Марк 12:29 - Од Соткс Новый Завет на мордовском-мокша языке 2016

²⁹ Иисус каршезонза мярьгсь: «Сембода оцюсь вага: "Кулхцонтт, Израиль! Азорсь, Шкаеньке, фкя-тяка Азорсь;

Марк 12:29 Referans Kwoze

Лука 10:27

Ся каршезонза: «Кельк Азорть, эсь Шкайцень, сембе седисот, сембе ваймосот, сембе вийсот, сембе шарьхкодемасот, и маластот ломанть, кода эсь пряцень».

Павелонь сёрмац Галатияв 3:20

Виде, тевонь якафты аф эряви, мзярда ули аньцек фкя соткссонь тии, а Шкайсь ськамонза!

Павелонь сёрмац Риму 3:30

сяс мес Шкайсь фкя-тяка. Сон лувсыне Эсь инголенза видексшинь ломанькс киськопень керфнень, кда синь кемайхть, и тяка лаца киськопень апак керфненьге, кда синь кемайхть.

Иудань сёрмац 1:25

Тейнза, фкя-тяка Сембодонга Смузю Шкайти, минь Идиеньконди, шнама, иневалда, вий и азорксши Иисус Христос Азороньконь вельде, сембе пингта инголе, тяни, и пефтома пингс! Аминь.

Павелонь васенце сёрмац Коринфу 8:4

Эрь вов, сянь колга, мярьгондеви-аф ярхцамс сивольда, конань каннесазь озксказнекс аф афкуксонь шкайхненди. Минь содасаськ, аф афкуксонь шкайсь – тя мезевок аш, и аш лия Шкай, фкя-тяка Шкайда башка.

Иаковонь сёрмац 2:19

Тон кемат: Шкайсь фкя? Лац тият. Вдь кяжи ваймопожфневок кемайхть и трнатыхть!

Павелонь васенце сёрмац Тимофеенди 2:5

Вдь Шкайсь фкя, тяфта жа Шкайть и ломаттнень ёткса аньцек фкя тевонь якафты – ломанць Христос Иисуссь,

Павелонь васенце сёрмац Тимофеенди 1:5

Тя кошарксть вешфксоц – кельгомась, кона лиси ару седиста, цебярь-пара ваймовайгяльста и афкуксонь кемамаста.

Матфей 23:9

Алякска мастор лангса тясть лемне киньге, сяс мес тинь аньцек фкя Алянте, кона менельса.

Матфей 10:37

Кие кельгсы алянц али тядянц Мондедон сяда пяк, ся аф кондясти Тейне; и кие кельгсы цёранц али стиренц Мондедон пяк, ся аф кондясти Тейне.