Иоанн 12:42 - Од Соткс Новый Завет на мордовском-мокша языке 2016

⁴² Оцюнятнень эздовок ламотне кармасть кемама Иисусти; аньцек фарисейхнень инголе ашесть виденця, сяс мес пельсть синагогаста панемада.

Иоанн 12:42 Referans Kwoze

Иоанн 9:22

Тядянза-алянза мярьгсть тяфта, сяс мес пельсть еврейхнень оцюняснон эзда. Вдь сят ни корхнесть эсь ётковаст: «Кие лувсы Иисусть Христоскс, сянь панемс синагогаста».

Иоанн 7:13

Сембе сяка колганза кивок панжада ашезь корхта, пелендсть еврейхнень оцюняснон эзда.

Матфей 10:32

«Эрть, кие ломаттнень инголе лувсы и лемдьсы эсь прянц Моннекс, сянь Монга Менелень Алязень инголе лувса и лемдьса Монценнекс.

Иоаннонь васенце сёрмац 4:15

Кие кемай Иисусонди и аф сёпозь азсы: «Иисус – Шкайть Цёрац», – сянь эса эряй Шкайсь и сонць тя ломанць эряй Шкайть эса.

Иоаннонь васенце сёрмац 4:2

Шкаень Ваймопожфть содасть тяфта: эрь ваймопожфсь, кона сембонь инголе аф сёпозь азсы: «Иисус Христоссь сась ломанень ронгса», – тя Ваймопожфсь Шкайть эзда.

Павелонь сёрмац Риму 10:10

Сяс мес седиса кемамась вяти видексшити, а сембонь инголе кургса тянь азондомац – идемати.

Апостолхнень тевсна 5:41

Апостолхне тусть Оцю пуромксста кеняртькшнезь, сяс мес тейст максовсь тя наругамась Иисус Азорть лемонц инкса.

Иоанн 19:38

Тяда меле Аримафеяста Иосифсь эняльдсь Пилатонди валхтфтомс Иисусонь ловажанц. Иосиф ульсь Иисусть тонафниец, аньцек кяшендезе тянь, сяс мес пельсь еврейхнень эзда. Пилат мярьгсь валхтомс Иисусонь ловажанц. Иосиф мольсь и валхтозе.

Иоанн 16:2

Паттядязь тинь синагогаста, и сай нинге стама пинге, мзярда тинь шавондыенте кармайхть арьсема – тянь вельде сюконяйхть-покодихть Шкайти.

Иоанн 12:11

вдь сон ульсь туфталсь, мес еврейхнень эзда ламотне аердсть синь эздост и ушедсть кемама Иисусти.

Иоанн 11:45

Ламотне ся еврейхнень эзда, конат сашендсть Мариянди и няезь, мезе тись Иисус, кармасть кемама Иисусти.

Иоанн 9:34

Каршезонза мярьгсть: «Пеже потмоса тон марнек шачеть, а нинге тонафтат эсонк?» И лихтезь сонь тоста.

Иоанн 3:2

И вов сон сась Иисусти веть и мярьгсь: «Равви! Минь содасаськ, Тон Шкайть эзда кучф тонафтыят. Вдь тяфтама тяштькст, кодапт Тон тиендят, киндинге аф тиевихть, аф улендяряй мархтонза Шкайсь».

Лука 12:8

«Корхтан тейнть: ся, кие ломаттнень инголе лувсы и лемдьсы эсь прянц Моннекс, сянь Ломанень Цёраське Шкаень ангелхнень инголе лувсы и лемдьсы Сонценнекс.

Лука 6:22

Павазуфтада тинь, мзярда Ломанень Цёрать инкса ломаттне афоледязь няе, паттядязь эсь ёткстост, сялттядязь и лувсазь лемонтеньге нильготьксокс.

Лука 23:13

Пилат серьгядезень озксвятиень оцюнятнень, Израилень лия оцюнятнень и ломаньтналть,

Иоанн 7:31

Ломаттнень ёткста ламотне кемасть Тейнза и корхтасть: «Мзярда сай Христоссь, дяряй тии тянь коряс сяда лама тяштькс?»