Лука 10:2 - Од Соткс Новый Завет на мордовском-мокша языке 2016

² Сон мярьгсь тейст: «Нумада лама, а покайда кржа; ина эняльдеда нумать Азоронцты, кучеза сёронь кочкайхть Эсь паксянц лангс.

Лука 10:2 Referans Kwoze

Павелонь васенце сёрмац Фессалоникав 5:12

Эняльттяма тейнть, кемай ялгат: кирдесть пара лувксса сятнень, кит седиге покодихть тинь ётксонт, кит вятихть эсонт Азорть лемса, и путыхть эсонт виде кис.

Марк 16:15

Сон мярьгсь тейст: «Ётада сембе масторть ланга и азонкшнесть Пара кулять эрь ломанти.

Павелонь омбоце сёрмац Тимофеенди 4:5

Но тон ульхть кятавкс сембоса, кирдить сталмотнень, пачфнек Пара кулять и максф тевть тик афсатыксфтома.

Павелонь омбоце сёрмац Фессалоникав 3:1

И мекольцесь, кемай ялгат, озондода инксонк! Катк Азорть валоц курокста келеми и ули шнаф сембе вастова, кода и тинь ётксонтка.

Марк 13:34

Тя сянь лаца: мзярда ломанць оцю кис тумстонза и кудонц кадомстонза, макссь эсь покодиензонды азорксши и эрти эздост тев, и орта ваныти мярьгсь ваномда и улемс анококс.

Павелонь васенце сёрмац Тимофеенди 4:10

Тянкса минь покоттяма и кирттяма апрякамат, сяс мес кематама эряй Шкайть лангс, кона сембе ломаттнень Идисна, а васендакиге – кемайхнень.

Апостолхнень тевсна 22:21

Эста Азорсь мярьгсь тейне: "Архт! Мон кучте тонь ичкози, лия тналонь ломаттненди"».

Апостолхнень тевсна 20:28

Ванода эсь мельгант и марнек стадать мельге, конань ваномонза ладядязь Иняру Ваймопожфсь. Ваность Азорть и Шкайть кемаень пуромксонц, конань Сон рамазе Эстейнза веронц питнеса.

Апостолхнень тевсна 13:4

Варнава и Савл, Иняру Ваймопожфонь кучфне, састь Селевкияв, а тоста тусть ведьге Киправ.

Апостолхнень тевсна 13:2

Весть, мзярда синь покодсть Шкайти и поставасть, Иняру Ваймопожфсь мярьгсь: «Нолдасть Тейне Варнавань и Саволонь ся тевть тиема, конанди Мон синь тердине».

Апостолхнень тевсна 11:19

А сят, кит ворьгодсть панцематнень эзда, конат ушедсть Стефанонь куломда меле, пачкодсть Финикияв, Киправ и Антиохияв, но еврейда башка оду киндиге ашезь азонкшне Кулять.

Апостолхнень тевсна 8:4

Сят, кит срадсть, якасть сембе вастова и азондсть Пара куля.

Лука 9:1

Иисус кочказень кемгафтувотнень и макссь тейст вий и азорксши панцемс кяжи ваймопожфнень и пчкафнемс урматнень.

Марк 16:20

А тонафнихне тусть и азонкшнезь Пара кулять сембе вастова. Азорсь лездсь тевсост и кемокснезе синь азондомаснон тяштькснень вельде. Аминь.

Матфей 20:1

«Менелень Оцязорксшись кудазор лаца, кона лиссь валдашкодомшовор виноградонь перезонза покаень сиводема.

Павелонь сёрмац Филиппав 2:25

Но тяни мон лувса эрявиксоск меки кучемс тейнть Епафродит кемай ялгазень, кона мархтон покоди фкя тевса и мархтон вяти тюрема Пара кулянь тевть инкса. Тя тинь кучсесть сонь тейне лездоманди, мзярда тя эрявкшнесь тейне.

Павелонь сёрмац Филиппав 2:21

сяс мес сембе вешендихть аньцек эстейст пара, а аф сянь, мезе Иисус Христость мяленц коряс.

Павелонь васенце сёрмац Коринфу 12:28

Шкайсь кемаень пуромксса васенда путозень апостолхнень, меле пророкнень, а меле тонафтыхнень; сяльде сятнень, кинди максф казне тиендемс дивань тефт, а сяльде сят, кинди максфт пчкафнемань казнет, ломаненди лездомань казне, вятемань казне и лия кяльхнень лангса корхтамань казне.

Павелонь сёрмац Колоссав 1:29

Тянкса мон пильголангста прамс покодян и вятян тюрема Христость вийсонза, кона пяк вииста покоди монь эсон.

Павелонь сёрмац Филиппав 2:30

Сяс мес Сон Христости покодемать инкса ульсь кулома лангса и эсь эряфонц аф ужяльдезь тиезе тейне сянь, мезе тинь ашеде машта тиемс.

Еврейхненди сёрмась 3:6

А Христоссь – Шкаень Цёра и Шкаень кудть лангса Азор, кона тиенди Шкайть мяленц коряс. Сонь кудоц – тя минь, кда аньцек минь кемоста и педа-пес ванфтсаськ аф пелемашить и надиямать, конаса минь кенярдезь шнафттама пря.

Павелонь васенце сёрмац Фессалоникав 2:9

Кемай ялгат, тинь мяляфтсасть минь стака покодеманьконь и виень путоманьконь тейнть Шкаень Пара кулять пачфнемста. Минь шинек-венек покодеме виень аф ужяльдезь, сяс мес ашель мяленьке арамс эздонт киндинге трямксокс.

Павелонь сёрмац Колоссав 4:12

Кучи тейнть пара вал тинцень Епафрасонте. Сон Иисус Христость покодиец, кона эсь озондомасонза апак лотксек вяти тюрема тинь инксонт. Сонь мялец тяфтама: илядоледе тинь афсатыксфтомокс и педа-пес содалесть, мезе Шкайть мяленц коряс.

Павелонь омбоце сёрмац Коринфу 6:1

Минь, кода Шкайть мархта покодихне, эняльттяма тейнть: афоль ара шавокс Шкаень пароказнесь, кона максфоль тейнть.

Павелонь васенце сёрмац Коринфу 15:10

Но Шкайть пароказненц вельде мон тяфтаман, кодаман тяни, и Сонь пароказнец тейне максовсь аф шавоста. Мон тиень сяда лама сембе лия апостолхнень коряс, хуш тянь аф мон тиине, а Шкаень пароказнесь, кона монь мархтон.

Павелонь сёрмац Филимононди 1:1

Павел, Иисус Христость инкса пякстафсь, и Тимофей кемай ялгась, кучихть пара вал марстонь тевонь тиити, кельгома Филимонти,

Иоаннонди панчф няйфкс 2:1

«Ефесонь кемаень пуромксть ангелонцты сёрматт: "Вов мезе корхтай Ся, кие кирди сисем тяштть види кядьсонза и якай зрнянь сисем валдоптомань кирдематнень ёткова: