Иоанн 6:51 - Од Соткс Новый Завет на мордовском-мокша языке 2016

⁵¹ Мон менельста валкф эряфонь максы кшисян: тя кшида ярхцайсь кармай эряма пефтома. Кшись, конань Мон максса, – Монь ронгозе, конань Мон максса масторлангонь эряйхнень инкса».

Иоанн 6:51 Referans Kwoze

Лука 22:19

Меле Иисус сявозе кшить, азсь сюконяма Шкайти, синдезе и максозе тейст, корхтась: «Тя Монь ронгозе, кона максови тинь инксонт. Тянь тиендесть Монь лятфнемган».

Иоанн 6:33

Вдь Шкаень кшись – Ся, кие валгонды менельста и максси масторлангти эряф».

Иоанн 3:13

Кивок ашезь куценде менели, аньцек менельста саф Ломанень Цёрась, менельса улись.

Павелонь сёрмац Титонди 2:14

Сон максозе прянц инксонк и тяфта идемазь сембе пежетнень эзда, аруяфтомазь и тиемазь минь Эстейнза ломаньтналкс, кона ваймонь путозь ёрай тиемс пара.

Матфей 20:28

Ломанень Цёраське сась аф Эсь лангозонза лиятнень покотьфтома, меколанкт Сон сась покодема лиятненди и максомс Эсь эряфонц ламотнень идемаснон инкса».

Еврейхненди сёрмась 10:20

Сон панжезе тейнек тя од кить, конац ётай котфонь перяфксть пачк, лиякс мярьгомс, Сонь ронгонц пачк, кона ульсь кантф озксказнекс.

Павелонь омбоце сёрмац Коринфу 5:21

Шкайсь путозе муворшить сембе минь пеженьконь инкса Христость лангс, конань прокс ашельхть пеженза. Тянь вельде Христосса минь араме видексшинь ломанькс Шкайть инголе.

Пёторонь васенце сёрмац 2:4

Сада Тейнза. Сон эряфонь максы кев, конань ломаттне ёрдазь, но конань Шкайсь кочказе и лувозе питникс.

Павелонь сёрмац Ефесу 5:2

Эряда кельгомаса, кода Христосовок кельгомазь минь и максозе минь инксонк Эсь прянц Шкайти озксказнекс, кантфокс танцти шине мархта.

Иоанн 3:16

Вдь Шкайсь сяшкава кельгозе масторлангть, нльне максозе фкя-тяка Цёранц, вага мезенди: афоль юма-ара Эзонза фкявок кемайсь, а сатолезе пефтома пингонь эряфть.

Иоанн 1:29

Омбоце шиня Иоанн няезе ширезонза сай Иисусть и корхтай: «Вов Шкаень Верозсь, кона сявсы Эсь лангозонза сембе масторлангонь пежеть!

Иоаннонь васенце сёрмац 4:14

Минь минць няеськ и аф сёпозь азонттама тянь колга: Шкай Аляньке кучезе Цёранц идемс масторлангть.

Иоаннонь васенце сёрмац 4:10

Афкуксонь кельгомась аф тоса, мес минь кельгсаськ Шкайть, а вов мезьса: Шкайсь Сонць кельгомазь минь и кучезе Эсь Цёранц ладямань канды озксказнекс минь пеженьконь инкса.

Иоаннонь васенце сёрмац 2:2

Сон ладямань канды озксказне, кона максфоль минь пеженьконь инкса, и аф аньцек миннетнень инкса, а стане жа сембе масторлангть пежензон инкса.

Иоанн 1:14

Валсь арась ломанькс и эрясь ётксонк пароказнеда и видешида пяшкотьфста. И минь няеськ Сонь оцюшинц, ся оцюшить, кона максф фкя-тяка Цёрати Алянц эзда.

Павелонь сёрмац Ефесу 5:25

Миртть, кельгость эсь рьвантень, кода Христосовок кельгсы кемаень пуромксть и максозе Эсь прянц сонь инксонза.

Павелонь омбоце сёрмац Коринфу 5:19

Лиякс азомс, Шкайсь Сонць Христость вельде ладязень Эсь мархтонза масторлангонь ломаттнень, аф лувомок тейст муворшикс синь коень коламаснон, и макссь тейнек тев: пачфнемс кулять тя ладямать колга.

Иоанн 7:38

Кие Тейне кемай, сянь потмоста, кода азф Сёрматфксса, шудезевихть эряфонь максы ляйхть».

Иоанн 3:14

И кода Моисей кеподезе куйть шавмодаса, тяфта ули кепотьф вяри Ломанень Цёраське, вага мезенди:

Иоанн 3:36

Кие кемай Цёрати, сянь ули пефтома эряфоц; а Цёрати аф кулхцондысь аф няйсы эряфть, но Шкайть кяжец кадови сонь лангсонза».

Иоанн 5:24

Видеста корхтан тейнть: кие кулхцондсы Монь валозень и кемай Монь Кучиезти, сянь ули пефтома эряфоц. Сон аф ули судендаф, сон ни ётась куломать эзда эряфти.

Иоанн 6:35

А Иисус тейст мярьгсь: «Мон – эряфонь максы кшисян; Тейне сашендысь аф ули вачеда, и Тейне кемайть мзярдовок аф сай симомац.

Иоанн 6:41

Еврейхне лангозонза изгордсть, сяс мес Сон мярьгсь: «Мон ся кшись, кона валгсь менельста».

Иоанн 6:47

Видеста корхтан тейнть: Тейне кемайть ули пефтома эряфоц.

Иоанн 6:48

Мон – эряфонь максы кшисян.

Иоанн 6:50

Но кшись, кона валги менельста, тяфтама: эздонза ярхцайсь аф кулы.

Иоанн 11:26

И эрь эряйсь и Тейне кемайсь мзярдонга аф кулы. Кемат тянди?»