Иоаннонь васенце сёрмац 3:9 - Од Соткс Новый Завет на мордовском-мокша языке 2016

⁹ Кие шачф Шкайть эзда, ся аф тиенди пеже, вдь сонь эсонза эряй-ащи Шкаень видьмось. Сон афи сувави пежес, сяс мес сон шачф Шкайть эзда.

Иоаннонь васенце сёрмац 3:9 Referans Kwoze

Иоаннонь васенце сёрмац 5:18

Минь содасаськ: эрсь, кие шачсь Шкайть эзда, аф тии пеже. Шкайть эзда шачфсь ванфтсы эсь прянц, и Кальдявсь аф токасы тяфтама ломанть.

Пёторонь васенце сёрмац 1:23

Вдь тинь шачеде одукс аф наксада видьмоста, а Шкайть аф юмай-арай валстонза, кона эряй и кармай эряма пефтома пингс.

Иоанн 1:13

конат шачсть аф вер эзда, афи ронга, афи мирдень мяльста-арьсемаста, а Шкайть эзда.

Иоаннонь васенце сёрмац 2:29

Кда тинь содасасть: Сон фалу тиенди видексшить коряс, эста содасасть тяньге: кие эряй видексшить коряс, ся шачф Шкайть эзда.

Иоаннонь васенце сёрмац 5:1

Эрсь, кие кемай: Иисус – тя Христоссь, ся шачф Шкайть эзда. И кие кельгсы Алять, ся кельгсы Сонь эздонза Шачфтьке.

Иоаннонь васенце сёрмац 5:4

Вдь эрь ломанць, кона шачсь Шкайть эзда, сяськсы тя пежу масторлангть. И тя вийсь, кона сяськозе масторлангть, – минь кемаманьке.

Иоанн 3:3

Иисус каршезонза пшкядсь: «Видеста корхтан тейть: кие аф шачи одукс, вярде, сянди аф няеви Шкаень Оцязорксшись».

Павелонь сёрмац Галатияв 5:17

Пежу обуцянте кепси Ваймопожфть каршес, а Ваймопожфсь – пежу обуцянтень каршес. Синь фалу каршект фкя-фкянди. Сяс тинь тиендьсасть аф сянь, мезе мяленте тиемс.

Иоаннонь васенце сёрмац 4:7

Кельгома ялгат, карматама кельгома фкя-фкянь, вдь кельгомась Шкайть эзда. Эрсь, кие кельги, шачф Шкайть эзда и содасы Шкайть.

Матфей 7:18

Цебярь шуфтть лангса аф эрсихть кальдяв имошт, а кальдяв шуфтть лангса – цебярьхть.

Павелонь сёрмац Риму 6:2

Вдь минь куломе пежети – кода ина тейнек тага эрямс пежеса?

Апостолхнень тевсна 4:20

Тейнек аш кода аф корхтамс сянь колга, мезе няеме и кулеме».

Иоаннонь васенце сёрмац 3:6

Эрсь, кие эряй Христость эса – аф тиенди пеже. А ся, кие тиенди пеже, ся Сонь ашезе няенде и афи содасы.

Иоаннонь колмоце сёрмац 1:11

Кельгома ялгай, тят моле кяжень тиихнень мельге, а мольхть паронь тиихнень мельге. Кие тиенди пара тефт, ся ломанць Шкайть эзда. Кие тиенди кальдяв тефт, ся мзярдонга ашезе няенде Шкайть.