Иоанн 7:39 - Од Соткс Новый Завет на мордовском-мокша языке 2016

³⁹ Тяфта Иисус мярьгсь Ваймопожфть колга, кона максови Иисусти кемайхненди. Аньцек Иняру Ваймопожфсь нинге апак макстоль, сяс мес Иисус нинге апак кепоттель Шкайть иневалдозонза.

Иоанн 7:39 Referans Kwoze

Апостолхнень тевсна 2:17

"Вов мезе ули мекольдень шитнень, – корхтай Шкайсь, – Мон валса Эсь Ваймопожфозень сембе ломаттнень лангс. И кармайхть пророчендама тинь цёранте и стиренте, од ломаненте кармайхть няема няйфкст, атянте кармайхть няема отт, конат панчсазь сай пингть.

Апостолхнень тевсна 2:33

Шкайсь кеподезе Сонь види кядь ширезонза и максозе Тейнза надияфтф Иняру Ваймопожфть, конань Сон сяльде каязе минь лангозонк. И тинь тяни няйсасть тянь и кульсасть.

Апостолхнень тевсна 2:4

Сембе синь пяшкодсть Иняру Ваймопожфта и кармасть корхтама лия кяльхнень лангса сянь, мезе Ваймопожфсь макссесь корхтамс тейст.

Иоанн 16:7

Но Мон видеть корхтаса тейнть: Монь тумазе тейнть ули цебяренди. Вдь кда аф туян, Лездысь аф сай тейнть; а кда туян, эста кучса Сонь тейнть.

Иоанн 12:16

Васенда Сонь тонафниенза тянь ашезь шарьхкоде. Аньцек мзярда Иисус вельмась и кепотьфоль Шкайть иневалдозонза, эста лятфтазь: тяфта колганза сёрматфоль, и тя тифоль Тейнза.

Павелонь сёрмац Риму 8:9

Но тинь вдь эрятада аф колаф обуцянтень коряс, а Ваймопожфть коряс, кда аньцек Шкаень Ваймопожфсь эряй эсонт. А кинь эсонза аш Христость Ваймопожфоц, ся аф Сонне.

Апостолхнень тевсна 2:38

Пётр каршезост мярьгсь: «Кадость пежентень и эздонт эрсь кстиндафтоза пря Иисус Христость лемса пежень нолдаманкса. Эста тейнть казненди максови Иняру Ваймопожф.

Иоанн 20:22

Мярьгсь тяфта, уфась ширезост и корхтай тейст: «Сявость Иняру Ваймопожфть.

Иоанн 12:23

Но Иисус мярьгсь каршезост: «Сась пингсь, мзярда Шкайсь няфтьсы Ломанень Цёрать афкуксонь оцюшинц.

Павелонь сёрмац Ефесу 4:30

И тясть пичефте Шкайть Иняру Ваймопожфонц, конаса тинь тяштькстафтада Шкаень ломанькс идемань шить самс.

Павелонь омбоце сёрмац Коринфу 3:8

Эста конашкава оцю иневалдса вандолды Ваймопожфть коряс покодемась!

Апостолхнень тевсна 4:31

Синь озондомдост меле, шерьхкозевсь кудсь, коса синь пуромфтольхть, и сембе пяшкодсть Иняру Ваймопожфса, и кармасть апак пельхть азонкшнемонза Шкаень валть.

Апостолхнень тевсна 3:13

Авраамонь, Исааконь, Иаковонь Шкайсна, минь атянь-атяньконь Шкайсна кеподезе-шназе Эсь Цёранц Иисусонь. Тинь мисть Сонь и потаде эздонза Пилатонь инголе, мзярда ся мярьгондсь нолдамс Сонь.

Иоанн 17:5

Аляй, тяни Тон няфтьк Монь иневалдозень Эсь ширесот, максомок Тейне ся иневалдть, кона ульсь Монь кядьсон, мзярда Тонь мархтотолень нинге менельть-масторть тиемда инголе».

Иоанн 14:13

И кда мезевок анатада Алязень кядьста Монь лемсон, сянь тиса, улель няфтьф Алять оцюшиц Цёрасонза.

Иоанн 7:12

И лама куля колганза якась ломаттнень ёткова; финцне корхтасть: «Сон пара»; а омбонцне: «Аф, аф, васькафни ломаттнень эса».

Иоанн 6:14

Мзярда ломаттне няезь Иисусть тя тиф тяштьксонц, мярьгсть: «Тя видекс ся пророксь, конанди сама масторть лангс».

Иоанн 1:33

Мон ашине сода Сонь; но ведьса кстиндама Кучиезе мярьгсь тейне: "Ся, кинь лангс няйсак Ваймопожфть валгоманц и лангсонза ащеманц, Ся и ули Иняру Ваймопожфса кстиндайсь".

Иоанн 1:25

Синь кизефтезь Иоаннонь: «Мес ина кстиндакшнят, кда тон аф Христоссь, аф Илиясь, аф ся пророксь?»

Иоанн 1:21

Сонь кизефтезь: «Кият ина? Тон Илиясь?» Сон мярьгсь: «Аф». «Тон ся учсеф пророксь?» Сон каршезост мярьгсь: «Аф».

Лука 24:49

Мон кучса тейнть сянь, мезе надияфнесь Алязе; но илядода Иерусалимса вярдень вийса пяшкодевомазонт».

Лука 7:16

Сембонь сявозень пелема, синь кармасть шнамонза Шкайть: «Пяк оцю пророк эвондась минь ётксонк, Шкайсь сась лездома Эсь ломаньтналонцты».

Лука 3:16

Иоанн тянь каршес корхнесь сембонди: «Мон кстиндатядязь тинь ведьса, но мельган сай мондедон Виись, и мон аф кондястян нльне сандалия шнанянцка юксомс. Сон кармай тинь кстиндамонт Иняру Ваймопожфса и толса.

Матфей 16:14

Тонафниенза мярьгсть: «Кие луфтанза Иоанн Кстиндайкс, кие – Илиякс, а кие – Иеремиякс али лия кодамовок прорококс».

Иоанн 14:26

А Лездысь, Иняру Ваймопожфсь, конань Алязе кучсы Монь лемсон, тонафттядязь тинь семботи, и лятфтасы мялезонт семботь, мезе Мон корхнень тейнть.

Матфей 21:11

Каршезост корхтасть: «Тя Иисус, Галилеянь Назаретста пророксь».

Иоанн 8:54

Иисус каршезост: «Кда Мон Монць шнаса-оцюлгофнеса Эсь прязень, эста Монь шнамазе-оцюлгофтомазе мезевок аш. Монь эсон шнай-оцюлгофты Алязе, конань колга тинь корхтатада: "Сон минь Шкаеньке".

Иоанн 16:14

Сон няфтьсы Монь иневалдозень, вдь мезе Сон азы, сянь сявсы Моннеть эзда и азондсы тейнть.

Иоанн 17:1

Ня валда меле Иисус кеподезе сельмованфонц вяри менели и мярьгсь: «Аляй! Пингсь сась, няфтьк Эсь Цёрацень иневалдонц, Цёрацевок няфтелезе Тонь иневалдцень.

Апостолхнень тевсна 19:2

Сон кизефтезень: «Тинь лангозонт валгсь Иняру Ваймопожфсь, мзярда кармаде кемама?» Сят мярьгсть каршезонза: «Минь афи кулендеме Иняру Ваймопожфть колга».