Иоанн 19:17 - Од Соткс Новый Завет на мордовском-мокша языке 2016

¹⁷ Эсь крёзонц кандомста Иисус лиссь ся вастти, конань лемоц Пряпакарь, еврейкс Голгофа.

Иоанн 19:17 Referans Kwoze

Лука 23:33

Мзярда састь вастти, кона лемневи Пряпакарь, тоса ушматтне эськодезь крёз лангс Иисусонь и зиянонь тиихнень, фкять види, омбоцеть кержи ширезонза.

Лука 14:27

кие аф кандсы эсь крёзонц и аф моли Монь мельган, ся аф улеви Тейне тонафникс.

Лука 23:26

Мзярда Иисусонь вятезь эськодемс, мельганза крёзть кандома кошардозь Киринеяста Симононь, кона ся пингть мрдаль паксяста.

Апостолхнень тевсна 7:58

лихтезь сонь ошста и кармасть ёряма лангозонза кевса. Пикссиенза кадозь щамснон ваномс Савл лемса цёрати.

Марк 15:32

Катк тяни валги Израилень Оцязорсь, Христоссь, крёзть лангста. Кда минь тянь няйсаськ, эста карматама кемама Тейнза». Сятка, конат эськотьфтольхть вакссонза, пеедсть лангсонза.

Лука 23:38

Иисусонь вельхксса сёрматфоль греконь, римонь и евреень кяльса: «Тя Еврейхнень Оцязорсна».

Лука 9:23

Иисус мярьгсь сембонди: «Кинь мялец молемс Монь мельган, ся катк макссы эсь прянц Тейне, сявсы крёзонц и моли мельган.

Марк 15:26

И прянц вельхксс сёрматфоль, мезьса Сон муворгофтф: «Еврейхнень Оцязорсна».

Марк 10:21

Иисус кельгозь варжакстсь лангозонза и мярьгсь: «Фкя тейть аф сатни: архт, мик марнек уликс-пароцень, и явк ярмакть ашуфненди, эста кармай улема козяшице менельса; сяльде сак, мольхть мельган».

Марк 8:34

Тяда меле тердезень ваксозонза ломаттнень и тонафниензон, мярьгсь тейст: «Кинь мялец молемс Монь мельган, ся катк макссы эсь прянц Тейне, сявсы крёзонц и моли мельган.

Матфей 27:37

Прянц вельхксс повфтасть сёрматфкс, коса азфоль мезьса Сон мувору: «Тя Иисус, Еврейхнень Оцязорсна».

Матфей 16:24

Эста Иисус мярьгсь тонафниензонды: «Кинь мялец молемс Монь мельган, ся катк макссы эсь прянц Тейне, сявсы крёзонц и моли Монь мельган.

Матфей 10:38

И кие аф сявсы эсь крёзонц и Монь мельган аф моли, ся аф кондясти Тейне.

Иоанн 5:2

Иерусалимса Учань ортатнень маласа ули эшеляма васта, кона евреень кяльса лемневи Вифезда. Тоса ульсть вельхкс мархта вете ётама вастт,

Иоанн 19:13

Тянь марямста Пилат лихтезе Иисусть и озась судендама вастти, конань лемоц Кевса-ацаф, еврейкс Гаввафа.