Иоанн 14:13 - Од Соткс Новый Завет на мордовском-мокша языке 2016

¹³ И кда мезевок анатада Алязень кядьста Монь лемсон, сянь тиса, улель няфтьф Алять оцюшиц Цёрасонза.

Иоанн 14:13 Referans Kwoze

Иоанн 15:7

Кда тинь ульхтяда эсон и Монь валневок улихть тинь эсонт, эста Алязень кядьста анада, мезе мяленте, и максови тейнть.

Марк 11:24

Сяс корхтан тейнть: семботь, мезть тинь анасасть озондомасонт, – кемада: сянь ни тинь сявость, и сявсасть!

Матфей 21:22

Сембось, мезень колга эняльттяда озондомста, максови тейнть, кда тинь кематада».

Матфей 7:7

«Анада, и тейнть максови; вешендеда, и мутада; чакада, и тейнть панжеви.

Иоаннонь васенце сёрмац 5:14

Минь аф пелезь малаткшнетяма Шкайти и кемоста содасаськ: кда минь анатама Шкайть кядьста сянь, мезе Сонь мяленц коряс – Сон марясамазь минь и макссы тейнек анафть.

Иоанн 16:23

И ся шиня тинь аф кизефтьсамасть мезень колгавок. Видеста корхтан тейнть: мезе аф анатада Алязень кядьста Монь лемсон, макссы тейнть.

Иоаннонь васенце сёрмац 3:22

и мезе ба афолеме веше Сонь кядьстонза, Сон макссы тейнек. Вдь минь эрятама Сонь кошардоманзон коряс и тиенттяма сянь, мезе тушенды Сонь мялезонза.

Иоанн 15:16

Аф тинь Монь кочкамасть, а Мон тинь кочкадязь и путодязь тяфтама тевонь тиема: молемс и кандомс имошт, конат мзярдонга аф юмайхть. И эста Алязе макссы тейнть семботь, мезе анатада Монь лемсон.

Иоанн 14:14

Кда мезевок анатада Монь лемсон, сянь Мон тиса».

Иаковонь сёрмац 5:16

Сяс виденцяда фкя-фкянди эсь пежентень колга и озондода фкя-фкянь инкса: эста пчкатада. Видексшиса эряй ломанть озондомац пяк лама тии.

Павелонь сёрмац Филиппав 4:13

Семботь маштса Сянь вельде, кие максы тейне вий.

Иаковонь сёрмац 1:5

А кда киндиге тинь эздонт аф сатни смузьши, ся катк веши Шкайть кядьста, и тейнза максови. Вдь Шкайсь сембонди максси пара мяльса и аф апряказь.

Павелонь сёрмац Ефесу 3:12

Сонь Эсонза улемать вельде и Тейнза кемамать вельде минь аф пелезь и кемазь машттама пшкядемс Шкайти.

Иоанн 16:26

Ся шиня тинь карматада анама Сонь кядьстонза Монь лемсон, и эста Мон ни аф мярьган тейнть: Мон анан Алязень кядьста тинь инксонт;

Иоанн 10:30

Мон и Алязе – тя фкя сякось».

Павелонь сёрмац Ефесу 2:18

Сяс мес Сонь вельденза тейнек – еврейхненди и лия ломаньтналхненди – панжевсь кись Аляти, фкя Ваймопожфть вельде.

Павелонь сёрмац Колоссав 3:17

И семботь, мезе тиенттяда валса али тевса, семботь тиендесть Иисус Христос Азорть лемса, сюконязь Сонь вельденза Шкай Аляти.

Иоанн 7:37

Илань ётафтомань мекольдень и сембода оцю шиня Иисус стясь и вярьгак вайгяльхть корхтась: «Кинь сась симомац, катк сай ширезон и сими.

Еврейхненди сёрмась 7:25

Сяс Сонь ули виец фалу идемс сятнень, кит вельденза сашендыхть Шкайти. Вдь Иисус эряй пефтома пингс и озонды синь инксост.

Иоанн 14:6

Иисус мярьгсь тейнза: «Мон – кись, видешись и эряфсь; кивок аф сави Алязень пяли, аньцек кда Монь вельден сай.

Иоанн 12:44

Иисус кайгиста азозе: «Тейне кемайсь кемай аф аньцек Тейне, но Монь Кучиезтивок.

Лука 11:9

Сяс корхтан тейнть: анада, и максови тейнть; вешеда, и мутада; чакада, и панжеви тейнть.

Пёторонь васенце сёрмац 2:5

Тиньге, кода эряй кефне, тиевода ваймопожфонь кудкс. Эста тинь ульхтяда иняру озксвятиень оцюнякс и карматада каннема Шкайти ваймопожфонь озксказнет, конат тушендыхть Сонь мялезонза Иисус Христосонь инкса.

Иоанн 5:19

Тянь каршес Иисус мярьгсь: «Видеста корхтан тейнть: Цёрати мезевок аф тиеви Эсьстонза, кда аф няйсы, мезе тии Аляц. Вдь мезе тии Алясь, сянь тисы Цёрацка.

Еврейхненди сёрмась 13:15

Сяс, карматама Иисусонь вельде апак лотксек каннема шнамань озксказне Шкайти, лиякс мярьгомс, эсь валоньконь, конат шнасазь Сонь лемонц.

Еврейхненди сёрмась 4:15

Вдь минь Озксвятиень оцюняньке аф стама, конанди афоль шарьхкодев минь лафчашиньке, меколанкт, Сон минь лацонк ульсь варжаф сембоса, аньцек Сон ашезь тие кодамовок пеже.

Павелонь сёрмац Ефесу 3:14

Вов сяс мон комафнесайне плманжанень Иисус Христос Азороньконь Алянц инголе,

Иоанн 4:14

а кие сими ведьта, конань Мон максса, сянь симомац мзярдовок аф сай. И ведсь, конань Мон максса тейнза, потмосонза тиеви лихтибрякс, конань ведец максы пефтома эряф».

Иоанн 4:10

Иисус каршезонза мярьгсь: «Содандярялить Шкайть казненц и Кие корхтай тейть: "Макст Тейне симомс", эста тон тонць аналеть кядьстонза, и Сон максоль тейть эряфонь максы ведь».

Иоанн 16:7

Но Мон видеть корхтаса тейнть: Монь тумазе тейнть ули цебяренди. Вдь кда аф туян, Лездысь аф сай тейнть; а кда туян, эста кучса Сонь тейнть.

Иоанн 13:31

Иудань лисемда меле Иисус мярьгсь: «Тячи няфтеви Ломанень Цёрать оцюшиц, Шкайтьке оцюшиц няфтеви Сонь эсонза.

Павелонь васенце сёрмац Коринфу 14:13

Сяс, лия кяльхнень лангса корхтайсь катк озонды: максовоза тейнза казне панчсемс азф валонзон смузьснон.