Иоанн 7:15 - Од Соткс Новый Завет на мордовском-мокша языке 2016

¹⁵ Еврейхне дивандасть и корхтасть: «Коста Сон содасыне Сёрматфкснень апак тонафнек?»

Иоанн 7:15 Referans Kwoze

Лука 4:22

Сембе ломаттне тянь кемокстазь и дивандакшнесть ся пара валхненди, конат лиссть Иисусонь кургста, и корхтасть: «Кали тя аф Иосифонь цёрац?!»

Матфей 13:54

Сась Эсь ошезонза и кармась тонафнемост ломаттнень синагогаса. Ломаттне дивандакшнесть и корхтасть: «Коста Сон сявозе тяфтама смузьшить и вийть тиендемс оцю тефнень?

Апостолхнень тевсна 26:24

Павел нинге корхтась эсь прянц араламанкса, мзярда Фест сязезе корхтаманц, ювадсь: «Тон ёньда лисеть, Павел! Вельф оцю содамошись шорязе пряцень».

Иоанн 7:46

Ваныхне мярьгсть: «Мзярдонга кивок ашезь корхта Тя Ломанть лаца».

Лука 2:47

Сембе сят, кит кулезь Сонь корхтаманц, дивандасть Сонь шарьхкодеманцты и кизефкснень каршес азфонцты.

Матфей 22:22

Тянь кулемста синь прасть дивас, кадозь Иисусонь и тусть.

Иоанн 1:19

Вов мезе азондсь Иоанн, мзярда еврейхнень оцюнясна кучезь Иерусалимста озксвятихнень и левиеннетнень сонь кизефтемонза: «Кият тон?»

Матфей 22:33

Тянь кулемста ломаттне дивандакшнесть Иисусть тонафтоманцты.

Иоанн 7:11

Илань ётафтомста еврейхнень оцюнясна вешендезь Иисусть и корхтасть: «Коса Сон?»

Иоанн 7:13

Сембе сяка колганза кивок панжада ашезь корхта, пелендсть еврейхнень оцюняснон эзда.

Апостолхнень тевсна 4:13

Мзярда оцюнятне няезь Пёторонь и Иоаннонь аф пелемашиснон, шарьхкодезь – инголест ащихть аф тонафнеф, сембе ломаттнень лаца ломатть, и пяк дивандасть. Сяка ёткть синь содазь: нят ульсть Иисусонь мархта.