Иоаннонь васенце сёрмац 1:3 - Од Соткс Новый Завет на мордовском-мокша языке 2016

³ Сянь, мезе няеме и кулеме, минь азондсаськ тейнть, сяс мес минь мяленьке: тиньге улель марстоньшинте минь мархтонк; а минь марстоньшиньке Алять и Иисус Христос Цёранц мархта.

Иоаннонь васенце сёрмац 1:3 Referans Kwoze

Павелонь васенце сёрмац Коринфу 1:9

Кемоста кирдьсы валонц Шкайсь, кона тердедязь тинь сотовомс Эсь Цёранц, Иисус Христос Азороньконь мархта.

Иоанн 17:3

Вага пефтома эряфсь: содамс Тонь, фкя-тяка виде Шкайть, содамс Тонь кучфценьге Иисус Христость.

Апостолхнень тевсна 4:20

Тейнек аш кода аф корхтамс сянь колга, мезе няеме и кулеме».

Иоанн 17:21

Эняльдян, синь сембе улельхть фкя седиса-ваймоса: кода Тон, Аляй, Монь эсонат, и Мон – Тонь эсотан, катк стане синьге улихть Минь эсонк фкя седиса-ваймоса. И масторлангсь кармай кемама: Тон кучемайть Монь.

Павелонь сёрмац Филиппав 2:1

Тяфта, сяс мес Христосса кемокставихть тинь ваймонте, сяс мес Сонь кельгомац канды тейнть седиень петема, сяс мес тинь ули Ваймопожфонц мархта корхтаманте-ладяманте, ули фкя-фкянди кельгозь ужяльдеманте и фкя-фкянь сярятьфонь маряманте,

Иоаннонь васенце сёрмац 1:7

А кда эрятама-якатама валдса, кода Сонцьке Шкайсь валдса, эста минь ули марстоньшинке фкя-фкянь мархта, и Иисус Христость, Шкаень Цёрать вероц аруяфтсамазь минь эрь кодама пежеда.

Иоаннонь васенце сёрмац 1:1

Минь азонттама сянь колга, мезе ульсь ушетксста сявомок, мезе минь кулеме и няеме эсь сельмосонк, мезень мельге минь ванондоме и мезть токсеськ кядьса: эряфонь максы Валть колга.

Еврейхненди сёрмась 3:14

Вдь минь суваме марстонь тевс Христость мархта, кда аньцек педа-пес кемоста ванфтсаськ ся кемамать, конац ульсь минь эсонк ушетксста.

Павелонь сёрмац Филиппав 3:10

Монь мялезе содамс Христость и ся вийть, кона вельмафтозе Сонь кулофнень эзда; и мялезе явомс мархтонза маятаманзон и арамс лацонза Сонь куломасонза.

Пёторонь васенце сёрмац 5:1

Тяни мон пшкядян кемаень пуромксонь оцюнянтенди: монга лацост кемаень пуромксонь оцюнян и эсь сельмосон няине Христость маятаманзон и Сонь мархтонза явса ся иневалдть, кона эвондай эсь пингстонза. Мон эняльдян тейнть:

Еврейхненди сёрмась 3:1

Сяс, иняру кемай ялгат, конатненди минь мархтонк марса максовсь менелень тердемась, шарфтость сельмованфонтень Иисус Христосонь лангс. Минь сембонь инголе лемнесаськ Сонь Шкаень Кучфокс и Озксвятиень оцюнякс.

Павелонь сёрмац Колоссав 1:13

Шкайсь идемазь минь шобдать азорксшинц алда и сувафтомазь кельгома Цёранц Оцязорксшизонза.

Апостолхнень тевсна 20:27

Вдь мон най азонкшнине тейнть Шкайть марнек мялензон.

Иоаннонь васенце сёрмац 1:5

И вов ся кулясь, конань минь маряськ Сонь эздонза и конань азондсаськ тейнть: «Шкайсь – тя валда, и Сонь эсонза аш кодамовок шобда».

Еврейхненди сёрмась 2:12

«Мон пачфтьса Тонь лемцень брадненди, пуромксса моразь шнате Тонь».

