Иоаннонди панчф няйфкс 2:3 - Од Соткс Новый Завет на мордовском-мокша языке 2016

³ Мон содаса, тонь ули кирдемшкаце, тон лама маятать Монь лемозень инкса и сяка ашить нолда кяттнень.

Иоаннонди панчф няйфкс 2:3 Referans Kwoze

Еврейхненди сёрмась 10:36

Тейнть эряви кирдемс сталмотнень пингста. Тянь вельде тейнть пяшкодеви Шкайть мялец и максови Сонь эздонза надияфтфсь:

Еврейхненди сёрмась 12:1

Сяс мес минь перьфканк тяшкава лама ломаньда, конатнень кемамасна ащи кепотьксокс тейнек, тейнековок эряви ёрдамс эсь лангстонк сембе сталмоть и тёждяста педи пежеть. Эрьда, сталмонь кирдезь и сембе виеньконь путозь ласьксаськ инголенк ацаф кить.

Павелонь сёрмац Галатияв 6:9

Сяс паронь тиемста аф макссаськ пряньконь сиземати. Эста, кда аф потатама тя тевста, эсь пингстонза нусаськ сёроть.

Павелонь сёрмац Колоссав 1:11

Катк Сонь иневалдонь виец и сембомаштомац кемокстатядязь тинь, максы тейнть куватьс кирдемшка и вийхть ётамс сембе стакашитнень.

Иоанн 15:21

Сембонь тянь тисазь тейнть Монь лемозень инкса, сяс мес аф содасазь Монь Кучиезень.

Павелонь васенце сёрмац Коринфу 13:7

Сон кирдьсы-ётасы семботь, сембоса ляткшни кемайкс, эрь тевса надияй Шкайть лангс и кандсыне-кирдьсыне сембе сталмотнень.

Иоаннонди панчф няйфкс 3:10

Тон ванфтыть монь кошардомазень улемс кирдикс, сяс монга карман ванфтомот тонь варчсемань-маятамань пингста, кона шашты марнек масторть лангс и кармай варчсемост-маятафтомост модалангонь сембе эряйхнень.

Еврейхненди сёрмась 6:15

И тяфта, Авраам учсь куватьс, сатфтозе кирдемшканц и тейнза максфоль надияфтфсь.

Еврейхненди сёрмась 6:12

И тяда ара нолакс, меколанкт, тиендеда сятнень лаца, конатненди кемамать и куватьс кирдемшкать вельде максови ся, мезе Шкайсь надияфтсь.

Еврейхненди сёрмась 6:10

Вдь Шкайть аш аф видексшиц и сяс Тейнза аф юкстави тинь покодеманте и кельгоманте, конань тинь няфтесть Тейнза, мзярда лезнеде и нинге лезттада иняруфненди.

Павелонь васенце сёрмац Тимофеенди 4:10

Тянкса минь покоттяма и кирттяма апрякамат, сяс мес кематама эряй Шкайть лангс, кона сембе ломаттнень Идисна, а васендакиге – кемайхнень.

Павелонь омбоце сёрмац Фессалоникав 3:13

А тинь, кемай ялгат, стаки тиесть эсь пара тевонтень, тяда макссе пря сиземати.

Павелонь омбоце сёрмац Коринфу 4:16

Вов мес минь аф нолясаськ пряньконь. Катк минь лангоньке, лиякс мярьгомс ронгсь, сиреди-срады, но потмоньке, лиякс мярьгомс ваймопожфсь, шиста шис одкстомкшни.

Павелонь омбоце сёрмац Коринфу 4:1

Шкайсь Эсь кельгозь ужяльдеманц вельде макссь тейнек тяфтама покодема, и сяс минь аф нолясаськ пряньконь.

Павелонь сёрмац Риму 12:12

Надиямась кандоза тейнть кенярдема, уледа кемот стакашиса и апак лотксек озондода.

Павелонь сёрмац Риму 8:25

Но кда минь надиятама сянь лангс, мезе нинге аф няйхтяма, эста учсаськ тянь кирдемшка мархта.

Лука 14:27

кие аф кандсы эсь крёзонц и аф моли Монь мельган, ся аф улеви Тейне тонафникс.

Иоаннонди панчф няйфкс 1:9

Мон, Иоанн, тинь кемай ялганте, явса мархтонт Иисус Христосонь маятаманц, оцязорксшинц и кирдемшканц. Мон улень паньф Патмос усияв сяс, мес пачфнине Шкаень валть и азондонь Иисус Христосонь колга.

Пёторонь омбоце сёрмац 1:6

Содамошисонт няфтеда прянь кирдема, прянь кирдемасонт – кемоши, кемошисонт – Шкайть мяленц коряс эряма.

Павелонь васенце сёрмац Фессалоникав 1:3

Шкайть и минь Аляньконь инголе минь най лятфнетяма сянь колга, кода тинь кемаманте няфтезе прянц тевса, кельгоманте – ваймамань аф содай покодемаса, и сянь, кода тинь кирдемшка мархта надиятада Иисус Христос Азороньконь лангс.

