Иоаннонди панчф няйфкс 2:2 - Од Соткс Новый Завет на мордовском-мокша языке 2016

² Мон содасайне тонь тефнень, стака покодемацень и кемошицень. Содаса, маласотка афолить кирде пежес ваяф ломаттнень. Тон варжайть-содайть сятнень, кит лемнесазь пряснон апостолкс, но синь аф сят, кикс няфнесазь пряснон. И тон шарьхкодить, синь васькафнихть.

Иоаннонди панчф няйфкс 2:2 Referans Kwoze

Иоаннонь васенце сёрмац 4:1

Кельгома ялгат, аф эрь ваймопожфти кемада, а инголи ваность-варжасть синь: Шкайть али аф Шкайть эзда сафт, сяс мес тяни масторть ланга якай лама аф афкуксонь пророкта.

Павелонь васенце сёрмац Фессалоникав 5:21

но семботь лацкас ваность-варжасть; и мезсь цебярь, сянь ванфтость.

Иоаннонди панчф няйфкс 3:8

Мон содасайне тонь тефнень. Вага, Мон панжине инголет кенкшть, и киндинге сон аф пякстави. Хуш тонь и кржа вийдот, но тон сяка кемоста кирдят Монь валозти и ашеть шарфта Монь эздон.

Павелонь омбоце сёрмац Тимофеенди 2:19

Но юрсь, конань путозе Шкайсь, ащи кемоста и сонь лангсонза сёрматф: «Азорсь содасыне Эсензон»; и: «Катк туй кальдявть эзда эрсь, кие кунцесы Азорть лемонц».

Павелонь васенце сёрмац Фессалоникав 1:3

Шкайть и минь Аляньконь инголе минь най лятфнетяма сянь колга, кода тинь кемаманте няфтезе прянц тевса, кельгоманте – ваймамань аф содай покодемаса, и сянь, кода тинь кирдемшка мархта надиятада Иисус Христос Азороньконь лангс.

Павелонь сёрмац Галатияв 1:7

Аш лия пара куля! Но улихть ломатть, конат шорсесазь прянтень, ёрайхть тапарямс-гастямс Христость Пара кулянц смузенц.

Иоаннонди панчф няйфкс 3:1

«Сардисонь кемаень пуромксть ангелонцты сёрматт: "Вов мезе корхтай Ся, кинь улихть Шкаень сисем ваймопожфонза и сисем тяштенза: Мон содасайне тонь тефнень. Тонь луфтядязь эряйкс, но афкукс тон кулофат.

Еврейхненди сёрмась 6:10

Вдь Шкайть аш аф видексшиц и сяс Тейнза аф юкстави тинь покодеманте и кельгоманте, конань тинь няфтесть Тейнза, мзярда лезнеде и нинге лезттада иняруфненди.

Павелонь сёрмац Ефесу 4:14

Эста минь ни аф ульхтяма пиже иднякс, конатнень кодама-повсь тонафтомась ведькомболкс и варма лаца усксыне эсь мельганза, и конатнень ёжу ломаттне васькафнесазь-эрьготьфнесазь.

Иоаннонди панчф няйфкс 2:9

Мон содасайне тонь тефнень, тонь маятаматнень и ашушицень (хуш афкукс тон козят). Содаса сяньге, кода тонь эсот сялдыхть сят, конат эсь пряснон лувсазь еврейкс, но синь аф еврейхть, а Сатанань пуромкс.

Иоаннонди панчф няйфкс 2:6

Но пара эсот ся, мес тон Монь лацон афолить няе николаиттнень тевснон.

Иоаннонди панчф няйфкс 3:15

Мон содасайне тонь тефнень. Тон аф кельмат, аф псият. Вай, кда тон улелеть кельме али пси!

Матфей 7:23

И эста азса тейст: "Мон мзярдовок тинь ашедязь сода; ворьда маластон, коень колайхть"».

Иоанн 6:6

А Сон тяфта корхтась сяс, мес ёразе содамс Филиппонь мяленц; Сонць ни содазе, мезе кармай тиема.

Иоаннонди панчф няйфкс 2:5

Лятфтак ина, кодамкс тон улеть прамдот инголе. Аертт пежетнень эзда и мрдак васень тефненди. Но кда аф аердат, Мон саян тейть и шашфтса валдоптомань кирдемацень вастстонза.