдамстонза муй кемама модать лангса?»

Иоанн 7:1

Тяда меле Иисус якась Галилеява. Иудеява якамс Сонь ашель мялец, сяс мес еврейхнень оцюнясна вешендезь Сонь шавомс.

Матфей 26:64

Иисус каршезонза корхтай: «Тон тянь азыть. И нинге тейнть мярьган: курок тинь няйсасть Ломанень Цёрать, кона ащи озада Виить види кядь ширесонза и кона сай менелень коволхнень лангса».

Матфей 24:30

Эста менельса эвондай Ломанень Цёрать тяштьксоц. Масторлангонь сембе ломаньтналхне аварьгодыхть вярьгак вайгяльхть, мзярда няйсазь Ломанень Цёрать, кона сай менелень коволхнень лангса Эсь вийсонза и оцюдонга оцю иневалдсонза.

Апостолхнень тевсна 17:14

Кемай ялгатне эстокиге ильхтезь Павелонь оцюведь трвав, а Силань мархта Тимофей лядсть Верияв.

Матфей 25:13

Тяфта, уледа фалу анокт, сяс мес аф содасасть аф шить, аф пингть, мзярда сай Ломанень Цёрась».

Матфей 24:48

А кда ся покодись ули кальдяв, сон эсь седисонза арьси: "Аф курок сай азорозе",

Матфей 24:27

Кода ёндолсь кфчяди шинь стяма ширеста и няеви шинь валгома ширеть молемс, тяфтама ули Ломанень Цёрать самац.

Матфей 23:34

Кулхцондода! Мон кучан тейнть пророкт, смузю ломатть и койти тонафтыхть. Кой-конатнень синь ёткстост тинь шавсасть и эськодьсасть крёз лангс, а лиятнень карматада пикссемост эсь синагогавант и панцемост ошста ошс.

Матфей 4:12

Мзярда Иисус марязе: Иоанн Кстиндайсь пякстамгудса, Сон мрдась меки Галилеяв.

Матфей 2:13

Смузюфнень тумдост меле Азорть ангелоц эвондась Иосифонь онц и корхтай: «Стяк, сявк Иднять и Сонь тядянц, ворьготть Египету и ащек тоса, мзярс аф пачфтян куля, сяс мес Ирод ёрай вешемс Идть и шавомс Сонь».

Апостолхнень тевсна 20:1

Таколдомать аделамда меле Павел кочказень тонафнихнень, азсь тейст кемокстамань валхт, ашкодсь мархтост и тусь Македонияв.

Матфей 16:27

Вдь Ломанень Цёрась сай Алянц иневалдсонза и Эсь ангелонзон мархта, и эста эрь ломанть казьсы тиф тевонзон коряс.

Матфей 23:36

Видеста корхтан тейнть: тя пингонь ломаттненди сави пандомс сембе ня кальдяв тефнень инкса».

Матфей 24:34

Видеста корхтан тейнть: тяниень пингонь эряйхне аф кенерихть юмамс, кода сембось тя ули.