Марк 1:34 - Од Соткс Новый Завет на мордовском-мокша языке 2016

³⁴ Сон пчкафтсь лама ломань, конат сярядсть эрь кодама урмаса, и панць потмостост лама аф ару ваймопожфта. Аф ару ваймопожфнень кардазень корхтамда, сяс мес сят содазь, кие Сон.

Марк 1:34 Referans Kwoze

Лука 4:41

Ламотнень потмоста лисендсть кяжи ваймопожфневок, конат пешкодсть: «Тон Шкайть Цёрацат!» Но Сон карнезень синь корхтамда, сяс мес синь содазь: Сон – Христоссь.

Марк 3:12

Но Иисус кемоста кардазень азонкшнемда, кие Сон.

Матфей 4:23

Иисус якась сембе Галилеява, тонафтсь синагогава, пачфнесь Пара куля Шкаень Оцязорксшить колга и пчкафнезень ломаттнень эрь кодама урмада и сярятьфта.

Марк 1:25

Но Иисус кардазе аф ару ваймопожфть, мярьгсь: «Лоткак корхтамда и листь потмостонза».

Матфей 4:24

Иисусонь колга кулясь срадсь марнек Сириять келес; и вятнезь Тейнза сембе сярядихнень и эрь кодама урмаса маятайхнень, кяжи ваймопожфса колафнень, эсь урмаса сярядихнень, параличса колафнень, и Сон пчкафнезень синь.