Иоаннонди панчф няйфкс 1:4 - Од Соткс Новый Завет на мордовском-мокша языке 2016

⁴ Иоанн сёрмады Римонь Асияса сисем кемаень пуромксненди: пароказне тейнть и сетьмоши Сянь эзда, кие фалу ули, ульсь и сай, и сисем ваймопожфнень эзда, конат Сонь озама вастонц инголет,

Иоаннонди панчф няйфкс 1:4 Referans Kwoze

Еврейхненди сёрмась 13:8

Иисус Христоссь фкя тяка и исяк, и тячи, и пефтома пингс.

Иоанн 1:1

Ушетксса ульсь Валсь, Валсь Шкайть мархтоль, и Валсь ульсь Шкай.

Иоаннонди панчф няйфкс 5:6

И мон няине: оцязоронь озама вастть и ниле эряй ваймотнень ёткса, и атятнень ёткса ащесь Верозсь. Сон кода печкфоль, и Сонь ульсть сисем сюронза и сисем сельмонза. Ня сисем сельмотне – Шкаень сисем ваймопожфт, конат кучфтольхть марнек модать келес.

Иоаннонди панчф няйфкс 4:5

Оцязоронь озама вастть эзда кфчиесть ёндолхт, марявсь увф и атямонь гайф. Оцязоронь озама вастть видеса палсть сисем байдекпеса толонь валдоптомат, нят Шкаень сисем ваймопожфт;

Иоаннонди панчф няйфкс 1:8

«Мон – Альфась и Омегась, Ушеткссь и Песь» – корхтай Азорсь, – Ся, кие ули, ульсь и сай, Семботь Кирдиец.

Иоаннонди панчф няйфкс 3:1

«Сардисонь кемаень пуромксть ангелонцты сёрматт: "Вов мезе корхтай Ся, кинь улихть Шкаень сисем ваймопожфонза и сисем тяштенза: Мон содасайне тонь тефнень. Тонь луфтядязь эряйкс, но афкукс тон кулофат.

Иаковонь сёрмац 1:17

Эрь кодама цебярь максомась и эрь кодама афсатыксфтома казнесь максовихть вярде, Шкай Алять эзда, кона тиезень сембе менелень валдоптоматнень. Сон мзярдовок аф полафни менелень валдоптоматнень цильфснон лаца, и Сонь валдоц мзярдовок аф тиеви шобдакс.

Иоаннонди панчф няйфкс 4:8

Эрь эряй ваймоть ульсть котонь пацясна, и марнек ронгсна вельхтяфтольхть сельмоса, нльне паця алсновок. Синь шинек-венек апак лотксек морафтыхть: «Иняру, иняру, иняру Азор Шкайсь, Семботь Кирдиец, Ся, кие ульсь, ули и сай!»

Иоаннонди панчф няйфкс 3:7

«Филадельфиянь кемаень пуромксть ангелонцты сёрматт: "Вов мезе корхтай Инярусь и Видесь, конань кядьса Давидонь панжемац; Сон ся, кие панчсы кенкшть – и киндинге аф пякстави; Ся, кие пякстасы кенкшть – и киндинге аф панжеви:

Павелонь сёрмац Риму 1:7

Мон кучан пара вал сембе ся римэряйхненди, конатнень кельгсыне Шкайсь и конатнень Сон тердезень улемс иняру ломанькс. Мон арьсян тейнть пароказне и сетьмоши Шкай Аляньконь и Иисус Христос Азороньконь эзда.

Иоаннонди панчф няйфкс 2:8

«Смирнань кемаень пуромксть ангелонцты сёрматт: "Вов мезе корхтай Васенцесь и Мекольцесь, Ся, кона кулофоль, а тяни шиса.

Иоаннонди панчф няйфкс 1:20

Тяни Мон панчса тейть салавашить, азса, кодама смузь няфтихть ся сисем тяшттне, конатнень тон няить Монь види кядьсон, и ся сисем валдоптомань кирдематне. Сисем тяшттне – тя сисем кемаень пуромкснень ангелсна, а сисем валдоптомань кирдематне, конатнень тон няить, тя сисем кемаень пуромксне».

