Иоанн 14:24 - Од Соткс Новый Завет на мордовском-мокша языке 2016

²⁴ Монь аф кельгиезе аф тиенди Монь валнень коряс. А валсь, конань кульсасть, аф Монне, но Алязень, кона кучемань Монь.

Иоанн 14:24 Referans Kwoze

Иоанн 7:16

Иисус каршезост мярьгсь: «Монь тонафтомазе – аф Монцень, а Монь Кучиезень.

Иоанн 14:10

Дяряй тон аф кемат, Мон Алязень эсан и Алязе Монь эсон? Валхнень, конатнень Мон корхтасайне тейнть, корхтасайне аф Эсь эздон – тя Алязе, кона Монь эсон, тиендьсыне тевонзон.

Иоанн 8:42

Иисус мярьгсь тейст: «Улендяряль Шкайсь тинь алянте, кельголемасть Монь, сяс мес Мон сань Шкайть эзда; вдь Мон аф Эсь эздон сань, а Сон кучемань Монь.

Иоанн 5:19

Тянь каршес Иисус мярьгсь: «Видеста корхтан тейнть: Цёрати мезевок аф тиеви Эсьстонза, кда аф няйсы, мезе тии Аляц. Вдь мезе тии Алясь, сянь тисы Цёрацка.

Иоанн 3:34

Ся, конань кучезе Шкайсь, азонды Шкаень валхт; вдь Шкайсь макссесы Ваймопожфть апак ункснек.

Иоанн 14:15

«Кда кельгсамасть Монь, тиендеда Монь кошардомвалнень коряс.

Иоанн 5:38

И аф кирдьсасть седисонт Сонь валонц, сяс мес тинь аф кематада Кучфонцты.

Иоанн 8:38

Мон корхтаса сянь, мезе няень Алязень ваксса; а тинь тиендьсасть сянь, мезть кулесть эсь алянтень эзда».

Иоанн 8:26

Мон мулень лама мезе корхтамс колгант и мезенкса судендамс тинь; но Монь Кучиезе виде, и мезе Мон кулень ширденза, сянь и корхтаса масторлангти».

Иоанн 8:28

Сяс Иисус мярьгсь тейст: «Мзярда кеподьсасть Ломанень Цёрать, эста карматада содамонза: тя Монан и мезевок аф тиендян Эсь эздон. Но кода тонафтомань Алязе, стане и корхтан.

Иоанн 7:28

Иисус Шкаень кудса тонафтомста корхтась вярьгак вайгяльхть: «Тинь содасамасть Монь, и коста сань содасасть. Мон сань аф Эсь эздон, но Монь кучемань Ся, кона виде. Аньцек тинь аф содасасть Сонь.

Матфей 19:21

Иисус мярьгсь тейнза: «Кда мяльце улемс сембе ширде цебярькс, эста архт, мик сембе уликс-пароцень и ярмакть явк ашуфненди. Эста козяшице кармай улема менельса. Сяльде сак и мольхть Монь мельган».

Иоанн 3:11

Видеста корхтан тейть: минь корхтасаськ сянь, мезть содасаськ, и азондсаськ сянь, мезть няеськ; а тинь минь валоньконь аф путсасть седизонт.

Иоанн 14:25

Тянь Мон корхтаса нинге мархтонт улемстон.