Павелонь омбоце сёрмац Коринфу 11:23

Синь Христость покодиенза? Пади, прокс ни шорявсь прязе, но сембе сяка азса: мон сядонга лама покодян Тейнза. Мон синдедост лама вий путонь тя тевти, синдедост сяда ламоксть улень пякстамгудса, мон пефтома ламоксть улень пикссеф, и сидеста улендень кулома лангса.

Павелонь омбоце сёрмац Коринфу 5:9

Сяс, аф ваномок сянь лангс, кудсотама ни минь али нинге ширесотама, минь ёратама тумс Шкайть мяльс.

Павелонь сёрмац Риму 2:7

Сятненди, конат апак сизек тиендихть пара тефт и вешендихть Шкайть эзда шнама, пара лем и аф кулома, Шкайсь максы пефтома эряф;

Лука 18:1

Иисус азондсь тонафнихненди валвеляфкс, конань вельде ёрась няфтемс тейст, кода эряви най озондомс и аф прашендомс пичефксс:

Лука 8:15

Цебярь модас прафне, нят сят, кит ляпе и ару седисост марясазь валть, ванфтсазь сонь и кирдемшкаснон вельде каннихть раштафкс». Азомок тянь, ювадсь: «Кинь улихть кули пиленза, катк кульсы!»

Еврейхненди сёрмась 13:13

Сяс листяма Тейнза, ширети, и каннесаськ Сонь сялдоманц.

Павелонь васенце сёрмац Тимофеенди 5:17

Кемаень пуромксонь оцюнятнень, конат цебярьста вятьсазь тевснон, эряви кирдемс пара лувксса и цебярьста тейст пандомс, васендакиге сятненди, конат путнесазь вийснон Шкаень валти и тонафтомати.

Павелонь омбоце сёрмац Фессалоникав 3:8

и стак киньге кшидонза ашеме ярхца. Минь пелеме арамс тейнть сталмокс, сяс шинек-венек стакаста покодезь апак лотксек тиеме тев.

Павелонь омбоце сёрмац Фессалоникав 3:5

Катк ина Азорсь ладясыне тинь седиентень Шкаень кельгомати и Христость кирдемшканцты.

Павелонь васенце сёрмац Фессалоникав 2:9

Кемай ялгат, тинь мяляфтсасть минь стака покодеманьконь и виень путоманьконь тейнть Шкаень Пара кулять пачфнемста. Минь шинек-венек покодеме виень аф ужяльдезь, сяс мес ашель мяленьке арамс эздонт киндинге трямксокс.

Павелонь сёрмац Филиппав 4:3

Тейтьке эняльдян, мархтон фкя тевса афкуксонь покоди: лезтт тейст, сяс мес синь монь мархтон марса тюрсть-покодсть Пара кулять инкса, тяконь лаца Климентонь мархта и фкя тевонь лия ялганень мархта, конатнень лемсна эряфонь книгасот.

Павелонь сёрмац Филиппав 2:16

мзярда тиенттяда эряфонь максы валть коряс. Эста, Христость сама шистонза, мон шнафтса прязень тинь мархтонт: аф стак мон ласьконь, аф стак покодень.

Павелонь сёрмац Галатияв 6:2

Лездода фкя-фкянди стакашиса, тяфта тинь пяшкодьсасть Христость коенц.

Павелонь омбоце сёрмац Коринфу 10:15

Минь аф шнатама пря ункстамада вельф, сяс мес минь шнатама пря эсь покодеманьконь мархта, а аф лиятнень покодемаснон мархта. Но минь надиятама: тинь кемаманте кармай касома и тянь вельде кармай келемома минь покодеманьке тинь ётксонт.

Павелонь омбоце сёрмац Коринфу 6:5

пикссемат, пякстамгудга ащемат, каршезонк кепсемат, вийда машфты покодемат, апак удок вет, вачаши.

Павелонь сёрмац Риму 16:12

Азода пара вал Трифена и Трифоса аватненди, конат лама виень путозь покодихть Азорти. Пара вал кельгома сазорти Персиданди, конац пяк лама виень путозь покоди Азорти.

Лука 21:19

Кирдеда и тейнть идеви ваймонте».

Марк 15:21

Ки лангса синь васьфтсть Киринеянь ломань, Симононь – тя Александронь и Руфонь алясна, сон ся ёткть саль паксяста. Ушматтне кошардозь Симононь кандома Иисусонь крёзонц.

Павелонь васенце сёрмац Фессалоникав 5:12

Эняльттяма тейнть, кемай ялгат: кирдесть пара лувксса сятнень, кит седиге покодихть тинь ётксонт, кит вятихть эсонт Азорть лемса, и путыхть эсонт виде кис.

Павелонь васенце сёрмац Коринфу 16:16

тиньге уледа кулхцондыкс тяфтама ломаттнеди, и эрти, кие мархтост марса покоди ваймамань аф содазь.

Лука 5:5

Симон каршезонза мярьгсь: «Тонафты, минь покодеме веньберьф и мезевок ашеме кунда. Аньцек Тонь валцень инкса ёрдасайне калонь кундаматнень».