Иоанн 15:1 - Од Соткс Новый Завет на мордовском-мокша языке 2016

¹ «Мон афкуксонь виноградонь кусторксан, а Монь Алязе – виноградонь перень касфты.

Иоанн 15:1 Referans Kwoze

Павелонь васенце сёрмац Коринфу 3:9

Вдь минь покоттяма Шкайть мархта марса, а тинь Шкайть паксяц и кудсь, конань путсы-стяфтсы Шкайсь.

Иоанн 6:55

Вдь Монь ронгозе – афкуксонь ярхцамбяль, и Монь верозе – афкуксонь симомбяль.

Иоаннонь васенце сёрмац 2:8

Аньцек ся, мезень колга мон сёрмадан, сяка пингть и од кошардома. Сонь афкуксшиц няеви Христость эса и тиньге эсонт, сяс мес шобдашись потай, и афкуксонь валдсь валдопты ни.

Марк 12:1

Иисус кармась корхтама тейст валвеляфксса: «Фкя ломанць озафтсь виноградонь пере и перязе сонь. Виноградонь люпшнемс кевти карась лотка и путсь ванфтома башня, и ладясь переть мельге ваныхть-касфтыхть. Сонць азорсь тусь лия мастору.

Матфей 21:33

«Кулхцондода лия валвеляфкс, – поладозе Иисус. – Фкя кудазорсь озафтсь виноградонь пере, перязе сонь, шувсь тоза виноградонь люпштамс лотка и тись ванфтома башня. Сяльде максозе переть мзярошка пингс виноградонь касфтыхненди, а сонць тусь лия мастору.

Иоанн 6:32

Иисус мярьгсь тейст: «Видеста корхтан тейнть: аф Моисей макссь тейнть кши менельста, а Монь Алязе максси тейнть афкуксонь кши менельста.

Лука 13:6

Иисус азондсь тейст валвеляфкс: «Фкя ломанть пересонза кассь смоква шуфта. Сон сась лангстонза иможень кочкама, но имошт ашезь му.

Матфей 20:1

«Менелень Оцязорксшись кудазор лаца, кона лиссь валдашкодомшовор виноградонь перезонза покаень сиводема.

Иоанн 1:9

Ульсь афкуксонь Валда, кона сась масторлангти и валдоптозе эрь ломанть.

Иоанн 1:17

Вдь койсь максф Моисеень вельде, а пароказнесь и видешись састь Иисус Христость вельде.

Матфей 15:13

Сон мярьгсь каршезост: «Эрь касыкссь, конань озафтозе аф Монь Менелень Алязе, ули таргаф юрнек.

Иоанн 15:2

Сон керсы эрь тараткязень, кона аф канды имошт; а эрь иможень канды тарадста керсы аф эрявиксть, тяфта ароптозь лезды тейнза сяда пяк иможиямс.

Павелонь сёрмац Риму 11:17

Но кда вайшуфтонь кона-кона тараттне ульсть синнефт, и тон, вирень вайшуфтонь тарадсь, улеть петфтаф синь вастозост, и тяфта тон лядыкс тараттнень мархта кармать симома иможберень вайшуфтть юрста,