Иоанн 9:3 - Од Соткс Новый Завет на мордовском-мокша языке 2016

³ Иисус каршезост мярьгсь: «Пежес ашесть сувсе аф сонць, аф тядянза-алянза, но сонь сокоршинц вельде Шкайсь ёразе няфтемс Эсь виенц.

Иоанн 9:3 Referans Kwoze

Иоанн 11:4

Иисус марязень ня валхнень, мярьгсь: «Тя сярядемась аф куломанди, а Шкайть оцюшинц няфтеманди, тянь вельде шнаволь-оцюлгофтоволь Шкаень Цёрась».

Иоанн 11:40

Иисус корхтай тейнза: «Дяряй ашень мярьге Мон тейть: кда кармат кемама, няйсак Шкайть оцюшинц?»

Матфей 11:5

сокорхне няихть и шаморхне якайхть, наксафты урмаса сярядихне аруякшнихть и пяряфне кулихть, кулофнень вельмафнесазь и ашуфненди пачфневи Пара кулясь.

Апостолхнень тевсна 4:21

Озксвятиень оцюнятне нинге сядонга пяк эвфтезь апостолхнень, и сяльде нолдазь. Ломаттнень инкса синь ашесть машта наказамс синь, сяс мес сембе шназь Шкайть коське пильгть пчкафтоманц инкса.

Апостолхнень тевсна 28:4

Мзярда тостонь эряйхне няезь Павелонь кядьса нюрьги равжа пря куйть, кармасть корхтама фкя-фкянди: «Тя алясь, улема, ломанень шави! Няк, идевсь оцюведьса юмамада, но кяжень пантфты шкайавась аф ёрай кадомдонза шиса».

Иоаннонь васенце сёрмац 4:9

Шкайсь няфтезе Эсь кельгоманц тейнек тяфта: Сон кучезе масторть лангс Эсь фкя тяка Цёранц, сяс мес мялецоль Сонь вельденза максомс тейнек эряф.

Иоаннонь васенце сёрмац 4:16

Тяфта минь кармаме содама и кемама: Шкайсь минь кельгсамазь. Шкайсь – тя кельгома, и ся, кие эряй-ащи кельгомаса, эряй Шкайть эса, и Шкайсь эряй ся ломанть эса.