Иоанн 7:28 - Од Соткс Новый Завет на мордовском-мокша языке 2016

²⁸ Иисус Шкаень кудса тонафтомста корхтась вярьгак вайгяльхть: «Тинь содасамасть Монь, и коста сань содасасть. Мон сань аф Эсь эздон, но Монь кучемань Ся, кона виде. Аньцек тинь аф содасасть Сонь.

Иоанн 7:28 Referans Kwoze

Иоанн 8:42

Иисус мярьгсь тейст: «Улендяряль Шкайсь тинь алянте, кельголемасть Монь, сяс мес Мон сань Шкайть эзда; вдь Мон аф Эсь эздон сань, а Сон кучемань Монь.

Иоанн 8:19

Эста мярьгсть Тейнза: «Коса Аляце?» Иисус каршезост мярьгсь: «Аф Монь, аф Алязень тинь аф содасасть; содалемасть Монь, эста содалесть Монь Алязеньге».

Иоанн 8:26

Мон мулень лама мезе корхтамс колгант и мезенкса судендамс тинь; но Монь Кучиезе виде, и мезе Мон кулень ширденза, сянь и корхтаса масторлангти».

Иоанн 8:14

Иисус каршезост мярьгсь: «Катк Эсь колган Монць азонкшнян, Монь азондомазе виде; сяс мес Мон содаса, коста сань и ков молян. А тинь аф содасасть, коста сань и ков молян.

Иоанн 17:3

Вага пефтома эряфсь: содамс Тонь, фкя-тяка виде Шкайть, содамс Тонь кучфценьге Иисус Христость.

Иоанн 12:49

Вдь Мон аф Эсь эздон корхтань, а Кучиезе, Монь Алязе, Сон мярьгсь Тейне, мезе азомс и мезе корхтамс.

Иоанн 5:43

Мон сань Алязень лемса и тинь аф васьфнесамасть; а кда сай лия эсь лемсонза, сянь васьфтьсасть.

Матфей 11:27

Алязе семботь максозе Монь кядялон. Кивок аф содасы Цёрать Аляда башка, и кивок аф содасы Алять Цёрада башка и сяда башка, кинди Цёрась ёрасы панжемс Сонь».

Иоаннонь васенце сёрмац 5:10

Кие кемай Шкаень Цёрати, сянь седисонза ули ся кемокстафты валсь. Кие аф кемай Шкайти, ся тиендьсы Шкайть васькафникс, сяс мес сон аф кемай Шкайть кемокстафты валонцты, конань Шкайсь азозе Эсь Цёранц колга.

Еврейхненди сёрмась 6:18

Сяс тяни минь улихть ня кафттне, конат аф полафтыхть и конатнень эса Шкайсь коданга и мзярдонга аф васькафты: тя Шкаень варамась и надияфтомась. Синь кемокстасамазь минь, сятнень, кит музь инголе ащи надиямаса кяшема вастть.

Павелонь омбоце сёрмац Коринфу 4:6

Сонць Шкайсь, кона мярьгсь: «Катк шобдаста валдопты валдсь», – валдоптозе минь седиеньконь. Тяфта Сон макссь тейнек содамоши Эсь иневалдонц колга, кона вандолды Христость шамаса.

Павелонь омбоце сёрмац Коринфу 1:18

Шкайсь, кона фалу кирдьсы Эсь валонц, кемокстасы тянь: минь корхтамасонк тейнть ашель «тяфта» и «аф тяфта».

Павелонь сёрмац Риму 3:4

Прокс аф! Шкайсь фалу кирдьсы валонц, а эрь ломанць кяльготни, кода азф Сёрматфксса: «Тонь сембе валхне най лувовихть видекс, и сятнень лангса, кит муворгофнетядязь Тонь, сявсак вярть».

Павелонь сёрмац Риму 1:28

Сяс мес синь ашель мяльсна содамс Шкайть, Шкайсь синь максозень синцень шоряф ёньцнонды тиендемс сянь, мезе тиендемс аф мярьгондеви.

Апостолхнень тевсна 17:23

Мзярда якамста ванондыне тинь озондома вастонтень, няень алтарьге, конань лангса тяштьф: "Аф содаф Шкайти". Вчёк тя Шкайть колга, конань тинь апак содак лувсасть, монь и мялезе азондомс тейнть.

