Иоанн 2:11 - Од Соткс Новый Завет на мордовском-мокша языке 2016

¹¹ Тяфта Иисус Галилеянь Кана ошса тиезе васень тяштьксонц и тянь вельде няфтезе Эсь оцюшинц, и тонафниенза кармасть кемама Тейнза.

Иоанн 2:11 Referans Kwoze

Иоанн 1:14

Валсь арась ломанькс и эрясь ётксонк пароказнеда и видешида пяшкотьфста. И минь няеськ Сонь оцюшинц, ся оцюшить, кона максф фкя-тяка Цёрати Алянц эзда.

Иоанн 3:2

И вов сон сась Иисусти веть и мярьгсь: «Равви! Минь содасаськ, Тон Шкайть эзда кучф тонафтыят. Вдь тяфтама тяштькст, кодапт Тон тиендят, киндинге аф тиевихть, аф улендяряй мархтонза Шкайсь».

Иоанн 6:2

Мельганза мольсь пяк лама ломань, сяс мес синь няезь дивань тефнень, конатнень Сон тиендезень сярядихнень пчкафнемста.

Иоанн 6:30

Сят каршезонза: «А кодама тяштькс няфтят, конань няемста минь кемалеме Тейть? Мезе Тон тиендят?

Иоанн 6:26

Иисус каршезост мярьгсь: «Видеста корхтан тейнть: тинь Монь вешендьсамасть аф сяс, мес няендесть тяштьксонень, а сяс, мес ярхцаде кшида и топодеде.

Иоанн 6:14

Мзярда ломаттне няезь Иисусть тя тиф тяштьксонц, мярьгсть: «Тя видекс ся пророксь, конанди сама масторть лангс».

Павелонь омбоце сёрмац Коринфу 4:17

Вдь ня тёждя и аф кувака маятаманьке каннихть тейнек оцюдонга оцю и пефтома иневалда, конань аш кода ладямска ня маятаматнень ваксс.

Иоанн 14:13

И кда мезевок анатада Алязень кядьста Монь лемсон, сянь тиса, улель няфтьф Алять оцюшиц Цёрасонза.

Иоанн 12:41

Исаия тянь азозе, сяс мес няезе Христость оцюшинц и корхтась Сонь колганза.

Иоанн 12:37

Тняра тяштькс Сон тись инголест; и синь сембе сяка ашесть кема Тейнза.

Иоанн 2:23

Мзярда Иисус Очижинь ёткова ульсь Иерусалимса, ламотне кемасть Тейнза тиф тяштьксонзон няемста.

Иоанн 1:50

Иисус мярьгсь каршезонза: «Тон кемат сяс, мес азыне тейть: "Мон няихтень смоква шуфтть ала"; тон кармат няема сяда оцю тефт».

Иоаннонь васенце сёрмац 5:13

Мон сёрмадыне семботь тянь тейнть, Шкаень Цёрати кемайхненди, содалесть: Шкаень Цёрати кемазь, тинь ули пефтома эряфонте.

Иоанн 4:46

Вов Иисус тага сась Галилеянь Канав, коса тиезе ведть винакс. Капернаум ошса ульсь фкя аля, кона оцязорть ширеса ульсь оцюнякс, и сонь сярядсь цёрац.

Иоанн 5:23

сембе ванондолезь Цёрать мяленц, кода ванондсазь Алятьке мяленц. Кие аф ванцы Цёрать мяленц, ся аф ванцы Алятьке мяленц, кона Сонь кучезе.

Павелонь омбоце сёрмац Коринфу 4:6

Сонць Шкайсь, кона мярьгсь: «Катк шобдаста валдопты валдсь», – валдоптозе минь седиеньконь. Тяфта Сон макссь тейнек содамоши Эсь иневалдонц колга, кона вандолды Христость шамаса.

Павелонь омбоце сёрмац Коринфу 3:18

И сембе минь, конат аф вельхтяф шамаса ваныхть Азорть иневалдонц вандолдоманц лангс, кода ванома пачк, полафттама, арамок Сонь лацонза. Тянь вельде Сонь иневалдоц сядонга касы минь эсонк. Тянь тиендьсы Азорсь, кона Ваймопожф.

Иоанн 11:15

Но Мон кеняртькшнян инксонт, мес Мон ашелень тоса: тяфта тинь карматада кемама Тейне. Аряда ина тейнза».

Иоанн 1:17

Вдь койсь максф Моисеень вельде, а пароказнесь и видешись састь Иисус Христость вельде.

Иоанн 1:43

Омбоце шиня Иисус срхкась Галилеяв. Сон музе Филиппонь и корхтай тейнза: «Мольхть мельган».

Иоанн 2:1

Сяда меле колмоце шиня Галилеянь Кана ошса ётафтовсь рьвяямань ила, и Иисусонь тядяц ульсь тоса.

Иоанн 4:3

Мзярда Иисус содазе, мезе кульсть колганза фарисейхне, Сон кадозе Иудеять и тусь меки Галилеяв.

Иоанн 4:54

Тя омбоце тяштьксть Иисус тиезе Иудеяста Галилеяв мрдамдонза меле.

Иоанн 7:31

Ломаттнень ёткста ламотне кемасть Тейнза и корхтасть: «Мзярда сай Христоссь, дяряй тии тянь коряс сяда лама тяштькс?»

Иоанн 9:16

Эста кона-кона фарисейхне корхтасть: «Тянь тииец аф Шкайть эзда, сяс мес аф ванфтсы ваймамань шить». Лиятне корхтасть: «Кода пежес суваф ломанць машты тяфтама тяштьксонь тиема?» И срхкась ётксост пялькстома.

Иоанн 10:41

Лама ломаньда сась Тейнза, и корхтасть: «Иоанн ашезь тие кодамовок тяштькс; но сембось, мезе сон азондсь Тя Ломанть колга, ульсь виде».

Иоанн 11:47

Эста озксвятиень оцюнятне и фарисейхне кочкасть пуромкс и азозь: «Мезе тейнек тиемс? Тя Ломанць тиенди лама тяштькс.

Иоанн 12:18

Вага мес ломаттне лиссть Иисусонь васьфтема: синь кулезь, тя тяштьксть тиезе Сон.

Иоанн 16:27

Сонць Алязе кельктядязь тинь, сяс мес тинь кельгомасть Монь и кармаде кемама: Мон сань Шкайть ширеста.

Иоанн 16:30

Тяни шарьхкодьсаськ: Тон семботь содасак, кизефнемдотка инголе ни содасак. Сяс кематама: Тон Шкайть ширде сать».