Иаковонь сёрмац 1:4 - Од Соткс Новый Завет на мордовском-мокша языке 2016

⁴ А кирдемшканте катк пяшкоди педа-пес, сяс мес эста тинь аратада кемамаса кенерьф ломанькс и эсонт аф ули кодамовок афсатыкс.

Иаковонь сёрмац 1:4 Referans Kwoze

Пёторонь васенце сёрмац 5:10

Но тейнть аф ламос сави маятакшнемс. Маятамдонт меле Шкайсь стяфттядязь тинь, титядязь тинь афсатыксфтомокс, кемокстатядязь и максы тейнть вийхть. Эрь кодама пароказнень максы Шкайсь тердедязь тинь Христость вельде Эсь пефтома пингонь иневалдозонза.

Лука 21:19

Кирдеда и тейнть идеви ваймонте».

Матфей 5:48

Сяс, уледа сембе ширде цебярькс, кода сембе ширде цебярь тинь Менелень Алянте».

Павелонь омбоце сёрмац Тимофеенди 3:17

улеза Шкаень ломанць афсатыксфтома и эрь кодама пара тевонди аноклаф.

Еврейхненди сёрмась 13:21

катк аноклатядязь тинь эрь кодама пара тевонди, и тяфта тинь карматада тиендема Сонь мяленц коряс. И катк Сон Иисус Христосонь вельде тисы эсонт сянь, мезе Сонь мялезонза. Улеза Христости иневалда пефтома пингс! Аминь.

Павелонь сёрмац Галатияв 6:9

Сяс паронь тиемста аф макссаськ пряньконь сиземати. Эста, кда аф потатама тя тевста, эсь пингстонза нусаськ сёроть.

Иаковонь сёрмац 3:2

Минь сембе тиенттяма лама пежеда. А кие корхтамста аф тии пеже, ся сембе ширде цебярь ломань, конанди овстави марнек ронгоцка.

Иаковонь сёрмац 1:5

А кда киндиге тинь эздонт аф сатни смузьши, ся катк веши Шкайть кядьста, и тейнза максови. Вдь Шкайсь сембонди максси пара мяльса и аф апряказь.

Павелонь васенце сёрмац Коринфу 2:6

Минь азондсаськ смузьшить сятненди, кит кенерсть тянди, но тя аф масторлангонь смузьши и аф тя масторлангонь азорхнень смузьшисна, конатнень шисна ни лувфт.

Павелонь сёрмац Колоссав 4:12

Кучи тейнть пара вал тинцень Епафрасонте. Сон Иисус Христость покодиец, кона эсь озондомасонза апак лотксек вяти тюрема тинь инксонт. Сонь мялец тяфтама: илядоледе тинь афсатыксфтомокс и педа-пес содалесть, мезе Шкайть мяленц коряс.

Лука 8:15

Цебярь модас прафне, нят сят, кит ляпе и ару седисост марясазь валть, ванфтсазь сонь и кирдемшкаснон вельде каннихть раштафкс». Азомок тянь, ювадсь: «Кинь улихть кули пиленза, катк кульсы!»

Матфей 10:22

Монь лемозень инкса кивок аф кармай кельгомонт, но кие кирди петь самс, ся идеви.

Пёторонь омбоце сёрмац 1:9

А кинь эса сембось тя аш, ся сокор, сон пякстазень сельмонзон и юкстазе: мзярда-бди сон аруяфтфоль ингольдень пежензон эзда.

Иоанн 17:23

Мон синь эсостан, и Тон Монь эсонат. Катк синь марнек улихть фкя седиса-ваймоса. Эста масторлангсь шарьхкодьсы: Тон кучемайть Монь и кельгсайть синь, кода Монь кельгсамак.

Лука 18:22

Тянь кулемста Иисус мярьгсь тейнза: «Нинге фкя аф сатни тейть, мик сембе уликс-пароцень и явк ашуфненди, и кармай улема козяшице менельса; сяльде сак и мольхть мельган».

Марк 10:21

Иисус кельгозь варжакстсь лангозонза и мярьгсь: «Фкя тейть аф сатни: архт, мик марнек уликс-пароцень, и явк ярмакть ашуфненди, эста кармай улема козяшице менельса; сяльде сак, мольхть мельган».

Матфей 19:20

«Мон сембонь тянь ванфтса одкс пингстонкиге, – мярьгсь каршезонза од ломанць, – мезе нинге аф сатни тейне?»

Павелонь васенце сёрмац Фессалоникав 5:23

Катк Сонць Шкайсь, сетьмошинь лихтибрясь, иняруяфттядязь тинь марнек. И катк сембось тинь эсонт: ваймопожфське, ваймоське, ронгське – ванфтовихть аруста Иисус Христос Азороньконь мрдаманцты.