Иаковонь сёрмац 2:8 - Од Соткс Новый Завет на мордовском-мокша языке 2016

⁸ Сёрматфксса максф Шкайть Оцязорксшинь коец: «Кельк мала ломанцень, кода эсь пряцень». Кда тинь пяшкотькшнесасть тя койть, эста видеста тиенттяда,

Иаковонь сёрмац 2:8 Referans Kwoze

Павелонь сёрмац Галатияв 5:14

Вдь марнек койсь сюлмаф фкя-тяка валхнень эса: «Кельк маластоцень, кода эсь пряцень».

Иаковонь сёрмац 2:12

Корхтада и тиендеда кода ломатть, конат улихть судендафт воляшинь максы койть коряс.

Матфей 22:39

Омбоцесь васенцеть лаца: "Кельк маластоцень, кода эсь пряцень".

Павелонь сёрмац Галатияв 6:2

Лездода фкя-фкянди стакашиса, тяфта тинь пяшкодьсасть Христость коенц.

Пёторонь васенце сёрмац 2:9

Но тинь – кочкаф юромсь, Оцязорть озксвятиень оцюнянза, иняру ломаньтналсь, ломаттне, конатнень Шкайсь лувсыне Эсеннекс. Тинь тертьфтяда пачфнемс Сянь пара тевонзон колга, кие лихтедязь тинь шобдаста Эсь мазыдонга мазы валдозонза.

Иаковонь сёрмац 1:25

Но ся, кие ваны афсатыксфтома койть лангс, кона максы воляши, и ляды эсонза, и аф юкснесы кульф Валть, а эряй и тии кульфть корява, ся ули павазу эсь тевсонза.

Павелонь васенце сёрмац Фессалоникав 4:9

Кемай ялгань кельгомать колга тейнть аф эряви сёрмадомс, сяс мес Сонць Шкайсь тинь тонафтодязь фкя-фкянь кельгома.

Павелонь сёрмац Филиппав 4:14

Тинь сякокс лац тиеде, мес явость мархтон монь сталмонень.

Матфей 25:23

Азороц мярьгсь тейнза: "Пара, тон цебярь покодият и лангозт ули кода надиямс. Тонь лангозт ульсь кода надиямс ёмла тевса, тяни мон тейть максан сяда оцю тев. Сак азорцень илазонза".

Иаковонь сёрмац 2:19

Тон кемат: Шкайсь фкя? Лац тият. Вдь кяжи ваймопожфневок кемайхть и трнатыхть!

Матфей 25:21

Азороц корхтай тейнза: "Пара, тон цебярь покодият и лангозт ули кода надиямс. Тонь лангозт ульсь кода надиямс ёмла тевса, и тяни мон максан тейть сяда оцю тев. Сак азорцень илазонза".

Матфей 7:12

Тяфта, сембоса тиендеда ломаттнень мархта стане, кода мяленте синь тиендельхть мархтонт. Тяса койть и пророкнень тонафтомаснон смузьсна».

Павелонь сёрмац Риму 13:10

Кельгись аф тии маластонцты кальдяв. Сяс кельгомась – тя койть пяшкодемац.

Иаковонь сёрмац 4:11

Кемай ялгат! Тяда корхта кальдявста фкя-фкянь колга. Кие сялдсы эсь кемай ялганц али судендасы, ся сялдсы и судендасы койть. А кда тон судендасак койть, эста тон ни аф коень ванфтыят, а сонь судьяц.