Лука 12:37 - Од Соткс Новый Завет на мордовском-мокша языке 2016

³⁷ Павазуфт ся покодихне, конатнень азорсь мрдамстонза сатсыне аф удозь. Видеста корхтан тейнть, азорсь карксасы перьфонц и озафтсыне синь шра ваксс, кармай каванямост.

Лука 12:37 Referans Kwoze

Пёторонь омбоце сёрмац 3:14

Сяс, кельгома ялгат, тянь учемста, тиесть семботь: ся пингоня Сон муледязь тинь арушиса и афсатыксфтомокс, Сонь мархтонза ладяйкс.

Матфей 24:42

Сяс ванода, уледа анокт, вдь тинь аф содасасть, кодама шиня сай Азоронте.

Павелонь сёрмац Филиппав 1:23

Сязендеван кафтова: мялезе тумс тя масторлангста и улемс Христость мархта, сяс мес тя сядонга цебярь.

Павелонь васенце сёрмац Коринфу 2:9

Кода азф Сёрматфксса: «Сельмось сянь ашезе няе, и пилесь ашезе куле, и ашезь сашенда ломанть пряс ся, мезе Шкайсь аноклась Эсь кельгиензонды».

Иоаннонди панчф няйфкс 14:13

И мон кулень менельста вайгяль, кона корхтась: «Сёрматт: Тя шиста сявомок павазуфт сят, кит кулыхть Азорти кемазь». «Афкукс тяфта, – корхтай Ваймопожфсь, – синь ваймяйхть эсь стака покодемаснон эзда, сяс мес синь пара тевсна молихть мельгаст».

Пёторонь омбоце сёрмац 1:11

И эста тейнть келеста панжевихть кенкшне минь Азороньконь и Иисус Христос Идиеньконь пефтома Оцязорксшизонза.

Иоанн 12:26

Кинь мялец Тейне покодемс, молеза мельган. Косан Мон, тоса улеза покодиезевок. И кие Тейне покоди, сянь шнасы Монь Алязе».

Лука 21:36

Сяс уледа фалу анокт и озондода: максоволь тейнть вий мяндемс сембе ся сай зияттнень эзда и арамс Ломанень Цёрать инголи».

Иоаннонди панчф няйфкс 7:17

сяс мес Верозсь, кона ащи оцязоронь озама вастть кучкаса, кармай ваномост синь и вятьсыне синь лихтибрятненди, конатнень эзда шуди эряфонь максы ведь. И Шкайсь нардасы синь сельмостост эрь сельмоведнять».

Иоаннонди панчф няйфкс 3:21

Кие сяськи, сянди мярьган озамс Монь мархтон оцязоронь озама вастозон. Тяфта Монга, сяськомок, озань Алязень мархта оцязоронь озама вастозонза.

Павелонь сёрмац Филиппав 1:21

Вдь эряфсь тейне – тя Христос, а куломась – Сонь мархтонза пефтома эряфонь сатома.

Лука 17:8

Меколанкт, афоли мярьгат тейнза: "Аноклак тейне илядень ярхцама и перьфцень карксазь, якак мельган, мзярс симан-ярхцан, а тонць симат-ярхцат меле".

Лука 12:43

Павазу ся покодись, конань азороц мрдамстонза сатсы тяфта тиендикс.

Лука 12:36

Уледа сятнень лаца, конат учендсазь азорснон мрдаманц рьвяямань иласта, синь анокт эстокиге панжемс азорти, кодак ся сай и чакай кенкшти.

Лука 22:27

Кие сяда оцю: шра ваксса озадось али мельганза якай покодись? Афоли шра ваксстось? Но Мон тинь ётксонт покоди лацан.

Иоаннонди панчф няйфкс 16:15

Иисус Христоссь корхтай: «Мон саян апак учентт, кода салай. Павазу ули аф удысь и эсь щамонь ванфтысь: афоль сав тейнза якамс крхтапа и визделготкшнемс сембонь ингольде».