Павелонь омбоце сёрмац Фессалоникав 1:9 - Од Соткс Новый Завет на мордовском-мокша языке 2016

⁹ Кяжень пандомакс тейст ули пефтома юмамась: синь сявовихть Азороньконь эзда и Сонь иневалдонь оцюшинц ингольде.

Павелонь омбоце сёрмац Фессалоникав 1:9 Referans Kwoze

Матфей 25:41

Эста Сон мярьги кержи кяденц ширеса ащихненди: "Аердода эздон, сюдофт, арда адонь пефтома толти, кона аноклаф идемэвозти и сонь ангелонзонды.

Павелонь омбоце сёрмац Фессалоникав 2:8

И эста лиси лангти тя койфтомось, конань Иисус Азороньке шавсы кургста лиси пожфонц вельде и Эсь иневалдонц вельде ся шиста, мзярда сай.

Матфей 25:46

И синь туйхть пефтома пингонь маятамас, а видексшинь ломаттне – пефтома пингонь эряфс».

Иоаннонди панчф няйфкс 21:8

А пелихнень, кемамать эзда потайхнень, сембе туткоткснень, ломанень шавихнень, усксевихнень, колдувайхнень, аф афкуксонь шкайхненди сюконяйхнень и сембе васькафнихнень вастсна эрьхкса, кона палы толса и палыкандорса. Тя омбоце куломась».

Павелонь сёрмац Филиппав 3:19

Синь песна – адса, синь шкайсна – пексна, синь прянь шнамасна – визьксшиса и синь арьсихть аньцек тя масторлангонь тефнень колга.

Матфей 16:27

Вдь Ломанень Цёрась сай Алянц иневалдсонза и Эсь ангелонзон мархта, и эста эрь ломанть казьсы тиф тевонзон коряс.

Матфей 7:23

И эста азса тейст: "Мон мзярдовок тинь ашедязь сода; ворьда маластон, коень колайхть"».

Иоаннонди панчф няйфкс 20:14

Тяда меле Куломась и Адсь ёрдафтольхть толонь эрьхкти. Толонь эрьхксь – тя омбоце куломась.

Пёторонь омбоце сёрмац 3:7

А тяниень менельсь и масторсь ванфтови сяка Валть коряс толса плхтамати. Тя ули судонь шиста, мзярда юмафтовихть-арафтовихть Шкайти аф кулхцондыхне.

Лука 13:27

Но Сон мярьги: "Корхтан тейнть: аф содатядязь, китяда и костоннетяда тинь; ворьда маластон сембе тинь, зиянонь тиендихне!"

Матфей 22:13

Эста оцязорсь мярьгсь эсь покодиензонды: "Сотнесть сонь кяднек-пильгонек и ёрдасть тяста шобдати, коса кармай улема авардема и пеень мчкорфтома".

Иоаннонди панчф няйфкс 20:11

Тяда меле мон няень оцюдонга оцю акша оцязоронь озама васта и Сянь, кие озадоль лангсонза. Сонь шамаликонц эзда ворьгодсть модась и менельсь, и синь прокс юмасть.

Иудань сёрмац 1:13

Синь оцюведень кяжи комболкст, конат шовиякшнихть эсь визьксфтома тевснон мархта. Синь кифтома-янфтома якай тяштть, конатненди сембе пингс аноклаф шобдашись.

Еврейхненди сёрмась 10:29

Арьседа, конашкава сяда стака наказама учсы сянь, кие пильгса тапсесы Шкаень Цёрать и аф лувсы инярукс сотксонь верть, конаса сон ульсь иняруяфтф, и кие пароказнень Ваймопожфть сялдсы!

Павелонь сёрмац Титонди 2:13

Минь учендсаськ павазу надиямать пяшкодеманц, инь оцю Шкайть и минь Идиеньконь Иисус Христость иневалдонц саманц.

Иоаннонди панчф няйфкс 22:15

А пинетне и колдувайхне, усксевихне и ломанень шавихне, аф афкуксонь шкайхненди сюконяйхне и сембе сят, кит кельгсазь васькафнемать и эряйхть васькафнемаса, – аф повихть ошу.

Пёторонь омбоце сёрмац 2:17

Ня ломаттне, кода ведьфтома лихтибрят, кода сюне коволхт, конатнень панцесыне даволсь. Тейст аноклаф адонь пефтома шобдась.

Павелонь васенце сёрмац Фессалоникав 5:3

Мзярда ломаттне кармайхть корхтама: «Сембе вастова сетьмоши и аш мезьда пелемс!» – эста синь апак учентт сатсыне юмамась, кода шачфтомась сатнесы авать, и кивок аф ворьгодеви.

Иоанн 5:14

Сямольде Иисус васьфтезе сонь Шкаень кудса и азозе тейнза: «Вов, тон пчкять; оду тят сувсе пежес, афоль лисе мархтот мезевок сяда кальдяв».

Матфей 26:24

Ломанень Цёрась моли стане, кода сёрматф колганза, но вай кодань кальдяв ули ся ломанти, кона мисы Ломанень Цёрать! Ся ломанти сяда пара улель афи шачендомс».

Матфей 24:30

Эста менельса эвондай Ломанень Цёрать тяштьксоц. Масторлангонь сембе ломаньтналхне аварьгодыхть вярьгак вайгяльхть, мзярда няйсазь Ломанень Цёрать, кона сай менелень коволхнень лангса Эсь вийсонза и оцюдонга оцю иневалдсонза.