Марк 9:35 - Од Соткс Новый Завет на мордовском-мокша языке 2016

³⁵ Иисус озась, тердезень кемгафтувотнень и мярьгсь тейст: «Кинь мялец улемс васенцекс, сембонь ёткста улеза мекольцекс и сембонди покодикс».

Марк 9:35 Referans Kwoze

Лука 22:26

Тинь ётксонт улеза аф тяфта. Кие тинь эздонт инь оцю, ся вятеза прянц стане, бта сон ёмла, и оцюнясь – бта сон покоди.

Матфей 23:11

Ся, кие ёткстонт сембода оцю, катк ули тейнть покодикс.

Иаковонь сёрмац 4:6

Но Сон максы тейнек нинге сяда оцю пароказне. Сяс Сёрматфксса азф: «Шкайсь ащи каршек прянь няихненди, а сятяфненди Сон максы пароказне».

Лука 18:14

Азса тейнть, каяфксонь кочкайсь тусь кудозонза видексшинь ломанькс, но аф фарисейсь. Вдь эрсь, кие оцюлгофнесы эсь прянц, ёмлалгофтови, а кие ёмлалгофтсы эсь прянц, ся оцюлгофтови».

Марк 9:36

Эста Иисус сявсь идь, арафтозе тонафниензон инголи, озафтозе элезонза и мярьгсь тейст: