Иоанн 16:13 - Од Соткс Новый Завет на мордовском-мокша языке 2016

¹³ А мзярда сай видешити вяти Ваймопожфсь, эста Сон вяттядязь видешить педа-пес шарьхкодеманцты: вдь Сон аф Эсь эздонза кармай корхтама, а корхтасы сянь, мезе маряй, сай пингтьке азсы тейнть.

Иоанн 16:13 Referans Kwoze

Иоанн 14:26

А Лездысь, Иняру Ваймопожфсь, конань Алязе кучсы Монь лемсон, тонафттядязь тинь семботи, и лятфтасы мялезонт семботь, мезе Мон корхнень тейнть.

Иоанн 14:17

Тя Лездысь – видешити вяти Ваймопожф, конань масторлангонь ломаттне аф маштыхть нолдамс эсь седиезост, сяс мес аф няйсазь Сонь и аф содасазь Сонь. А тинь Сонь содасасть, вдь Сон мархтонт и эсонт.

Иоанн 15:26

Тейнть сай Лезды, Мон кучса Сонь Алязень эзда. Тя Лездысь – видешити вяти Ваймопожф, кона лиси Алязень эзда. Сон кармай азондома колган.

Иоаннонь васенце сёрмац 2:27

Но тинь эсонт эряй Ваймопожфонь вадемась, конань тейнть максозе Шкайсь, и сяс тейнть аф эряви лия тонафты. Тя вадемась сонць тонафттядязь тинь семботи; сон афкуксонь и эсонза аш васькафнема. Сяс тиендеда стане, кода Сон тонафтодязь: фалу эряда Христость эса.

Иоаннонь васенце сёрмац 2:20

А тейнть максовсь Иняруть эзда Ваймопожфонь вадема, и сембонь тинь улихть содамошинте.

Иоанн 12:49

Вдь Мон аф Эсь эздон корхтань, а Кучиезе, Монь Алязе, Сон мярьгсь Тейне, мезе азомс и мезе корхтамс.

Иоаннонь васенце сёрмац 4:6

Но минь Шкайть эзда, и ся, кие содасы Шкайть, кулхцондсамазь минь, а кие аф Шкайть эзда, ся аф кулхцондсамазь. Вов тяфта минь содасаськ видешинь Ваймопожфть и васькафнемань-эрьготьфтемань ваймопожфть.

Иоанн 14:6

Иисус мярьгсь тейнза: «Мон – кись, видешись и эряфсь; кивок аф сави Алязень пяли, аньцек кда Монь вельден сай.

Иоаннонди панчф няйфкс 1:19

Сёрматк ина, мезе няеть; и сянь, мезе тиендеви тяни, и сянь, мезти тиевома курок.

Иоанн 8:38

Мон корхтаса сянь, мезе няень Алязень ваксса; а тинь тиендьсасть сянь, мезть кулесть эсь алянтень эзда».

Павелонь омбоце сёрмац Фессалоникав 2:3

Кивок коданга тязадязь васькафне! Ся шись аф сай, мзярс аф кеподи оцюдонга оцю комболдомась Шкайть каршес, и аф эвондай койфтомошинь ломанць, кона максови юмамать-арамать кядьс.

Иоаннонди панчф няйфкс 1:1

Тя книгаса азондови ся няйфкснень колга, конатнень панжезень Иисус Христоссь. Тейнза ня няйфкснень максозень Шкайсь, конань мялецоль няфтемс Эсь покодиензонды, мезти курок эряви улемс. Христоссь кучезе ангелонц азомонза тянь Эсь покодиенцты Иоаннонди.

Павелонь омбоце сёрмац Фессалоникав 2:12

Тяфта улихть судендафт сембе сят, кит ашесть кема видешити и кинди кельговсь кяжсь.

Апостолхнень тевсна 27:24

и мярьгсь: "Тят пеле, Павел. Тейть сави стямс кесарть инголе, и вага, Шкайсь тонь инксот кази эряф мархтот сембе уихненди".

Апостолхнень тевсна 20:23

Содаса фкять: кодама ошс афолень са, Иняру Ваймопожфсь корхтай тейне: монь учсамазь пякстамгудсь и ризфне-маятаматне.

Иоанн 3:32

Мезе Сон няйсь и марясь, сянь колга и азонды; и кивок ашезе пута седизонза Сонь азондоманц.

Апостолхнень тевсна 11:28

Ёткстост фкясь, лемоцоль Агав, стясь и Ваймопожфть вятеманц коряс ингольпяли азозе: марнек модать лангса кармай улема оцю вачаши, и тяфтама вачашись сась Клавдий кесарть пингста.

Иоанн 16:12

Монь нинге лама мезезе ули азомс тейнть; но тяни тейнть ся аф шарьхкодеви.

Еврейхненди сёрмась 1:1

Ётай пинкнень Шкайсь ламоксть и эрь кода корхнесь минь аляньконди пророкнень вельде, пяльксонь-пялькс няфнемок тейнек Эсь прянц.

Иоаннонь васенце сёрмац 5:6

Вага Ся – Иисус Христоссь, кона сась тейнек ведь и вер вельде и Ваймопожфса. Сон сась аф аньцек ведь вельде, Сон сась ведь и вер вельде. И тянь кемокстасы Ваймопожфсь, вдь Ваймопожфсь – тя видеши.