Иоанн 17:25

Видексшинь Аляй! Масторлангсь Тонь аф содатанза; а Мон содате Тонь, нятка кармасть содамонза: Тон кучемайть Монь.

Иоанн 16:3

Тяфта кармайхть тиендема, сяс мес ашезь сода аф Алязень, аф Монь.

Иоанн 14:31

но катк содасы сембе масторлангсь: Мон кельгса Алязень. Сяс тиса семботь, мезе Сон мярьгсь тиемда. Стякшнеда, тутама тяста».

Иоанн 14:10

Дяряй тон аф кемат, Мон Алязень эсан и Алязе Монь эсон? Валхнень, конатнень Мон корхтасайне тейнть, корхтасайне аф Эсь эздон – тя Алязе, кона Монь эсон, тиендьсыне тевонзон.

Иоанн 10:36

эста мес Сянди, конань Аляц иняруяфтозе и кучезе масторлангти, тинь корхтатада: "Тон сялдсак Шкайть", мзярда Мон мярьгонь тейнть: "Мон Шкаень Цёрась"?

Иоанн 8:16

А кда ни судендалень, Монь судендамазе улель виде, сяс мес Мон аф ськамонан, Монь мархтон Алязе, Монь Кучиезе.

Иоанн 5:32

Ули колган лия азонды: и Мон содаса – сон азондсы видеть.

Иоанн 3:33

Кие путсы седизонза Сонь азондоманц, ся кемокстасы: Шкайсь корхтасы видеть.

Иоанн 3:2

И вов сон сась Иисусти веть и мярьгсь: «Равви! Минь содасаськ, Тон Шкайть эзда кучф тонафтыят. Вдь тяфтама тяштькст, кодапт Тон тиендят, киндинге аф тиевихть, аф улендяряй мархтонза Шкайсь».

Иоанн 1:46

Нафанаил кизефтезе: «Дяряй Назаретста мзярдовок лисендсь кодамовок пара?» Филипп корхтай тейнза: «Сак и ванк».

Лука 10:22

Иисус шарфтсь тонафниензонды и мярьгсь: Алязе семботь максозе Монь кядялон. Кие Цёрась, аф содасы кивок Аляда башка; и кие Алясь, аф содасы кивок Цёрада башка, и сяда башка, кинди Цёрась ёрасы панжемс Сонь».

Лука 2:51

Иисус тусь синь мархтост, сась Назарету и сембоса ульсь кулхцондыкс тядянцты-алянцты. А Мария тядяц семботь тянь путозе эсь седизонза.

Лука 2:39

Азоронь койть коряс семботь тиемда меле, Иосиф и Мария мрдасть Галилеяв, Назарет ошезост.

Лука 2:11

тячи Давидонь ошса шачсь тейнть Идись, Сон Христос Азорсь.

Лука 2:4

Иосифовок тусь Галилеянь Назарет ошста Иудеяв, Давидонь шачема ошезонза, кона лемневсь Вифлеем; сяс мес Иосиф шачемас коре ульсь Давидонь юромста.

Матфей 2:23

Сон сась тоза и лоткась эряма ошс, конань лемоцоль Назарет. Тяфта тиевсь ся, мезе азфоль пророкнень вельде: Назаретонь эряйкс Сонь кармайхть лемнемонза.

Иоанн 7:14

Ётнесь ни илать пялец, мзярда Иисус сувась Шкаень куду и кармась тонафтома.

Матфей 26:55

Меле Иисус мярьгсь ломаттненди: «Тинь саде Монь сявомс торса и пяльса, кода нельги-шави ломанень мельге! Мон эрь шиня озафолень мархтонт Шкаень кудса и тонафтонь, и тинь ашемасть сявонде.

Иоанн 6:42

Синь корхтасть: «Дяряй тя аф Иисуссь, Иосифонь цёрац, конань алянц и тядянц минь содасаськ? Кода стане Сон корхтай: Мон валгонь менельста?»

Иоанн 9:29

Минь содасаськ: Моисеень мархта корхтась Шкайсь; а тя ломанть аф содасаськ, костонь Сон».