Лука 4:18 - Од Соткс Новый Завет на мордовском-мокша языке 2016

¹⁸ «Азорть Ваймопожфоц Монь лангсон, сяс мес Сон вадемань-кочкамань Монь пачфтемс Пара кулять ашуфненди. Сон кучемань Монь пчкафтомс кольф седихнень, азомс пякстафненди воляс нолдамаснон колга и сокорхненди сельмонь панжемаснон колга. Сон кучемань Монь нолдафтомост люпштафнень,

Лука 4:18 Referans Kwoze

Матфей 11:5

сокорхне няихть и шаморхне якайхть, наксафты урмаса сярядихне аруякшнихть и пяряфне кулихть, кулофнень вельмафнесазь и ашуфненди пачфневи Пара кулясь.

Апостолхнень тевсна 10:38

Тинь кулесть, кода Назаретонь Иисусть Шкайсь вадезе Иняру Ваймопожфса и вийса, содасасть, кода Сон якась сембе вастова, тиендсь цебярь и пчкафнезень сембонь, кие ульсь идемэвозть кядяла, сяс мес мархтонзоль Шкайсь.

Лука 7:22

Иисус мярьгсь каршезост: «Арда, азондость Иоаннонди, мезе няеде и куледе: сокорхне няихть, шаморхне якайхть, наксафты урмаса сярядихне аруякшнихть, пяряфне кулихть, кулофнень вельмафнесазь, и ашуфненди пачфневи Пара кулясь.

Апостолхнень тевсна 26:18

Кучте сельмоснон панжема, шобдать эзда валдти шарфтомост, Сатанать азорксшинц эзда – Шкайти. Мондейне кемамать вельде нолдавихть синь пежесна и максови тейст эсь пялькссна сембе иняруяфнень мархта марса".

Иоанн 12:46

Мон сань масторлангти валдокс, Тейне фкявок кемайсь афоль ляда шобдашиса.

Пёторонь васенце сёрмац 2:9

Но тинь – кочкаф юромсь, Оцязорть озксвятиень оцюнянза, иняру ломаньтналсь, ломаттне, конатнень Шкайсь лувсыне Эсеннекс. Тинь тертьфтяда пачфнемс Сянь пара тевонзон колга, кие лихтедязь тинь шобдаста Эсь мазыдонга мазы валдозонза.

Павелонь сёрмац Колоссав 1:13

Шкайсь идемазь минь шобдать азорксшинц алда и сувафтомазь кельгома Цёранц Оцязорксшизонза.

Матфей 4:16

шобдашиса эряй ломаттне, няйсть оцю валда, и куломань цильфса эряйхнень валдоптозень валдсь».

Матфей 5:3

«Павазуфт Азорть инголе ашу ваймотне, сяс мес синне Менелень Оцязорксшись.

Лука 6:20

Сон варжакстсь тонафниензон лангс и кармась корхтама: «Павазуфтада тинь, ашуфне, сяс мес тинь Шкаень Оцязорксшить алотада.

Иаковонь сёрмац 2:5

Кулхцондода, кельгома кемай ялгат: дяряй аф масторлангонь ашуфнень Шкайсь кочказень улемс козякс кемамаса и дяряй аф тейст максозе Эсь Оцязорксшинц, конань Сон надияфтозе Эсь кельгиензонды.

Иоанн 3:34

Ся, конань кучезе Шкайсь, азонды Шкаень валхт; вдь Шкайсь макссесы Ваймопожфть апак ункснек.

Иоанн 1:41

Андрей васендакиге вешезе Симон брадонц и азозе тейнза: «Минь муськ Мессиять» – тя валть смузец: Христос.

Матфей 12:20

Пялес синтьф нюдить Сон аф синдьсы и пялес палы кайтянть аф матсы, мзярс аф вятьсы видешить сяськомас.

Апостолхнень тевсна 4:27

Афкукс тяфта, тя ошса кочкавсть Ирод и Понтий Пилат Израилень ломаттнень мархта и лия ломаньтналхнень мархта Иняру Цёрацень Иисусонь каршес, Ватьфцень каршес.

Матфей 12:18

«Вага Монь Покодиезе, конань кочкайне, конань Мон кельгса, кона Монь кенярдема вастозе. Тейнза максса Ваймопожфозень, и Сон пачфтсы сембе ломаньтналхненди Монь виде судозень.

Лука 4:17

Тейнза максозь Исаия пророкть книганц; книгать панжемста Сон музе вастть, коса сёрматфоль:

Апостолхнень тевсна 4:26

Масторлангонь оцязорхне срхкасть тюрема и вятихне кочкавсть марса Азорть и Сонь Христосонц каршес".