Иоаннонь колмоце сёрмац 1:6 - Од Соткс Новый Завет на мордовском-мокша языке 2016

⁶ Кемаень пуромксть ингольде синь корхтасть тонь кельгомацень колга. И улель пяк пара, кда тон лездолеть тейст синь якамасост стане, кода ладяй тиендемс Шкаень ломаттненди.

Иоаннонь колмоце сёрмац 1:6 Referans Kwoze

Павелонь васенце сёрмац Фессалоникав 2:12

минь эняльдеме тейнть, кемокстаме эсонт и пяк вешеме эздонт: эряледе тинь Шкайть мяленц коряс, кона тердедязь тинь Эсь Оцязорксшизонза и иневалдозонза.

Павелонь сёрмац Титонди 3:13

Срхкафтыть кис Зинань, коень содайть, и Аполлосонь. Лезтт тейст: катк мезьсовок афольхть сода ашуши.

Апостолхнень тевсна 15:3

Кемаень пуромкссь ильхтезень кучфнень ки лангс. Сят тусть Финикиять и Самариять пачк, ки кувалма азондсть кемайхненди, кода лия тналонь ломаттне шарфтсть Шкайти, и сембе пяк кеняртькшнесть тянди.

Пёторонь васенце сёрмац 2:20

Мезенкса тинь шнамс, кда тинь кирттяда пикссемат кальдяв тевонкса? А кда тинь кирттяда лама маятама пара тевонь тиеманкса, тя тушенды Шкайть мяльс.

Павелонь сёрмац Колоссав 1:10

эняльттяма: улель тинь эряфонте Шкаень лемть шнаманкса, сембоса тиенделеде Сонь мяленц коряс, и эрь кодама пара тевонте кандоль цебярь имож и касоледе Шкайть содамаса.

Павелонь сёрмац Филиппав 4:14

Тинь сякокс лац тиеде, мес явость мархтон монь сталмонень.

Павелонь омбоце сёрмац Коринфу 1:16

Мон арьсень сувамс тейнть Македонияв молемста, а сяльде, Македонияста мрдамста тага лоткамс ширезонт, а тинь кочкалесть монь кизень Иудеяв.

Павелонь сёрмац Риму 15:24

Кодак аньцек срхкан Испанияв, эста ётамбачк суван ширезонт, хуш васедемстонк аф ламонди петьса седиезень мархтонт корхнемаса. А сяльде, надиян, тинь макстада тейне лезкс, сянь, мезе эряви тейне кизень поладомс.

Апостолхнень тевсна 21:5

Ня шитнень меле минь поладоськ киньконь. Сембе кемайхне рьвянек-иднек ильхтемазь мянь ошть пес. Оцюведь трваса минь плманжа лангса озондоме.

Иоаннонь колмоце сёрмац 1:12

Димитриень колга сембе корхтайхть аньцек цебярь, тяфта корхтай сонь эряфоцка, кона видешить коряс. Миньге корхтатама сонь колганза аньцек пара, и тинь содасасть: минь валоньке видет.

Апостолхнень тевсна 15:29

тяда ярхца аф афкуксонь шкайхненди озксказнекс кантф ярхцамбяльда, верда и пондаф жуватань сивольда, кирдеда усксевомада и тяда тиенде лиятненди сянь, мезе аф ёратада эстейнть. Пяшкодендярясасть тянь, тихтяда пяк лац. Уледа шумбрат».