Иаковонь сёрмац 1:12 - Од Соткс Новый Завет на мордовском-мокша языке 2016

¹² Павазу ся ломанць, кона ётась сталмотнень-варчсематнень пачк, сяс мес пачкаст ётайти максови эряфонь каштазсь, конань Азорсь надияфтозе сятненди, кит кельгсазь Сонь.

Иаковонь сёрмац 1:12 Referans Kwoze

Пёторонь васенце сёрмац 5:10

Но тейнть аф ламос сави маятакшнемс. Маятамдонт меле Шкайсь стяфттядязь тинь, титядязь тинь афсатыксфтомокс, кемокстатядязь и максы тейнть вийхть. Эрь кодама пароказнень максы Шкайсь тердедязь тинь Христость вельде Эсь пефтома пингонь иневалдозонза.

Иоаннонди панчф няйфкс 2:10

Тят пеле сянь эзда, мезе тейть сави кирдемс. Ламотнень эздонт идемэвозсь ёрдасыне пякстамгуду. Тя ули тейнть кемамань варжамакс. Кемонь шит кармайхть люпштама эсонт, но сяка, тяк кадонда кемамацень, кда мянь сави куломс. И эста, кода сяськити, Мон максса тейть эряфонь каштазть.

Иаковонь сёрмац 5:11

Минь лемнесаськ павазукс сятнень, конатненди кирдевсть сембе маятаматне. Тинь марьседе Иовонь кирдемшканц колга, и содасасть кодама эряфонь пе макссь тейнза Азорсь. Вдь Азорсь кельгозь ужяльди и лезды стакашис повфненди.

Павелонь сёрмац Риму 8:28

А минь содасаськ: сембось шары цебяренди сятненди, кит кельгсазь Шкайть, и конатнень Сон тердезень Эсь мяленц-арьсеманц коряс.

Матфей 10:22

Монь лемозень инкса кивок аф кармай кельгомонт, но кие кирди петь самс, ся идеви.

Павелонь васенце сёрмац Коринфу 9:25

Эрь пялькстайсь лама вий путни сяськомас анокламати. Синь тиендьсазь тянь казненкса – каштазонкса, кона пужи и наксады. А минь ёратама сатомс мзярдонга аф пужи каштазть.

Пёторонь васенце сёрмац 3:14

Но кда тинь кирттяда маятамат видексшить инкса, эста тинь павазуфтада. Тяда пеле синь эвфнемадост, катк тинь мезевок аф эвфтядязь.

Павелонь омбоце сёрмац Тимофеенди 4:8

Тяни тейне ванфневи видексшинь каштазсь, конань тейне макссы Азорсь, видексшинь Судьясь, ся мекольдень шиста. И аф аньцек тейне, а тяфта жа сембонди, конат седи ваксста учсезь Сонь саманц.

Иаковонь сёрмац 2:5

Кулхцондода, кельгома кемай ялгат: дяряй аф масторлангонь ашуфнень Шкайсь кочказень улемс козякс кемамаса и дяряй аф тейст максозе Эсь Оцязорксшинц, конань Сон надияфтозе Эсь кельгиензонды.

Пёторонь васенце сёрмац 5:4

И мзярда сай Инь Оцю Ванысь, эста тейнть максови иневалдонь аф пужи каштазсь.

Павелонь васенце сёрмац Коринфу 2:9

Кода азф Сёрматфксса: «Сельмось сянь ашезе няе, и пилесь ашезе куле, и ашезь сашенда ломанть пряс ся, мезе Шкайсь аноклась Эсь кельгиензонды».

Иоаннонди панчф няйфкс 3:21

Кие сяськи, сянди мярьган озамс Монь мархтон оцязоронь озама вастозон. Тяфта Монга, сяськомок, озань Алязень мархта оцязоронь озама вастозонза.

Пёторонь васенце сёрмац 4:13

Меколанкт, кеняртькшнеда, мес тиньге явсасть Христость мархта марса Сонь маятаманзон. И мзярда панжеви Сонь иневалдоц, эста тинь карматада кеняртькшнема оцю кенярдемаса.

Павелонь васенце сёрмац Коринфу 8:3

Но кда кие кельгсы Шкайть, сянди максовсь содамоши Шкайть эзда.

Иоаннонди панчф няйфкс 3:19

Кинь кельгса, сянь пежензон лихтьсайне лангти и сюцеса-тонафтса сонь. Сяс ульхть виень путыкс и кадыть пежетнень!

Еврейхненди сёрмась 10:32

Лятфтасть ингольдень шитнень, мзярда Шкайсь валдоптодязь тинь Эсь валдсонза. Эста тинь кирдеде лама оцю сталма и сякокс ащеде кемоста.

Еврейхненди сёрмась 6:15

И тяфта, Авраам учсь куватьс, сатфтозе кирдемшканц и тейнза максфоль надияфтфсь.

Матфей 25:34

Эста Оцязорсь мярьги види кяденц ширеса ащихненди: "Сада тяза, Монь Алязень кядьса бславафне, сявость Оцязорксшить, кона тейнть аноклафоль нинге масторть тиевомста.

Еврейхненди сёрмась 11:17

Кемамать вельде Авраам максозе Исааконь озксказнекс, мзярда Шкайсь варчсезе сонь. Ся, кинди максфтольхть надияфтоматне, ульсь анок кандомс озксказнекс эсь фкя тяка цёранц,

Иоаннонь васенце сёрмац 4:19

Минь кельгсаськ Шкайть, сяс мес васенда Шкайсь кельгомазь минь.

Еврейхненди сёрмась 12:5

Тинь прокс юкстасть кемокстафты валть, кона азфоль тейнть, кода иттненди: «Цёрай, тят вана тёждяста Азорть сюцеманц-тонафтоманц лангс и тят лафчемом, мзярда Сон лихнесы лангу тонь пежецень.

Лука 6:22

Павазуфтада тинь, мзярда Ломанень Цёрать инкса ломаттне афоледязь няе, паттядязь эсь ёткстост, сялттядязь и лувсазь лемонтеньге нильготьксокс.

Павелонь сёрмац Риму 5:4

кирдемшкаста – кемошись, кемошиста – надиямась.

Павелонь омбоце сёрмац Тимофеенди 2:15

Сембе вийсот ёрак улемс Шкайть инголе цебярь покодикс, конанди аш мезьда виздемс тиф тевсонза и кона видеста тонафты видешинь валти.

Пёторонь васенце сёрмац 4:14

Кда тинь сялттядязь Христость лемонц инкса, эста тинь павазуфтада, сяс мес Иневалдонь Ваймопожфсь, лиякс мярьгомс, Шкайть Ваймопожфоц ащи тинь вельхксонт. Сят Сонь сялдсазь, а тинь Сонь шнасасть.