Марк 15:32 - Од Соткс Новый Завет на мордовском-мокша языке 2016

³² Катк тяни валги Израилень Оцязорсь, Христоссь, крёзть лангста. Кда минь тянь няйсаськ, эста карматама кемама Тейнза». Сятка, конат эськотьфтольхть вакссонза, пеедсть лангсонза.

Марк 15:32 Referans Kwoze

Матфей 27:44

Тяконь лаца Сонь сялдозь салайхне-шавихневок, конат эськотьфтольхть мархтонза крёз лангс.

Павелонь омбоце сёрмац Тимофеенди 2:18

Синь потасть видешить эзда, корхтамок, бта кулофнень эзда вельмамась ульсь ни и тяфта синь колсесазь кой-конатнень кемамаснон.

Матфей 1:17

Тяфта Авраамонь эзда Давидонди молемс кемнилие юром; и Давидонь эзда Вавилону эряма ётафтомдост инголе кемнилие юром; и Вавилону ётафтомдост меле Христости молемс стане жа кемнилие юром.

Павелонь сёрмац Риму 3:3

И мезе сянь эзда, кда конат-конат ня ломаттнень эзда ульсть аф кемайкс Тейнза? Кали синь аф кемамасна машфтсы Шкайть валонь кирдеманц?

Иоанн 12:13

Сявсть пальмань тараткат, лиссть Сонь каршезонза и юватькшнесть: «Осанна! Бславаф Азорть лемса сайсь, Израилень Оцязорсь!»

Иоанн 1:49

Нафанаил пшкядсь Тейнза: «Равви! Тон – Шкайть Цёрацат, Тон – Израильть Оцязороцат».

Марк 15:26

И прянц вельхксс сёрматфоль, мезьса Сон муворгофтф: «Еврейхнень Оцязорсна».

Матфей 27:42

«Лиятнень идекшнезень, а Эсь пряц аф идеви! Кда Сон Израилень Оцязорсь, катк тяни валги крёзть лангста и эста минь Тейнза кематама.

Марк 15:27

Мархтонза эськодсть кафта салси-шавонды алят, фкять види, омбоцеть кержи ширезонза.