Лука 17:1 - Од Соткс Новый Завет на мордовском-мокша языке 2016

¹ Иисус мярьгсь тонафниензонды: «Пежес вяти мялень саламатне сякокс сайхть, но кальдяв ули сянди, кинь вельде синь сайхть.

Лука 17:1 Referans Kwoze

Матфей 18:7

Кальдяв ули масторлангти, сяс мес тяса лама пежес вяти мялень саламада! Тянди улема, аньцек кальдяв ули ся ломанти, кинь вельде синь сашендыхть.

Павелонь васенце сёрмац Коринфу 8:13

Сяс, кда ярхцамбяльсь арси туфталкс кемай ялгазень пежес праманцты, мон мзярдонга аф карман ярхцама сивольда, тяза пра пежес инксон монь кемай ялгазе.

Павелонь сёрмац Риму 14:13

Сяс аф карматама фкя-фкянь судендама. Меколанкт, тяряфтода мезевок аф тиендемс стама, мезсь тапарялезе кемай ялгацень али сувафтолезе пежес.

Павелонь васенце сёрмац Коринфу 11:19

Мялень явоматненди улема тинь ётксонт, синь вельдест тейнть сяда содави, кит эздонт афкуксонь кемайхть.

Павелонь сёрмац Риму 16:17

Мон эняльдян, кемай ялгат, ванфтода пря сятнень эзда, конат шорсемок ётконтень, явфнетядязь тинь. Синь ускихть эсонт ся тонафтомать эзда, кона максф тейнть. Аеркшнеда тяфтапнень эзда.

Матфей 16:23

Иисус шарфтсь и мярьгсь Пёторонди: «Аертт ваксстон, Сатана! Тон шорсят Тейне ки лангсон, тонь мяльхне-арьсематне ломанень, а аф Шкайть эзда».

Павелонь васенце сёрмац Коринфу 10:32

Эряда тяфта: афоледе уле пупордамань кевкс аф еврейхненди, аф грекненди, аф кемаень пуромксти.

Иоаннонди панчф няйфкс 2:14

Но вов Монь мезе-бди ули тонь каршезт: тоса, тинь ётксонт улихть Валаамонь тонафтоманц коряс эряйхть. А Валаам тонафтозе Валаконь, кода Израилень эряйхнень сувафтомс пежес: ярхцамс сивольда, кона кантф озксказнекс аф афкуксонь шкайхненди, и усксевозь эрямс.

Иоаннонди панчф няйфкс 2:20

Но вов Монь мезе-бди ули тонь каршезт: тон аф карнесак Иезавель авать, кона лемнесы прянц прорококс, а сонць эсь тонафтомасонза васькафнесыне-эрьготьфнесыне Монь покодинень. Тя авась тонафнесыне синь усксевомс и ярхцамс сивольда, конань каннесазь озксказнекс аф афкуксонь шкайхненди.

Лука 16:31

Авраам каршезонза мярьгсь: "Кда аф кулхцондсазь Моисеень и пророкнень, эста кда кие кулофстонга вельмаль – аф кемайхть"».

Павелонь васенце сёрмац Тимофеенди 4:1

Иняру Ваймопожфсь шарьхкодевиста корхтай тейнек: мекольдень пинкнень кой-кит потайхть кемамать эзда, и кармайхть молема васькафни ваймопожфнень мельге и кяжи ваймопожфнень тонафтомаснон мельге.