Иоанн 8:44 - Од Соткс Новый Завет на мордовском-мокша языке 2016

⁴⁴ Тинь алянте идемэвозсь; и тинь мяленте тиендемс алянтень лаца визькс тефт. Сон ушетксстокиге ульсь ломанень шавонды и ашезь ащев видешиса; сяс мес аш эсонза видеши. Мзярда сон кяльготни, корхтай эсенц; сяс мес сон – кяльготнись и кяльготнемать аляц.

Иоанн 8:44 Referans Kwoze

Апостолхнень тевсна 13:10

«Идемэвозть цёрац, эрь кодама видешить душманоц! Тонь потмоце пяшксе васькафнемада и кяжи тевда. Тон лоткат али аф шорямост Шкаень виде китнень?

Иоаннонь васенце сёрмац 3:12

Тяда уле Каинонь лаца, кона ульсь Кальдявть эзда, и шавозе эсь брадонц. Мезенкса шавозе? Сянкса, мес сонцень тевонза ульсть кяжихть, а брадонц тевонза – видексшинь.

Павелонь омбоце сёрмац Коринфу 11:3

Но мон пелян: кода куйсь ёжушисонза васькафтозе Евань, тяконь лаца тиньге ёненте афоль салав седиваксстонь и ару кельгомантень эзда Христосонди.

Иоаннонди панчф няйфкс 12:9

Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.

Иоанн 8:38

Мон корхтаса сянь, мезе няень Алязень ваксса; а тинь тиендьсасть сянь, мезть кулесть эсь алянтень эзда».

Иоанн 8:41

Тинь тиендьсасть эсь алянтень тевснон». Тянь каршес мярьгсть Тейнза: «Минь аф лия алянь эзда шачфтама; минь ули фкя аляньке, Шкайсь».

Иоаннонь васенце сёрмац 3:15

Кие прокс афолезе няе эсь кемай ялганц, ся ломанень шави. А тинь содасасть: фкявок ломанень шавить эса аш пефтома эряф.

Матфей 13:38

Паксясь – тя масторлангсь, цебярь видьмотне – Оцязорксшить ломаненза, а сордишетне – Кальдявть ломаненза.

Иудань сёрмац 1:6

И ангелхнень, конат ашезь ванфта тейст максф азорксшить и конат кадозь менелень эряма вастснон, Сон кирдьсыне шобдашиса пефтома пингонь цинзерса, оцю судть шинц самс, мзярда синь улихть наказафт.

Иоаннонь васенце сёрмац 2:4

Кие корхтай: «Мон содаса Шкайть», а сонць аф эряй Сонь кошардоманзон коряс, ся васькафни ломань, и сонь эсонза аш видеши.

Иоаннонди панчф няйфкс 21:8

А пелихнень, кемамать эзда потайхнень, сембе туткоткснень, ломанень шавихнень, усксевихнень, колдувайхнень, аф афкуксонь шкайхненди сюконяйхнень и сембе васькафнихнень вастсна эрьхкса, кона палы толса и палыкандорса. Тя омбоце куломась».

Пёторонь васенце сёрмац 5:8

Уледа сргозьфт и фалу анокт, сяс мес тинь душманонте, идемэвозсь, якай вакссонт, кода уркоды лев, кона вешенди кинь сивомс.

Иоаннонди панчф няйфкс 9:11

Синь лангсост оцязоркс ульсь потмаксфтома томбать ангелоц. Евреень кяльса сонь лемоц Аваддон, грекокс тя лемсь – Аполлион.

Апостолхнень тевсна 5:3

Эста Пётр мярьгсь: «Анания, мес тон нолдайть Сатанать путомс седиезт мяльхть васькафтомс Иняру Ваймопожфть и сёпомс ярмакнень пяльксснон миф паксяцень инкса?

Иоанн 6:70

Иисус каршезост корхтась: «Дяряй аф Монць кочкадязь тинь, кемгафтувотнень? И сембе сяка, фкясь ёткстонт – идемэвозь».

Иоаннонди панчф няйфкс 2:10

Тят пеле сянь эзда, мезе тейть сави кирдемс. Ламотнень эздонт идемэвозсь ёрдасыне пякстамгуду. Тя ули тейнть кемамань варжамакс. Кемонь шит кармайхть люпштама эсонт, но сяка, тяк кадонда кемамацень, кда мянь сави куломс. И эста, кода сяськити, Мон максса тейть эряфонь каштазть.

Пёторонь омбоце сёрмац 2:4

Вдь Шкайсь ашезень ужяльде пежес праф ангелхнень, но, сотомок синь цинзерса, ёрдазень адонь шобдашити, коса синь учсазь судонь шить.

Иоаннонди панчф няйфкс 13:14

Сон васькафнесыне масторлангонь эряйхнень ня дивань тефнень вельде, конатнень тейнза максозь тиендемс васенце кяжи жуватать лемста. Сон кошярясыне масторлангонь эряйхнень тиемс васенце кяжи жуватать ликонц, кона куломс керфоль торса, но эреклась.

Иоаннонди панчф няйфкс 22:15

А пинетне и колдувайхне, усксевихне и ломанень шавихне, аф афкуксонь шкайхненди сюконяйхне и сембе сят, кит кельгсазь васькафнемать и эряйхть васькафнемаса, – аф повихть ошу.

Матфей 12:34

Пупай куень лефкст! Кода тинь корхтаманте ули цебярь, мзярда тинць кяжихтяда? Вдь мезьда пяшксе ломанть седиец, ся и лиси кургстонза.

Матфей 13:15

Калготкстомсть ня ломаттнень седисна, стакаста кулихть синь пилесна и сёлговсть сельмосна вага мезенкса: афольхть няе синь сельмосна, афольхть куле синь пилесна, афоль шарьхкоде синь седисна, афольхть шарфта Тейне и афолине пчкафта синь".

Иоанн 7:17

Кие ёрай тиендемс Сонь мяленц коряс, ся кармай содамонза: Шкайть эзда тя тонафтомась, али Мон Эсьстон корхтан.

Иоанн 8:55

И тинь ашесть сода Сонь; а Мон Сонь содаса; и кда мярьган: "Аф содаса Сонь", эста аран тинь лацонт кяльготникс. Но Мон содаса Сонь и тиендян Сонь валонц коряс.

Иоаннонь васенце сёрмац 1:8

Кда корхтатама: «Минь аш пеженьке», – эста васькафнесаськ эсь пряньконь и эсонк аш видеши.

Иоаннонь васенце сёрмац 2:21

Мон сёрмадан тейнть аф сяс, мес тинь аф содасасть видешить, а сяс, мес содасасть сонь, и содасасть тяньге: видешить эзда аф шачи кодамовок васькафнема.

Апостолхнень тевсна 24:9

Еврейхне кемокстазь ня муворгофты валхнень, кле, сембось тяфталь.