Лука 11:2 - Од Соткс Новый Завет на мордовском-мокша языке 2016

² Иисус мярьгсь тейст: «Озондомста корхтада: Аляньке, кона менельса! Катк лувови инярукс Тонь лемце. Катк сай Тонь Оцязорксшице; катк ули Тонь мяльцень коряс, модалангсовок, кода менельса.

Лука 11:2 Referans Kwoze

Иоаннонди панчф няйфкс 15:4

Кие аф кармай пелема эздот, Азор, и кие аф шнасы Тонь лемцень? Вдь Тон ськамот Инярусь! Сембе ломаньтналхне сайхть и сюконяйхть-комайхть Тонь инголет, сяс мес няевикст арасть Тонь виде тефне!»

Иоаннонди панчф няйфкс 20:4

Мон няень оцязоронь озама вастт, конатнень лангс озасть сят, кинди максфоль азорксши судендамс. Тяфта жа мон няине сятнень ваймоснон, кинь пряснон керозь Иисусонь колга азондомать инкса и Шкаень валть инкса. Синь ашесть сюконякшне аф кяжи жуватати, аф сонь ликонцты, и ашезь путфта сонь тяштьфксонц аф конязост, аф кядезост. Синь вельмасть и азорондасть Христость мархта тёжянь киза.

Павелонь васенце сёрмац Фессалоникав 1:3

Шкайть и минь Аляньконь инголе минь най лятфнетяма сянь колга, кода тинь кемаманте няфтезе прянц тевса, кельгоманте – ваймамань аф содай покодемаса, и сянь, кода тинь кирдемшка мархта надиятада Иисус Христос Азороньконь лангс.

Павелонь сёрмац Филиппав 4:20

Шнама Шкайти, минь Аляньконди пефтома пингс! Аминь.

Павелонь сёрмац Филиппав 1:2

Арьсян тейнть пароказне и сетьмоши Шкай Аляньконь и Иисус Христос Азорть эзда!

Павелонь сёрмац Ефесу 1:2

Мон арьсян тейнть пароказне и сетьмоши Шкайть Аляньконь и Иисус Христос Азороньконь эзда!

Павелонь омбоце сёрмац Коринфу 1:2

Арьсетяма тейнть пароказне и сетьмоши Шкай Аляньконь и Иисус Христос Азороньконь эзда!

Павелонь васенце сёрмац Коринфу 1:3

Арьсетяма тейнть пароказне и сетьмоши Шкай Аляньконь и Иисус Христос Азорть эзда!

Иоаннонди панчф няйфкс 19:6

Сяльде мон кулень бта пяк лама ломанень вайгяль, кона ульсь кода лама ведень увф и кода вии атямонь торама, сон корхтась: «Аллилуйя! Азор Шкайсь, Сембонь Кирдись, кармась оцязорондама!

Иоаннонди панчф няйфкс 11:15

Сисемце ангелсь торазевсь – и менельса кайгозевсть вии вайгяльхть, конат корхтасть: «Масторлангонь оцязорксшись ётась Азороньконь и Сонь Мессиянц кядялу! Азорсь кармай азорондама пефтома пингс!»

Павелонь васенце сёрмац Фессалоникав 1:1

Павел, Силуан и Тимофей кучихть пара вал Фессалоникань кемаень пуромксти, кона эряй Шкай Алять и Иисус Христос Азорть эса. Арьсетяма тейнть пароказне и сетьмоши Шкай Аляньконь и Иисус Христос Азороньконь эзда!

Павелонь омбоце сёрмац Фессалоникав 2:16

Сонць Иисус Христос Азороньке и Шкайсь, минь Аляньке, кона кельгомазь минь и макссь тейнек Эсь пароказнестонза пефтома пингонь ваймафтома-кемокстама и пара надияма,

Павелонь сёрмац Колоссав 1:2

кучихть пара вал Колоссынь иняру ломаттненди, минь кемай ялганьконди, конат ванфнесазь эсь кемамаснон Иисус Христости.

Павелонь сёрмац Риму 8:15

Вдь тейнть максф Ваймопожфсь – тя аф урексшинь ваймопожф, кона кошардодязь одукс пелезь эряма. Меколанкт, тейнть максф Ваймопожф, кона тиедязь тинь Шкаень идькс! Тя Сон мярьги тердемонза Шкайть: «Авва! Аляй!»

Матфей 10:32

«Эрть, кие ломаттнень инголе лувсы и лемдьсы эсь прянц Моннекс, сянь Монга Менелень Алязень инголе лувса и лемдьса Монценнекс.

Матфей 5:16

Тянь лаца катк тиньге валдонте валдопты ломаттненди, катк синь няйсазь тинь пара тевонтень и шнакшнесазь Алянтень, кона менельса».

Матфей 3:2

«Шарфтода Шкайти, сяс мес маладсь Менелень Оцязорксшись».

Павелонь сёрмац Галатияв 1:4

Сон максозе Эсь прянц минь пеженьконь инкса, сяс мес Сонь мялец идемс минь кяжи вийть эзда, кона азорондай тяни масторлангса. Тя ульсь Шкайть, минь Аляньконь, мяленц коряс,

Павелонь сёрмац Риму 1:7

Мон кучан пара вал сембе ся римэряйхненди, конатнень кельгсыне Шкайсь и конатнень Сон тердезень улемс иняру ломанькс. Мон арьсян тейнть пароказне и сетьмоши Шкай Аляньконь и Иисус Христос Азороньконь эзда.

Лука 11:1

Весть Иисус озондсь фкя вастса. Мзярда Сон аделазе озондоманц, тонафниензон ёткста фкясь мярьгсь Тейнза: «Азор, тонафтомасть минь озондома, кода Иоаннга тонафтозень эсь тонафниензон».