Иоанн 5:3 - Од Соткс Новый Завет на мордовском-мокша языке 2016

³ коса матфоль пяк лама сярядида, сокорда, шаморда, параличса колафта, конат учсезь ведть комболдоманц.

Иоанн 5:3 Referans Kwoze

Лука 7:22

Иисус мярьгсь каршезост: «Арда, азондость Иоаннонди, мезе няеде и куледе: сокорхне няихть, шаморхне якайхть, наксафты урмаса сярядихне аруякшнихть, пяряфне кулихть, кулофнень вельмафнесазь, и ашуфненди пачфневи Пара кулясь.

Матфей 15:30

Перьфканза пуромсь лама ломань, вятсть мархтост шаморхт, сокорхт, аф корхтайхть, синнеф-тапаф кядь и пильге мархтот, и эрь кодама урмаса лама лия сярядихть, путнезь синь Иисусть пильгс; и Сон пчкафнезень синь.

Иаковонь сёрмац 5:7

Кемай ялгат, уледа куватьс кирдикс Азорть сама шинцты. Ванода, конашка оцю кирдемшкац сокайть-видить, кона ученды модать эзда козя раштафкс, и мзярс аф туй тундань али сёксень пизем.

Павелонь сёрмац Риму 8:25

Но кда минь надиятама сянь лангс, мезе нинге аф няйхтяма, эста учсаськ тянь кирдемшка мархта.

Матфей 4:24

Иисусонь колга кулясь срадсь марнек Сириять келес; и вятнезь Тейнза сембе сярядихнень и эрь кодама урмаса маятайхнень, кяжи ваймопожфса колафнень, эсь урмаса сярядихнень, параличса колафнень, и Сон пчкафнезень синь.

Иоанн 5:2

Иерусалимса Учань ортатнень маласа ули эшеляма васта, кона евреень кяльса лемневи Вифезда. Тоса ульсть вельхкс мархта вете ётама вастт,

Иоанн 5:4

Шкаень ангелсь пингонь-пингонь сувсесь эшеляма вастти и шорсезе ведть; и кие васенцекс сувсесь ведти шорямдонза меле, ся пчксесь, кодама урмаса афоль сяряде.