Павелонь васенце сёрмац Тимофеенди 6:2

Сятненди, кинь азорсна кемай ломатть, аф эряви вятемс эсь прясна азорть мархта кода повсь, кемай ялгакс улемать инкса. Меколанкт, катк покодихть лангозост сядонга пяк, сяс мес сят, кинди синь тиендихть пара тефт, кельгома и кемай ялгат. Тонафтт тянди и кемокстайть ломаттнень тиендемс тя тонафтомать коряс.

Павелонь сёрмац Филиппав 1:7

Монь ули цебярь туфталозе тяфта арьсемс сембонь тинь колгант, сяс мес тинь фалу монь седисонтада. Тинь ули пяльксонте монь мархтон пароказнеть эзда: пякстамгудса ащемасонга, стане и Пара кулять араламасонза и кемокстамасонза.

Павелонь сёрмац Ефесу 3:6

Тя салавашись вага мезьса: лия ломаньтналхнень ули еврейхнень мархта пялькссна сембе ся паротнень эзда, конат максовихть Шкаень ломаньтналти. Синь арасть фкя-тяка ронгонь, и Пара кулять вельде тейстка максовихть Шкайть надияфтоманза Христос Иисусса.

Павелонь васенце сёрмац Коринфу 1:30

Вдь тя Сонь вельденза тинь сотоводе Иисус Христосонь мархта, конань Шкайсь тиезе тейнек смузьшикс. Христость вельде минь улеме лувфт видексшинь ломанькс Шкайть инголе, улеме аруяфтфт и идефт-рамафт воляшис.

Павелонь васенце сёрмац Фессалоникав 1:10

и учемонза менельста Сонь Цёранц – Иисусонь, конань Сон вельмафтозе кулофста и кона идесамазь минь Шкайть сай кяженц эзда.

Павелонь васенце сёрмац Коринфу 15:1

Кемай ялгат, мон лятфтаса мялезонт Пара кулять, конань пачфтине тейнть, а тинь сявость сонь и эсонза кемоста ащетяда.

Павелонь сёрмац Риму 15:27

Синь синць арьсесть тяфта тиемс, и лац тисть – вдь синь шумуфт инголест. Евреень кемайхне явозь синь мархтост ваймопожфонь козяшиснон, сяс тяни синьге, лия тналонь кемайхне, катк явсазь мархтост модалангонь козяшиснон.

Апостолхнень тевсна 13:41

"Ванода, низелкшнихть, дивандада и юмада! Сяс мес Мон тиян тяни, пингстонт, тяфтама тев, конанди тинь афоледе кема, кда кивок азондолезе тейнть"».

Апостолхнень тевсна 13:32

Минь пачфнесаськ тейнть тя Пара кулять: мезе Шкайсь надияфнесь минь атянь-атяньконди, сянь Сон пяшкодезе тейнек, идьснонды, вельмафтомок Иисусонь кулофста,

Апостолхнень тевсна 2:42

Синь фалу эрясть-ащесть апостолхнень тонафтомаса, фкя-фкянь мархта корхнемаса-лездомаса, кшинь синдемаса-ярхцамаса и озондомаса.

Иоанн 17:25

Видексшинь Аляй! Масторлангсь Тонь аф содатанза; а Мон содате Тонь, нятка кармасть содамонза: Тон кучемайть Монь.

Иоанн 17:11

Мон ни аф масторлангсан, но синь масторлангсот, а Мон саян Тейть. Иняру Аляй! Ванфтыть синь Эсь лемсот, сятнень, конатнень Тон максыть Тейне: улест синь фкя седиса-ваймоса, кода Минь Тонь мархтот фкя седисотама-ваймосотама.

Иоанн 19:35

Ся, кие няезе тянь эсь сельмосонза, азондозе тянь – тиньге кемаледе. Сонь азондомац виде и сон содасы: корхтасы видеть.

Пёторонь омбоце сёрмац 1:16

Мзярда минь азондоме тейнть Иисус Христос Азороньконь виенц и саманц колга, минь ашеме моле ёжуста кодаф-понаф ёфкснень мельге. Минь вдь эсь сельмосонк няеськ Сонь иневалдонц.