Иоаннонь васенце сёрмац 2:4 - Од Соткс Новый Завет на мордовском-мокша языке 2016

⁴ Кие корхтай: «Мон содаса Шкайть», а сонць аф эряй Сонь кошардоманзон коряс, ся васькафни ломань, и сонь эсонза аш видеши.

Иоаннонь васенце сёрмац 2:4 Referans Kwoze

Иоаннонь васенце сёрмац 1:6

Кда корхтатама: «Минь ули марстоньшиньке Сонь мархтонза», – а эрятама-якатама шобдаса, эста минь васькафнетяма и тиенттяма аф видешить коряс.

Павелонь сёрмац Титонди 1:16

Синь корхтайхть, бта содасазь Шкайть, а эсь тевсост шарфтыхть Эздонза. Синь нильготькст, аф кулхцондыхть и кодамовок пара тевонь тиема аф маштыхть.

Иоаннонь васенце сёрмац 1:8

Кда корхтатама: «Минь аш пеженьке», – эста васькафнесаськ эсь пряньконь и эсонк аш видеши.

Иоаннонь васенце сёрмац 4:20

Кда кие корхтай: «Мон кельгса Шкайть», а сонць прокс афолезе няе эсь кемай ялганц, ся васькафни ломань. Вдь кие аф кельгсы эсь кемай ялганц, конань няйсы, сянди аф кельгови Шкайське, конань сон ашезе няенде.

Иоаннонь васенце сёрмац 2:9

Кие корхтай: «Мон валдсан», – а сонць прокс афолезе няе эсь кемай ялганц, ся тячиень шис шобдаса.

Иоаннонь васенце сёрмац 1:10

Кда корхтатама: «Минь ашеме тие пеже», – эста минь тисаськ Шкайть васькафникс, и Сонь валоц аш эсонк.

Иоанн 8:44

Тинь алянте идемэвозсь; и тинь мяленте тиендемс алянтень лаца визькс тефт. Сон ушетксстокиге ульсь ломанень шавонды и ашезь ащев видешиса; сяс мес аш эсонза видеши. Мзярда сон кяльготни, корхтай эсенц; сяс мес сон – кяльготнись и кяльготнемать аляц.

Павелонь сёрмац Титонди 1:10

Вдь ули лама ломаньда, – сидеста еврейхнень ёткста, – конат киньге аф кулхцондыхть, шавоста лабордыхть, васькафнихть.

Иоаннонь васенце сёрмац 2:3

Кда минь эрятама Шкайть кошардоманзон коряс, эста минь кемокстасаськ эсь пряньконь: минь афкукс содасаськ Сонь.

Иоаннонь васенце сёрмац 3:6

Эрсь, кие эряй Христость эса – аф тиенди пеже. А ся, кие тиенди пеже, ся Сонь ашезе няенде и афи содасы.

Иоаннонь васенце сёрмац 4:7

Кельгома ялгат, карматама кельгома фкя-фкянь, вдь кельгомась Шкайть эзда. Эрсь, кие кельги, шачф Шкайть эзда и содасы Шкайть.