Иудань сёрмац 1:7 - Од Соткс Новый Завет на мордовском-мокша языке 2016

⁷ Тяфта Содомське и Гоморраське, и синь перьфкаст ащи ошневок, конат лацост усксевсть и тиендсть ронгонь эрь кодама визьксонь тефт, улихть наказафт пефтома пингонь толти максомаса, и сяс синь путфт кепотьксокс лиятненди.

Иудань сёрмац 1:7 Referans Kwoze

Пёторонь омбоце сёрмац 2:6

Шкайсь Содом и Гоморра ошнень судендазень юмамас, и толса плхтазень тиемок кулукс. Тяфта няфтезе сай пингонь Шкайда аф пели ломаттненди: синь мархтост тиеви тяконь лаца.

Лука 17:29

Но ся шиня, мзярда Лот лиссь Содомста, тусь менельста толонь и палыкандоронь пизем и машфтозень сембонь.

Матфей 25:41

Эста Сон мярьги кержи кяденц ширеса ащихненди: "Аердода эздон, сюдофт, арда адонь пефтома толти, кона аноклаф идемэвозти и сонь ангелонзонды.

Павелонь васенце сёрмац Коринфу 6:9

Кали тинь аф содасасть: аф видексшинь ломаттне Шкаень Оцязорксшити аф сувавихть? Тясть васькафне эсь прянтень! Усксевихне, аф афкуксонь шкайхненди сюконяйхне, мирдень-рьвянь полафнихне, алятне аля мархта утцихне,

Пёторонь омбоце сёрмац 3:7

А тяниень менельсь и масторсь ванфтови сяка Валть коряс толса плхтамати. Тя ули судонь шиста, мзярда юмафтовихть-арафтовихть Шкайти аф кулхцондыхне.

Матфей 11:24

Корхтан тейнть: Содом масторти судонь шиня ули сяда тёждя тонь корязт».

Матфей 10:15

Видеста корхтан тейнть: Содом и Гоморра ошненди судонь шиня ули сяда тёждя ся ошть коряс.

Павелонь омбоце сёрмац Фессалоникав 1:7

А вага тейнть, конат тяни кирдихть люпштамат, Сон минь мархтонк марса максы ваймама ся шиня, мзярда Иисус Азорсь эвондай менельста вии ангелонзон мархта,

Павелонь омбоце сёрмац Фессалоникав 1:8

юрнай тол потмоса. Эста Сон пандсы кяженц сятненди, конатнень ашель мяльсна содамс Шкайть и конат ашезь кулхцонда Пара кулять Иисус Христос Азороньконь колга.

Пёторонь омбоце сёрмац 2:2

И ламотне туйхть синь визьксфтома эряфснон мельге, и синь инксост видешинь кись кармай сялдовома.