Марк 12:14 - Од Соткс Новый Завет на мордовском-мокша языке 2016

¹⁴ Синь састь и кизефнесазь Иисусонь: «Тонафты! Минь содасаськ: Тон виде ломанят и аф арьсят мяльс тумать колга, сяс мес кодамовок шама лангс аф ванат, но видеста тонафтат Шкайть коряс эряма. Азк, мярьгондеви пандомс каяфкс кесарти али аф мярьгондеви? Тейнек эряви пандомс, али аф эряви?»

Марк 12:14 Referans Kwoze

Павелонь васенце сёрмац Фессалоникав 2:4

Меколанкт, Шкайсь варжамазь минь тевса и, лангозонк кемазь, максозе тейнек Эсь Пара кулянц. Сяс минь сонь пачфнесаськ тяфта: ёратама тумс аф ломаттнень мяльс, а Шкайть, кона няйсы-варчсесы седиеньконь.

Павелонь сёрмац Галатияв 2:6

А сят, кит лувовсть содавикс оцюнякс кемаень пуромксса – тейне сембе сяка кодама синь оцюнят, вдь Шкайть инголе сембе фкат – монь кядьстон лия мезевок ашесть веше.

Павелонь сёрмац Галатияв 1:10

Мезе мон ёран сатомс: шнама ломаттнень эзда али Шкайть? Пади тинь арьсетяда: мон ёран ваномс ломаттнень мяльснон? Кда мон тянемс ванондолине ломаттнень мяльснон, мон афолень уле Христосонди покодикс.

Павелонь омбоце сёрмац Коринфу 5:16

Сяс тяни минь киньге колга аф арьсетяма ломанень шарьхкодемать коряс. Кда инголи минь Христостьке колга тянь лаца арьсеме, тяни тяфта аф арьсетяма.

Павелонь омбоце сёрмац Коринфу 5:11

Минь содасаськ, мезе стамсь Шкайда пелемась, и сяс тяряфттама тиемс кемайкс лиятненьге. Шкайсь лац содасы, кодаптама минь, и надиян, тиньге эсь ваймовайгяльсонт содасасть тянь.

Павелонь омбоце сёрмац Коринфу 2:17

Вдь минь аф ся ламотнень эзда, конат мишендьсазь Шкаень валть ярмаконь сатоманкса. Меколанкт, минь виде ваймот пачфнесаськ Шкаень валть, кода вал, кона максф Шкайть эзда. И минь тянь тиендьсаськ Шкайть сельминголе Христость виенц вельде.

Павелонь омбоце сёрмац Коринфу 2:2

Вдь кда мон кандан тейнть пичефкс, эста кие кеняртьфтсамань монь? Дяряй аф сят, кинди мон кандонь пичефкс?

Иоанн 7:18

Эсьстонза корхтайсь вешенди эстейнза шнама. А кие вешенди шнама эсь кучиенцты, ся виде ломань, и аш эсонза аф видеши.

Павелонь сёрмац Риму 13:6

Сяс тинь каяфкстка панттада, вдь оцюнятне эсь тевснон тиемста, покодихть Шкайти.

Лука 23:2

Тоса ушедсть муворгофнемонза Сонь, и мярьгсть: «Минь няеськ, Сон тапарякшнесы минь ломаньтналоньконь, карнесыне пандомс кесарти каяфкс, лемнесы Эсь прянц Христоскс, Оцязоркс».

Лука 20:22

Азк, койть коряс мярьгондеви тейнек пандомс каяфкс кесарти али аф?»

Марк 14:45

Иуда сась, эстокиге маладсь Иисусонди и мярьгсь: «Тонафты!», и палазе Сонь.

Матфей 22:17

Эста азк тейнек, кода Тон арьсят, койть коряс мярьгондеви пандомс каяфкс кесарти али аф?»

Павелонь омбоце сёрмац Коринфу 4:1

Шкайсь Эсь кельгозь ужяльдеманц вельде макссь тейнек тяфтама покодема, и сяс минь аф нолясаськ пряньконь.

Матфей 22:16

Синь кучсесазь Тейнза эсь тонафниснон и Иродонь ломанензон. Сят мярьгсть Иисусонди: «Тонафты, минь содасаськ: Тон видешинь кельгият и видеста тонафтат Шкайть коряс эряма, аф арьсят мяльс тумать колга и киньге лангс аф ванат.

Марк 12:13

Синь кучсть мзярошка фарисей и Иродонь ломанензон кодамовок вал лангса Иисусонь кундама.

Марк 12:15

Но Иисус содазе, синь – шамафксонь каннихть, сяс мярьгсь тейст: «Мезенди варчсесамасть Монь кизефксонтень вельде? Кандода Тейне динарий, ванца».