Иоаннонди панчф няйфкс 1:11

Сянь, мезе няят, сёрматк книгас и кучк Асиянь сисем кемаень пуромксненди: Ефесу, Смирнав, Пергаму, Фиатирав, Сардису, Филадельфияв и Лаодикияв».

Павелонь омбоце сёрмац Коринфу 1:2

Арьсетяма тейнть пароказне и сетьмоши Шкай Аляньконь и Иисус Христос Азороньконь эзда!

Павелонь васенце сёрмац Коринфу 1:3

Арьсетяма тейнть пароказне и сетьмоши Шкай Аляньконь и Иисус Христос Азорть эзда!

Иоаннонди панчф няйфкс 3:14

«Лаодикиянь кемаень пуромксть ангелонцты сёрматт: "Вов мезе корхтай Аминь, валонь кирди и виде азондысь, конань вельде Шкайсь тиезе семботь:

Иоаннонди панчф няйфкс 2:18

«Фиатиронь кемаень пуромксть ангелонцты сёрматт: "Вов мезе корхтай Шкайть Цёрац, конань сельмонза, кода палы тол, и пильгонза, кода пиндолды бронза:

Иоаннонди панчф няйфкс 2:12

«Пергамонь кемаень пуромксть ангелонцты сёрматт: "Вов мезе корхтай Ся, кинь ули кафцьке пяльде оржа тороц:

Иоаннонди панчф няйфкс 1:1

Тя книгаса азондови ся няйфкснень колга, конатнень панжезень Иисус Христоссь. Тейнза ня няйфкснень максозень Шкайсь, конань мялецоль няфтемс Эсь покодиензонды, мезти курок эряви улемс. Христоссь кучезе ангелонц азомонза тянь Эсь покодиенцты Иоаннонди.

Апостолхнень тевсна 19:10

Тоса тя тевть Павел вятезе кафта кизот. Тяфта Асиянь марнек эряйхне, кода еврейхне, стане грекневок, кулезь Иисус Азорть колга кулять.

Апостолхнень тевсна 2:9

Ётксонк улихть парфияннет, мидияннет, еламитт, састь ломатть Месопотамияста, Иудеяста и Каппадокияста, Понтста и Асияста,

Иоаннонди панчф няйфкс 1:9

Мон, Иоанн, тинь кемай ялганте, явса мархтонт Иисус Христосонь маятаманц, оцязорксшинц и кирдемшканц. Мон улень паньф Патмос усияв сяс, мес пачфнине Шкаень валть и азондонь Иисус Христосонь колга.

Иоаннонди панчф няйфкс 1:17

Сонь няемстонза, мон прань пильгозонза, кода кулоф. Сон путозе монь лангозон види кяденц и мярьгсь тейне: «Тят пеле! Мон – Васенцесь и Мекольцесь,

Иоаннонди панчф няйфкс 8:2

Мон няень сисем ангелхт, конат ащесть Шкайть инголе. Тейст максфтольхть сисем торамат.

Иоаннонди панчф няйфкс 16:5

Тяса мон кулине ведень ангелть, кона корхтась: «Тон видексшинь Тиият, Азор, Тон Ся, кона ули и кона ульсь фалу. Тон иняруват, сяс мес тяфта судендать:

Иоаннонди панчф няйфкс 22:8

Мон, Иоанн, семботь тянь кулине и няине. Мзярда мон кулине и няине, мон прань комада ангелть – тянь няфтиенц пильгс, тейнза сюконяма.

Иоаннонди панчф няйфкс 22:16

Мон, Иисуссь, кучине тейнть Эсь ангелозень азондомонза семботь тянь кемаень пуромксова. Мон Давидонь юромонц Поладыец, сонь юрстонза Лисьфсь, шобдавань валда Тяштсь».