Иоанн 15:10 - Од Соткс Новый Завет на мордовском-мокша языке 2016

¹⁰ Ванфтондярясасть кошардомвалнень, карматада эряма Монь кельгомасон, кода Монга ванфтыне Алязень кошардомвалонзон и эрян Сонь кельгомасонза.

Иоанн 15:10 Referans Kwoze

Иоанн 14:15

«Кда кельгсамасть Монь, тиендеда Монь кошардомвалнень коряс.

Иоаннонь васенце сёрмац 5:3

Минь кельгоманьке Шкайти няфтеви Сонь кошардоманзон пяшкодемаса. А Сонь кошардоманзон аф стакат пяшкодемс.

Иоаннонь васенце сёрмац 2:5

А кие эряй Шкайть валонц коряс, ся, афкукс, пяшкодевсь Шкаень кельгомаса. Тяста тейнек содави: минь Шкайть эсотама.

Пёторонь омбоце сёрмац 2:21

Тейст улель сяда цебярь афи содамс видешинь кить. Но кальдяв, мзярда содамок сонь, шарфтыхть меки иняру кошардомвалть эзда, кона максфоль тейст.

Иоанн 8:29

Монь Кучиезе мархтон. Сон ашемань када ськамон, сяс мес Мон фалу тиендьса сянь, мезсь туй Сонь мялезонза».

Иоанн 4:34

Иисус мярьгсь тейст: «Монь ярхцамбялезе – ваномс Кучиезень мяленц и педа-пес тиемс Тейне максф тевонц.

Павелонь васенце сёрмац Фессалоникав 4:1

И нинге, кемай ялгат, тинь тонадоде минь эздонк, кода эрямс и улемс Шкаень мялень ваныкс, и тинь тяфта эрятада. Христос Иисусонь лемса эняльттяма тейнть и терттяма эсонт: касода тянь эса сяда товга.

Иоанн 17:4

Мон пяшкодине ся тевть, конань Тон Тейне максыть тиемс, тянь вельде няфтине Тонь иневалдцень модать лангса.

Иоанн 14:31

но катк содасы сембе масторлангсь: Мон кельгса Алязень. Сяс тиса семботь, мезе Сон мярьгсь тиемда. Стякшнеда, тутама тяста».

Иоанн 12:49

Вдь Мон аф Эсь эздон корхтань, а Кучиезе, Монь Алязе, Сон мярьгсь Тейне, мезе азомс и мезе корхтамс.

Иоаннонди панчф няйфкс 22:14

Павазуфт сят, кит ванфтсазь Сонь кошардомвалонзон: тейст мярьгови ярхцамс эряфонь шуфтть имождонза и сувамс ошти ортава.

Иоанн 14:21

Кошардомвалнень мяльс сявисна и синь пяшкотькшнисна – ся Монь кельгиезе. А кие кельгсамань Монь, сянь кельгсы Монь Алязе; Монга сянь карман кельгомонза, и эвондан тейнза».

Павелонь васенце сёрмац Коринфу 7:19

Керомась тя мезевок аш, аф керомаське мезевок аш. Но инь эрявикссь – тя Шкаень кошардомвалхнень ванфтомасна.

Еврейхненди сёрмась 7:26

Самай тяфтама Озксвятиень оцюня тейнек и эрявсь: иняру, аф мувору и ару. Сонь явфтозь пежуфнень эзда и кеподезь менельда вяри.

Иоанн 8:55

И тинь ашесть сода Сонь; а Мон Сонь содаса; и кда мярьган: "Аф содаса Сонь", эста аран тинь лацонт кяльготникс. Но Мон содаса Сонь и тиендян Сонь валонц коряс.

Иоанн 10:18

Эряфозе киндинге аф нельгови кядьстон; но Мон Монць макссеса сонь. Ули азорксшизе максомс сонь, и ули азорксшизе меки сявомс сонь. Тя кошардомать Тейне максозе Алязе».

Иоанн 14:23

Иисус каршезонза мярьгсь: «Кие Монь кельгсамань, ся тиенди Монь валнень коряс; Алязе кармай кельгомонза сонь, и Минь сатама тейнза и ульхтяма мархтонза.

Иоаннонь васенце сёрмац 2:3

Кда минь эрятама Шкайть кошардоманзон коряс, эста минь кемокстасаськ эсь пряньконь: минь афкукс содасаськ Сонь.

Иоаннонь васенце сёрмац 2:6

Кие корхтай: «Мон эрян Шкайть эса», – ся катк эряй-якай стане, кода эрясь-якась Христоссь.